شرايكم بالشراء عبر الانترنت

الموضوع في 'إستراحة المنتدى' بواسطة فوركسي, بتاريخ ‏31 مايو 2010.

  1. فوركسي

    فوركسي عضو جديد

    التسجيل:
    ‏26 فبراير 2007
    المشاركات:
    736
    عدد الإعجابات:
    0
    الله بالخير جميعا شرايكم نسولف عن تجارب الشراء عبر الانترنت يعني اذا واحد فيكم شرا شي شنو رايه بالتجربه جيده ولا لاء ؟ عن نفسي انا ما شريت بضاعة الا مره وحده من زمان شريت كتاب عن العملات ووصلني بعد يوم مادري يومين بس وايد ادفع بالانترنت للفواتير وبعض البرامج فعن نفسي اشوف ان التجربه ممتازه وشنو تفضلون المواقع الكويتية ولا العالمية ؟
     
  2. aq8

    aq8 عضو جديد

    التسجيل:
    ‏3 ابريل 2010
    المشاركات:
    226
    عدد الإعجابات:
    1
    افضل الشراء من النت
    مثلا
    فى برنامج من جزئين ينباع عندنا على 20 دينار لك جزء

    انا اخذ الجزئين مع بعض 15 دينار عن طريق النت

    فشراايكم بالتجار عندنا هنى
    يعنى ماخذ زيادة 25 دينار

    افضل المواقع اللاجنيبة
    لان هم المواقع الكويتية تاخذ ارباح بنسبة 150 بالمية
     
  3. بو عيد

    بو عيد عضو نشط

    التسجيل:
    ‏14 سبتمبر 2005
    المشاركات:
    419
    عدد الإعجابات:
    14
    مكان الإقامة:
    kuwait
    صراحة شي ممتع
    وأنا جربت الشراء من امازون كذا مرة
    اي خدمة حاضر
     
  4. فوركسي

    فوركسي عضو جديد

    التسجيل:
    ‏26 فبراير 2007
    المشاركات:
    736
    عدد الإعجابات:
    0
    aq8 والله كلامك صحيح من ناحية البرامج واسهل واسرع بس البضايع ماتخاف ؟
    بوعيد ماشالله عليكم يالي تشترون من امازون الحين في ناس مكرم القاريء تشتري الجواتي والملابس من امازون وغيرها ماتضيعون بالمقاسات انا ادش محل بالكويت اشتري لمن ارد البيت احس ان المقاسات مو مضبوطه :)
     
  5. mxxy

    mxxy عضو مبدع

    التسجيل:
    ‏28 فبراير 2007
    المشاركات:
    2,665
    عدد الإعجابات:
    1
    مكان الإقامة:
    Kuwait
    والله يا جماعه انه شريت الكثير والكثير من السلع عبر الانترنت بل أنا احد داعمي هذا النظام ولي أكثر من منفذ مدخول بسيط عبر الشراء بالانترنت سواء الكي نت - الكاشيو ... عبر اكثر من موقع خاص بي .


    لكن تره مو كل شي جيد لشراءه عبر الانترنت


    الاشياء المفضل شرائها عبر النت

    1- برامج الكمبيوتر بإستثناء برامج الاوفيس والحماية والنظام التشغيلي .
    2- برامج البروكسي وفتح المواقع والاف تي بي والفي بي آن
    3- برامج تصميم المواقع والبرمجيات
    4- حجز تذاكر السفر والسينما
    5- حجز النطاقات والمساحات الشخصية شرط لمن لديه خبره
    6- شراء الملابس الماركات تكون بسعر رخيص الامتعه
    7- النظارات
    8- الاجهزه الرياضيه
    9- الاب توبات
    10 - بعض الكتب الاجنبيه


    يا حلوك لو عندك فيزا تعبئه أو كي نت خاص بالانترنت او تعرف حق الكاشيو ويا شينك لو ماتعرفهم ،،، يا حلاوتك لو تعرف حق الpaypal ، ويا كرهك لو ما تعرف حق الويسترون يونيون :D



    الاشياء الغير منصوح بها

    1- الاحذيه
    2- الاجهزه الثقيله
    3- السيارات
    4-الموبايلات - البعض منها
    5- الكتب العربية
     
  6. kuwaitbutterfly

    kuwaitbutterfly عضو جديد

    التسجيل:
    ‏24 أكتوبر 2005
    المشاركات:
    293
    عدد الإعجابات:
    0
    انا عن نفسي صارلي سنين اشتري من النت حقي وحق عيالي

    اشتري اشياء مافي منها بالكويت

    واشتري الماركات بنص سعر اللي ينباع بالكويت

    فرق السعر كبييييييييييييير الصراحه

    بس لو شركات الشحن تقلل شوي من اسعارها علشان نقول باي باي لاسوقة الكويت كلها

    وهذا الفايل انا سويته

    فيه سايتات مصوره

    http://public.f o t k i .com/alkandari/other/shopping-websites/

    كتبو فوتكي من غير مسافات
     
  7. aq8

    aq8 عضو جديد

    التسجيل:
    ‏3 ابريل 2010
    المشاركات:
    226
    عدد الإعجابات:
    1


    السايت مو شغال
     
  8. Abdulazeez

    Abdulazeez عضو نشط

    التسجيل:
    ‏7 سبتمبر 2004
    المشاركات:
    5,644
    عدد الإعجابات:
    5
    مكان الإقامة:
    Kuwait
    السلام عليكم

    أنا من أحد مجربين الشراء عن طريق الأنترنت من سنوات

    أول طلبيه لي كانت قطع كمبيوتر أشتريتها بنفسي وجمعت الكمبيوتر بمساعده صديق ، كانت بآخر سنه 1997

    وأول تجاره لي عن طريق الأنترنت كانت بأول سنه 1999 طبعا بعد ما أنهيت الخدمه العسكريه ، وكانت عباره عن أجهزة لاب توبات

    المهم .. الشراء قبل 10 سنين كانت بصعويه شديده ، لدرجه أنك تطيح كل مره بمشكله جديده م نناحيه الطلب ودفع المبلغ وغيرها

    والحين الأمور حتى لو كانت صعبه للبعض فهي 10% من صعوبه 10 سـنوات

    الشيء الوحيد كان سهل وصار صعب هو الجمارك والشحن كان أرخص بفرق كبير

    وأتكلم عن التجاره .. يعني مو قطعه أو 3 قطع

    طبعا تقريبا طلبت أشياء كثيره من برغي صغير حتى طلبت دعاميه سياره قدميه بالكامل

    بدأت بسبب واحد فقط ، كنت ناوي أشتري جهاز كمبيوتر من هني
    وطلبت القطع من برا وجمعته وطلع علي بأقل من نص السعر تقريبــا

    طبعا الحين الأسعار صارلها مده قام تنزل بالكويت ... بسبب كثرة المنافسه وعدد المحلات والتجار الكبار والصغار

    طبعا ما شريت من موقع كويتي إلا مره وحده بحياتي

    ومن موقع عربي إلا مره وحده بعد

    وجميع مشترياتي من المواقع الأجنبيه

    حتى أن بأحد السنوات كنت أشتري أي شيء لأي شخص قريب أو صديق

    يعني كنت أستلم الفلوس و أشتري لهم أغراضهم و طلباتهم بدون أي عموله حتى وصلت مجموع الي دفعتهم بشهر واحد إلى عشرات الألاف من الدنانير

    طبعا كلها شراء وطلبات متنوعه لعدد من الأشخاص

    طبعا أكثر شيء أشتريه الحين البرامج الضروريه عن طريق الأنترنت لسهوله إستلامها ودفع فلوسها

    رأي شخصي مني لا أكثر وسامحوني على الإطالــه

    بالتوفيق للجميع
     
  9. فجر الكويت

    فجر الكويت عضو جديد

    التسجيل:
    ‏11 مارس 2010
    المشاركات:
    2,524
    عدد الإعجابات:
    0
    الله يوفق الجميع يا رب
     
  10. فوركسي

    فوركسي عضو جديد

    التسجيل:
    ‏26 فبراير 2007
    المشاركات:
    736
    عدد الإعجابات:
    0
    اتفق وياك من ناحية الجواتي تكرمون واي شي فيه مقاسات مثل الملابس الا اذا تعرف مقاسك عدل عدل وخوفك ان الخامه ماتكون مثل ماتوقعتها
     
  11. فوركسي

    فوركسي عضو جديد

    التسجيل:
    ‏26 فبراير 2007
    المشاركات:
    736
    عدد الإعجابات:
    0
    من ناحية الفرق كبير كبير مافيها روح تعال واحد من اصدقائي يطلب بولو وتيشيرتات يقول ارخص وايد من المحلات
     
  12. فوركسي

    فوركسي عضو جديد

    التسجيل:
    ‏26 فبراير 2007
    المشاركات:
    736
    عدد الإعجابات:
    0
    Abdulazeez

    ماشالله حتى الدعاميات بالانترنت جذيه يخسرون الي بامغره :)
     
  13. فوركسي

    فوركسي عضو جديد

    التسجيل:
    ‏26 فبراير 2007
    المشاركات:
    736
    عدد الإعجابات:
    0
    منقول من ايميل


    اغلبها مواقع كويتية..

    http://www.ninemonths.biz/home

    جميع مستلزمات المرأه الحامل





    www.alhediya.com

    موقع تسوق مفيد





    www.alarbash-pc.com

    الاربش لمستلزمات الكمبيوتر





    www.sarafco.com

    الصراف لمستلزمات الكمبيوتر





    www.cameoo.net

    كاميوو لمستلزمات الكمبيوتر





    www.macbigstore.com


    موقع تسوق كبيير لكثير من الإحتياجات





    www.taw9eel.com

    الجمعيه الالكترونيه مفتوحه 24 ساعه





    www.*******.com

    شركة كويتية تقوم بالتعاقد مع شركات أمريكية على تقديم منتجات مختلفة شرط أن تكون مبتكرة





    www.q8aquamarine.com

    offering a complete selection of marine fishes and corals





    www.ketaaby.com


    موقع كتابي لشراء الكتب





    www.q8flowers.com

    موقع لشراء الورد






    www.flora2000.com

    موقع لشراء الورد





    www.aljarra.com


    موقع الجره لشراء الورد





    http://pinkmoonboutique.com

    موقع تسوق نسائي





    www.6alabat.com

    موقع المطاعم
    للطلب عن طريق الانترنت




    www.powdertalk .com

    موقع تسوق نسائي



    www.kwtmobile.com


    موقع كويتي لبيع الموبايلات يوصل خلال 90 دقيقه



    www.rullart.com

    موقع رائع للهدايا والقرقيعان





    www.catalog-express.com

    موقع كويتي لشراء العطور والهدايا





    http://mafaresh.jeeran.com

    مفرش وكوشيه





    www.shestyle.net

    SHE STYLE متنوع للبنات من جناط واحذيه


    www.nawafalbader.com

    ازياء نواف البدر





    www.ovatusfashion.com

    اوفاتوس للاكسـســوارات





    www.rskuwait.com

    موقع لشراء الالكترونيات والكهربائيات





    www.minibearhugs.com

    موقع لصناعة العاب الدبب





    www.alsrest.com

    مطعم وحلويات ليالي الشرق





    www.bas6a.com

    موقع بسطه لبيع جميع عروض الأفراد





    www.arabuy.com

    مركز التسوق العربي





    www.q8boom.com

    موقع كويتي للمستلزمات البحريه





    www.awatifalhai.com

    موقع عواطف الحاي





    www.ansamalkhalaf.com

    موقع انسام الخلف





    www.anjafa.com

    موقع تسوق للرجال والنساء



    www.kwt-nawras.com

    لشراء مستلزمات الصيد





    www.nafnofy.com

    موقع كويتي يبيع ملابس نسائيه واكسسوارات
     
  14. كويتيه @

    كويتيه @ عضو نشط

    التسجيل:
    ‏30 يناير 2009
    المشاركات:
    874
    عدد الإعجابات:
    0
    مكان الإقامة:
    الكويت الغاليه
    موضوع مفيد

    شكراااااا
     
  15. فوركسي

    فوركسي عضو جديد

    التسجيل:
    ‏26 فبراير 2007
    المشاركات:
    736
    عدد الإعجابات:
    0
    اهلا كويتيه سعدنا بمرورك