ساعدوني الله يخليكم

مسكين الكويت

عضو نشط
التسجيل
30 أبريل 2009
المشاركات
18
اخواني انا فيني سكر قوي ويوصل مستويات عاليه او وظفيتي وايد ضغط عليها شلون اعرض نفسي على لجنه طبيه علشان ينقلوني من مكان لي مكان .. بس اخاف من شي يقولولي روح داوم صبح دامك تعبان وانا الصبح مااواطنه وصارلي سنين اداوم شفتات واحد ينورني ويقولي شسوي ويقولي القوانين لانه طقت جبدي
 

مشعل المحامي

عضو نشط
التسجيل
3 أبريل 2010
المشاركات
366
الإقامة
بيت المشورة-ش البلاجات- مقابل شوبيز -مدني وتجاري
الله يشافيك ويشافي كل مسلم

اخوي الحل انك تجيب تقرير حديث بحالتك وترفقه بكتاب تسجله بالوارد عندكم تقول فيه انك مريض وحالتك ماتسمح انك تداوم بالفتره الصباحيه كونك تاخذ علاج بالاضافه الى كثرة المراجعات للمستشفيات بالفتره الصباحية . وتثبت ذلك بالتقرير

وانشاءالله يقبل كتابك ويوفقك ويشافيك

الكتاب توجه للمدير العام . كونه اهو اللي بيده تفيف ساعات العمل او النقل وغيره

موفق خير انشاءالله
 

مسكين الكويت

عضو نشط
التسجيل
30 أبريل 2009
المشاركات
18
اخوي المدير الاداره مايستقبل احد يقول روح حق رئيس قسمك في تدرج وظيفي ورئيس قسمي رافض النقل يقول مانستغنى عنك وملفك كل السنين امتياز ولا مره خذيت طبيه ولا غياب ولا تأخير وكل سنه يكرموني الموظف المثالي شنو الحل تكفون
 

قناص_السوق

عضو نشط
التسجيل
8 يناير 2009
المشاركات
1,348
يعني تقدر تداوم ما فيك الا العافيه تحمل كلها جم سنه تكمل 30 و تتقاعد هالزمن صعب تلقى واحد ينحب :)
 

fayoona74

مستشار قانوني
التسجيل
31 يناير 2009
المشاركات
2,071
الإقامة
الكويت
عزيزي جهة عملك المختص في تلقي طلبك اهي الشئون الادارية سو كتاب واطلب عرضك على لجنة طبية وبعدها تستكمل الاجراءات انت راجعهم اهم يعلمونك شنو تسوي بالضبط
اخ مشعل المدير ماله اي اختصاص في تخفيف ساعات العمل الموظف الحكومي مرتبط بديوان الخدمة المدنية
 

فريح الكوح

عضو نشط
التسجيل
7 يونيو 2010
المشاركات
355
الإقامة
94004040
ابي السموحة من الاخوة المستشارين - لان عندي راي مو قانوني :

هالامور تنحل عن طريق نائب دائرتك وبس .

للاسف الدنيا ماشية جذي !!
 

fayoona74

مستشار قانوني
التسجيل
31 يناير 2009
المشاركات
2,071
الإقامة
الكويت
مافي بالجهات الحكومية شي اسمه نائب دائرة الموظف الحكومي يتبع ديوان الخدمة والرابط الشئون الادارية بالجهة الحكومية
 

فريح الكوح

عضو نشط
التسجيل
7 يونيو 2010
المشاركات
355
الإقامة
94004040
مافي بالجهات الحكومية شي اسمه نائب دائرة الموظف الحكومي يتبع ديوان الخدمة والرابط الشئون الادارية بالجهة الحكومية


شكرا على التوضيح استاذة .. بس انا قصدت ياخذ واسطة ( عضو مجلس الامة اللي بدائرته )

الريال حالته الصحية مو جيده وقادين يتعنتون معاه !
 
أعلى