شريت بيتك 1260 هل ابيع

[al_hadhood]

السلام عليكم شباب

اتمنى منك شباب نصيحه انا جديد على البورصة ومتوهق

كنت شاري بيتك 1260 والحين نازل واخاف ينزل اكثر ابيع

ولا احتفظ بالسهم يمكن يرتفع



والله متوهق وانا خسران لحد الحين 5000


انا شاري 20000 الف سهم


ارجو النصحيه منكم يااخوان وشاكر لكم

 

[سرور]

بيع والرزق على الله أنا ماأحب سهم ينكشف( يعني أقل من الدينار) المفروض يكون الدينار دعم

 

[السهم المجروح]

اذا منت محتاج الفلوس خلهم واقعدلهم قعده وخلها سهم استثماري انطر الارباح والمنح والله يرزقك

 

[Cozmo]

اخوي الهدهود
اول شي الله يعوضك خير في خسارتك
وبدايه مو موفقه
نصيحه اخويه تابع التحاليل الفنيه الموجود في المنتدى عندنا محللين ذو خبره كبيره
وشوف التوصيات قبل لا تشتري وتبيع

خسارتك مو هينه نهائيا
اذا كنت ناوي تبيع وتطلع وانت محتاج الفلوس اطلع يا اخوي وقف خسارتك
لكن اذا هالفلوس مو محتاجهم خلهم افضل ولا انك تخسر هالخساره الجايده

او انك تطلع بخساره وتحول التعويض في بعض الاسهم الي عليها مضاربه حاليا وارتفاعات مستمره

والله يوفقك

 

[al3mlaaq]

اقولك اخوي انفذ بجلدك وارضى بالخسارة واشترلك محل مضمن اتعوض خسارتك ان شاء الله وبعد جم سنة اتبيعة بسعر اعلا باذن الله بس شوف محل شغال وفية عمالة مصبغة مطعم هندي او اي نشاط تفهم فية

 

[cookies24]

الله يعينك ياخوي

 

[همبه]

السلام عليكم ورحمة الله وبركاته

الخسارة 50000 دينار بالاضافه للقرض الله كريم اهم شي الصحه والعافيه

 

[جمبازي]

السلام عليكم شباب

اتمنى منك شباب نصيحه انا جديد على البورصة ومتوهق

كنت شاري بيتك 1260 والحين نازل واخاف ينزل اكثر ابيع

ولا احتفظ بالسهم يمكن يرتفع



والله متوهق وانا خسران لحد الحين 5000


انا شاري 20000 الف سهم


ارجو النصحيه منكم يااخوان وشاكر لكم

الله يعينك يالهدهود


السهم كسر الترند الصاعد من سنة 2009

وقد يرجع لتاكيد الكسر عند سعر 1020 ...

فى حالة صعود السوق ..يفضل بيع السهم على سعر 1000 .

هذا رأيى وانت حر بقرارك .

والله أعلم

 

[أبو عمر]

الله يعينك
السهم راس وكتفين سلبي والهدف 800
السهم ممكن يرتد مضاربيا من 960

 

[Abdullah Alhajeri]

بيع بأي سعر

 

[VipqiV]

نصيحه لوجه الله يالهدهود

لا تبيع يالغالي وانت باخر اسعار الداون وبالقرب من الداون السنوي وهو المحك ( البيع دائما بحالة النزول ووقف الخسارة

من 3 % الى بحد أقصى 10 % من راس المال ) لكن اكثر من هذا الصبر مفتاح الفرج لو بعد حين

او التعديل السعري والشراء باقل سعر متداول شهري وهو 980 فلس

والسنوي 880 لم يتنازل عنه حتى الآن وانت براحتك الوضع الان بدأ بالنهوض العالمي

والاخبار المتسارعه

انه بيتك لم يتنازل عن ال 1 دينار الا بهذا الوضع المزري ولكن مع ارتداد الامريكي والتعديل على اوروبا ونجاح

حلول الديون سوف ننسى ماجرى وبداية الغد الى بداية اعلانات الربع الثاني للمراقبه و كمان ما نسينا مافعلت دبي والآن لا نهتم بها الوضع للمراقبه الارتدادية الصعودية

وراقب المؤشر لا يتنازل عن 6600 وبالله التوفيق

 

[fahhad76]

بيع بأي سعر

اخوى عبدالله اذا تقوله بيع باى سعر لابد تغير 8500 اللى بتوقيعك

اذا 8500 تقصد للمؤشر العام

والله يوفق الجميع.

 

[al_hadhood]

الله يجزاكم خير على الردود الطيبه وافضل اخذ بنصيحة بعض الشباب انطر ومااني محتاج الفلوس الحين

والله كريم ارد الخسائر او نشوف بيتك صاعد فوق ومشكووووورين احبائي على النصائح الطيبه

 

[7aboob84]

بيع بأي سعر

والله نحيس حدك وعلى قوله المثل (جلد ماهو جلدك مشيه على الشوك والصخر) لا يا أخى لا تبيع آنا ماخذه نفس السعر 1260 أقسم بالله وماسكه لعل وعسي الله يفرجها والصبر مفتاح الفرج يا الغالي

 

[Trillion]

انا مااخذه عيل بــــــــــ 1340 وما بعت للحين ولا راح ابيع ممكن صج بينزل اكثر من سعر اقفال

أمس ولكن سهم مرده راح يرد فوق 1200

وبدام سهم قاعد يحقق ارباح وعنده مخصصات واستثمارات ويوزع ما عليه خوف

هذي وجهه نظري

بس لي محتاج الفلوس ولي يبي ضارب طبعا الوضعه راح ايكون غير اما انا فــ مستثمر

والمستثمر باله طويل

 

[ADEL ALAZMI]

نصيحه يالهدهود ... دامك مو محتاج الفلوس لاتبيع . الصبر نص المربح بالبورصه

وان شالله تبيعه بمربح طيب

 

[مسـتـثـمـر]

فقط اذا عندك فلوس اخذ بكلامي

-
-
وهو....... اشتر كمية اضافية لين يصير متوسط تكلفة السهم دينار

وبعدين بيعة ...

بالتالي تكون الخسارة لا تذكر

وبالتوفيق

 

[مرجان]

اخوى عبدالله اذا تقوله بيع باى سعر لابد تغير 8500 اللى بتوقيعك

اذا 8500 تقصد للمؤشر العام

والله يوفق الجميع.

كلام صحيح

 

[رجل المال]

لا تبيع ولا تشتري خلك على اسهم وكل سنه استلم ارباحك وخله لعيالك وعيال عيالك واطلع من السوق ولا تروح السوق نهائيا مهما كانت المغريات غير هالكلام راح تنصاد من السوق لا محاله
والمثل يقول ( مابعت يعني ماخسرة )

وبالتوفيق

 

[طاروف]

انطر شوي