لقاء مع وزير البلدية خاص لاهالي شرق القرين ( ابوفطيرة - الفنيطيس)

[ودي اربح]

بوصالح تراك غياب اليوم

 

[خالد العليان]

عزيز وغالي يا خالد العليان

حبيب ودي اربح...
واقول للبعض اللي مايعرفك مايثمنك...

 

[جاكوار]

ودنا نعرفك علشان نثمنك ...

حبيب ودي اربح...
واقول للبعض اللي مايعرفك مايثمنك...

في رد سابق قلت :

ناقشني بطرحي ومواضيعي النيرة مثل ماتقول..ناقشني...حاورني..وانت تعرف مستواي الاكاديمي والمهني..
موشغلك شهادتي ولا اصلي ولا فصلي...
خوش والله...اخاف تبي بعد رقم بطاقتي المدنية...
اخوي هذا منتدى لك ولغيرك...ولي ولغيري..
لاحول ولاقوة الا بالله العلي العظيم...

وهم رديت :

هلا صديقي ودي اربح...
راح اخذ بنصيحتك يالحبيب..
محشوم من الغلط...كان خطأ مطبعي...
انت عزيز وغالي...
بس جاكور خلاني مصري...مع احترامي لاخواننا المصريين...

انته تقول انه اللي ما يعرفك ما يثمنك ( حلووو )

وطلبت منك تعرفني بنفسك رديت وقلت مو شغلك بشهادتي واصلي ( طيب )

تدري يا حلو اللي ينكر اصله ( بالاساس ما عنده اصل ولا ولاء )

وبلاش اونطه يا باشا مفشي كوايته غلابه (( ههههه )

لا تلعب بالنار ( جاو يا باشا )

 

[جاكوار]

لا يا خوي مو ريحة عنصرية

حشيمة لاخوي ودي اربح
...ماراح ارد عليك ياجاكور..رغم ريحة العنصرية بالموضوع

ما اعتقد ريحة عنصرية :

اعتقد والعلم لله وحده انها ريحة ( فول ومولخية )

تقبل مروري

 

[عذبي 71]

الشباب الله يسلمهم صاروا صحفيين...
التصاريح غير الرسمية وغير الموثقة...وجودها مثل قلتها...
في حال ان الوزير صفر اعطى الوعود..في غيره من الوزراء اعطوا الوعود وماكو شي صار..
نريد تصاريح رسمية ياشباب...مع احترامي للجميع...راح اعتبر نفسي ماقريت الموضوع هذا..
شكرا

مشاركه بمستوى صاحبها كالمعتاد واذا تبي تعتبر نفسك ماقريتها فهذا ما راح ينقص الموضوع شي...
رغم انك صاير لنا بالمنتدى قارئة الفنجان على قولة مطربكم عبد الحليم حافظ وقاعد تتنبئ بالغيب ومحد قالك شي ...
على كل بالمره القادمه راح اجيبلك التصريح من احمد نظيف بيزات نفسه عشان يعقبك ايه رأيك يا سي خالد...

 

[bu sale7]

ما شاء الله لقاء ودي وطيب الله يعطيكم العافيه

ودي اربح وعذبي بارك الله فيكم على جهودكم الطيبه

والشكر موصول للوزير الكفؤ الدكتور فاضل صفر هذا الوزير الاصلاحي من الدرجه الاولى

وهذي ما هي مجامله

 

[bu sale7]

بوصالح تراك غياب اليوم

هلا ودي اربح يا معود انا مستاذن من بو خليفه :d:d:d

 

[عذبي 71]

هلا ودي اربح يا معود انا مستاذن من بو خليفه :d:d:d

كلام بوصالح صحيح وعنده تمديد الى بكره الصبح
*

 

[القصاص 2]

السلام عليكم ورحمة الله وبركاتة

جزاكم الله خير

 

[القصاص 2]

جمعنا عصر اليوم انا ويا اخوي ودي اربح لقاء سريع مع الدكتور فاضل صفر وزير البلدية وكان هالرجل الكريم مثال بالتواضع والأخلاق وسعة الصدر
وطرحنا عليه بعض الاستفسارات اللي شغلت بالنا كثيرا
وكانت الاسئله كالتالي:
ودي اربح : عندنه استفسار عن تراخيص ضاحية ابو فطيرة وضاحية الفنيطيس
معالي الوزير : تفضلوا مع ابتسامه وزيريه
عذبي : سمعنه عن قرار مجلس الوزراء بالسماح بمنح تراخيص البناء بالتنسيق مع البلدية وانت طال عمرك وزير البلدية ونبي نعرف اللى راح يصير معانه بالضبط ومتى نقدر نحصل على تراخيصنه
معالي الوزير : بالنسبة لقرار مجلس الوزارء صدقوني انا اللى طرحته للمناقشة والحمد الله تم الموافقة عليه وانا مهتم شخصيا بالموضوع وبمتابعة
ودي اربح : والله يا دكتور الناس تدعي لك وتذكرك بالخير على هالمجهود وماراح ننسى لك هالموقف
عذبي 71: اى والله يا دكتور ما تدري اشكثر احنه متأملين فيكم الخير ومنتظرين على جمر صدور هالتراخيص واملنه بالله وفيكم
معالى الوزير : مشكورين وهذا واجبنه وان شاء الله الله يقدرنه لخدمتكم
عذبي : احنه ومجموعه كبيرة من أصحاب القسايم نبي نعرف متى بالضبط تنتهى هالمعاناة ونحصل على التراخيص
معالي الوزير: (هم ابتسم مره ثانية ابتسامه وزيريه ) احنا منتظرين تركيب الرصيف في ابو فطيرة حتى نحدد مناسيب القسايم و نعرف ارتفاعات القسايم وبعدها عن الشارع لنتفادى المشاكل اللي صارت في جنوب السره
ودي اربح : يعنى طال عمرك متى تواعدنه بالخير
معالي الوزير : باذن الله اقل من سنه وتصاريحكم عندكم
ودي اربح : وبالنسبة لضاحية الفنيطيس طال عمرك متى ؟؟
معالي الوزير : المشروع توه في بدايته وان شاء الله اذا وصلوا مرحلة تركيب حجر الرصيف ان شاء الله يأخذون التراخيص
عذبي: طال عمرك سمعنه انه في شركة متأخرة اشوي عن الشركة الثانية
معالي الوزير : احنه متابعين الشركات وملتزمين معانه في فترة زمنيه حسب العقد وانتظروا اشوي وبتشوف كل خير
عذبي : في أخبار عن الكهرباء طال عمرك
معالي الوزير : أنا كلمت وزير الكهرباء بنفسي وقلت له يا طويل العمر الناس تبي تنبني قسايمها وتسال عن الكهرباء ووزير الكهرباء ابدي اهتمامه بالموضوع وقال ان شاء الله ما يخلصون بني الا وكهربتهم واصله
عذبي : مشكور طال عمرك واسفين على كثرة الاسئلة واخذنه من وقتك
معالى الوزير : لا انا حاضر وبالخدمة
ودي اربح : مشكور طال عمرك وان شاء الله بميزان حسناتك

السلام عليكم ورحمة الله وبركاتة
الله يجزاكم خير انه عندى ملاحظة
الوزير يقول بعد تركيب الرصيف وانه شايف الرصيف راكب ليه ما وضحتوا له هالنقطة او الوزير ما عنده خبر وشكرا

 

[القصاص 2]

السلام عليكم ورحمة الله وبركاتة

ذي رغوة الصابون اللى تتكلمون عنها مع انى مانى عارف شنو السبب ؟

الرابط لاني لا اعرف اجيب الصور بالمشاركة وشكرا

http://www.google.com/imgres?imgurl...D8%B9%D8%A7%D9%84%D9%85&um=1&hl=ar&tbs=isch:1

 

[TCR3]

 

[yasalam]

شباب المنطقة اطلعوا واصلين
قواكم الله

 

[ودي اربح]

هلا ودي اربح يا معود انا مستاذن من بو خليفه :d:d:d

دربك خضر

كلام بوصالح صحيح وعنده تمديد الى بكره الصبح
*

يستااااااااااهل

 

[عذبي 71]

شكرا القصاص على هالرابط
وشكرا حبيبي تي سي ار على الصورة الجميله
وتستاهل الطيب يا ودي اربح وشارايك بالرغوة الحلوة اللي نقلها لنا القصاص
بصراحة شي على اصول مو الرغوة اللي عندنة اذا حاشت بدي السيارة مايطلع الا ابوليش..
ودي اربح عندي كرتون رغوة مستورد من بور سعيد انما ايه اشطه يا بو الود..
اخوي القصاص الجهة المقابلة لشارع الفحيحيل باقي منها اجزاء ماركب فيها الرصيف الى الان ...
ومعالي الوزير اشار الى انهم متابعين الانجاز بالمنطقة ..
وطبعا اذا ما كان الوزير يتفقد بنفسه فمن المؤكد انه يرسل وكلاءه او ممثلي الوزارة وهم ينقلون له الصورة بكل دقة لمجريات المشروع...
فانت تتكلم عن منطقه هامه وحساسه بالكويت والحكومة ابخص بشغلها ..

 

[القصاص 2]

السلام عليكم ورحمة الله وبركاتة

انظر الى رابط الاسعار يا اخ عذبي وانت الله يصلحنه معك تريد ارض لصاحبك
انظر الى الموضوع الجديد لاسعار وزارة العدل من 30 / 5 / 2010 الى 3 / 6 / 2010 الله المستعان

 

[ودي اربح]

الله كريم ان شاء الله

 

[ودي اربح]

مرت علينا الايام يا جيرانا بسرعه كلمح البصر
وبمناسبة مرور سنه نقدم لكم هذا الانتاج الجديد
فيلم ابوفطيرة
رابط الفيلم الجديد
v
v
v
v
v
v
v
v

اضغط هنا
سوينا شي ماصار
صرنا محط انظار​

 

[ودي اربح]

اشرايكم يا الربع في فلم سوينه شي ما صار

 

[ديناركو لمتد]

اشرايكم يا الربع في فلم سوينه شي ما صار

شي متعوب عليه ومزيد من التفوق ودي اربح