هذا اللي وصلني
السلام عليكم
يا جماعه انا من الناس اللي عندي اسهم بسلطان وبيان ووطنيه عقاريه وما شريت المخازن لان سعرها غالي وممكن نفس القيمه اللي بشتري فيها المخازن اشتري فيهم سلطان وايد افضل واوفر ..... ولكن ....
اليوم الوالد قالي يا البواردي ( ماني قايل اسمي )
اشترلي المخازن قلتله يبا اخذ سلطان بدال المخازن لان اذا تبي تشتري سلطان بقيمة المخازن تصير الكميه دبل يعني اذا كنت تبي تشتري 1000 سهم مثلاً بالمخازن تصير قيمتهم 4366 دينار مع العموله بس اذا تبي تشتري بهالقيمه بسلطان يصيرون تقريباً 2000 سهم جان يعصب علي وقالي :- اشتر يا فلان وما عليك انا جايني كلام حتى لو يوصل 5 دنانير يا بوفلان اشتر .
انا بصراحه استغربت قلتله ولا يصير خاطرك إلا طيب بس انا انصحك يا يبه وانت بكيفك .
وشريتله 7000 سهم بقيمة 30560 دينار مع العموله . وبصراحه استغربت منه لان قالي ولدي انت ما تدري عن شي بيع كل اسهمك واشتر بالمخاااااااازن وقام يضحك
لمن وصلت البيت وعطيته البون وباركتله قالي اخذت قلتله بصراحه اي اخذت على قدي 1000 سهم قالي زين سويت لان عندهم بعد عقد جديد وراح يكسرون الدنيا فيه ..... قلت الله كريم وانا مستغرب
ولكن
اليوم في اخبار ال بي بي سي قالو ان امريكا تعاني من عجز في ميزانية الكونجريس والسبب البنتاغون وتصرفات الرئيس الامريكي بالكيزانيه فهل من الممكن ان المخازن تبي تستولي على ميزانية امريكا والسبب عقودها اللي بالمليارات وامريكا تعاني من نقص بهلفلوس هل يعقل هذا الكلام ؟؟
