مطلوب جهاز يبرد ماء المنزل

[طويل البال]

السلام عليكم

يا أخوان
مطلوب جهاز تبريد الماي اللي يركب على التانكي

شنو أنواعهم

و وين أحصل غير الغانم

مشكورييين

 

[بحريني1972]

هلا فيك

غي شركة صناعات التبريد بالصليبيه مقابل السجن المركزي عندهم ماركة كولكس واسعارهم مقبوله

 

[طويل البال]

تسلم يا بو الطيب و الجود

 

[Q8 Stock]

السلام عليكم


عندي لك فكرة

اشتر لك مراوح (شفاط) على حسب عدد التوانكي
في نوعية تسحب او تدفع الهواء

بعدها
فصل لك خشب على مساحة غطاء التانكي (للمحافظة على الغطاء واغلاقه في فترة الشتاء)
ويفضل نوع الخشب الثقيل
بعدها قص الخسب بشكل دائري يناسب الشفاط (المراوح)
بعدها توصلها بالكهرباء
وبعدها استمتع بالماء البارد والمنعش

اكلمك عن تجربة شخصية نستخدمها كل صيف

 

[am7]

Q8 Stock
نظريا فكره رائعه
بس الغبار ما يدش التانكي ؟؟؟



شكرا عالموضوع

 

[طويل البال]

بحريني 72دزيت أحد على كولكس و بصراحه أسعارهم ما تساعد تبتدي من 600 الى 850 دك على القياسات

بس هم ما قصرت يا خوي


Q8 Stock

فكره حلوه ونصيحه ملائمه .

استفسارات:
بس المراوح تظل شغاله طول النهار ؟

واذا صكرناها ما في شئ ممكن يتسلل للداخل


في مجال صور عشان الكل يستفيد
ومن وين المراوح ماخذهم بس علشان يكمل الشغل.

تسلموون


ودمتم

 

[فلان الكندري]

اخوي عن تجربه شخصيه لا تاخذ غير من الغانم ( كومبيريسور فرنسي ) سعرها ما يوصل 200 دينار انا امركبها من العام وماشاءالله عال العال

والميزه باليديده انها اتصير براده بالصيف ( توصل لي 20 درجه ) وبالشتى دفايه لي ( 34 درجه ) مثل التكييف الوحدات بالضبط يعني انت تتحكم بالحراره والحين احلى شاور الساعه 2 الظهر وبعز الصيف اخلي السخان العادي شغال لان الماي فعلا بارد

 

[طويل البال]

تسلم يالكندري

ممكن تتحكم بالدرجه البروده او السخونه فيه ترموستات يعنى ؟

 

[فلان الكندري]

اي نعم اخوي اليديد فيه جهاز مثل الريموت كنترول وفيه ( بروده او حراره ) وفيه ( تحكم بالحراره يا انك اتزيدها وا اتنزلها )
لا وعلى فكره تدفع 20 زياده ( اعتقد السعر وصل معاي لين 185 مع هال 20 وتاخذ كفاله عالكمبريسور 5 سنوات بدال الثلاث