تعــــــــــــــال قـول لـنا عن روتينك اليـومي ..

الموضوع في 'إستراحة المنتدى' بواسطة سايكو, بتاريخ ‏30 مايو 2010.

  1. سايكو

    سايكو عضو جديد

    التسجيل:
    ‏21 مايو 2010
    المشاركات:
    50
    عدد الإعجابات:
    0
    السلام عليكم ...

    فكرة الموضوع هي لمبادلة الأفكار فقط و ليست لقافه ...

    أبلش بنفسي ...

    يوم الأحد و هو بداية أيام الأسبوع قبل السبت شحلاته الحين صار الأحد ... الله المستعان المهم ...

    الأحد :الدوام .. عقب الدوام مشفط البيت أدور فراشي الحنون انام نومة النملة أقعد العصر ثم إلى النادي و بعد النادي أرد البيت أتغدى و أقعد لي عقب صلاة العشاء تالي أروح درس ديني و أخلص على الساعه 11 تقريبا (علما بأن صارلي فترة قاطع عن الدرس لأسباب والله يعيين)

    الأثنين : الدوام .. و نفس الحكايه من غير الدرس .

    الثلاثاء : \\ .. مشاوير ... مني مناك ... قضاء حاجات البيت

    الأربعاء : \\ .. مشاوير .. مني مناك .. قضاء حاجات البيت

    الخميس : عقب الدوام ... أروح بيت الوالد لأن أم العيال مع العيال عندهم زواره و البيت صراحه بدون العيال ما ينبغى ... ف أروح عند الوالد اتغدا عنده هناك و اقعد لي تالي الليل ثم أعود إلى المنزل و طابعا و انا راد البيت أدعي إنه عيالي مو نايمين لأني أكون ولهان عليهم العب معاهم شوي بعدين على الساعه 12 1 أنام.

    الجمعة : أقوم الساعه 10 و نص استعداد إلى الصلاة و من ثم الذهاب الى المسجد ... أرد من المسجد ألقى الريووووووووق زاااهب ... أتريق و تالي أسترخي أمام الاب توب أو أحيانا البلاي ستيشن :rolleyes: لي المغرب و بعدين إلى بيت الوالد الله يحفظه مع العيال و ام العيال نقعد لي تالي الليل.

    السبت : أقوم الساعه 11 ... أستعد لرحلة عائلية . و عادتا ما تنتهي الرحلة على الساعه 7 مساء عشان العيال ينامون بكير حق المدرسه و أما بالنسبه لي انا و ام العيال عقب ما ينامون اليهال يا نكمل طلعتنا وله كل واحد يلهى بشغله . (روتين السبت يتغير تغيير جذري أحيانا على حسب المزاج)


    (علما بأن الجدول يشمل قراءة ورد يومي الاا و هو قراءة جزء من القرآن يوميا في الصباح أثناء الدوام)


    نسأل الله لي و لكم الهداية و الثبات .. اللهم آمين.
     
  2. بو شيشه

    بو شيشه عضو جديد

    التسجيل:
    ‏12 ابريل 2010
    المشاركات:
    2,006
    عدد الإعجابات:
    1
    مكان الإقامة:
    السره
    عن نفسي ما اقدر اتكلم عن روتيني.....لانه راح ينقفل المنتدى ان تكلمت:)