ابى رد قانونى... سقوط فى الهاويه ؟؟؟

الموضوع في 'قسم الإستشارات القانونيه' بواسطة lلعنزى, بتاريخ ‏5 يونيو 2010.

  1. lلعنزى

    lلعنزى عضو جديد

    التسجيل:
    ‏8 ابريل 2010
    المشاركات:
    64
    عدد الإعجابات:
    0
    السلام عليكم ورحمه الله وبركاته يااخوان منو يبى الاجر يدلنى على الطريق الصحيح والله مشكله انسانيه بحته .بدايه المشكله اخذت قرض من بنك الوطنى 30 الف والفوائد الله وحده العالم . المهم القسط 300 دينار مافيه مشكله الراتب 825 ... وبعد حوالى سنتين اخوى الصغير قدم استقالته من الوظيفه وكان عليه قرض بحدود 22 الف من غير الفوائد وقسط 280 وكان كل شهر يروح البنك يدخل قيمه القسط وبعد تقريبا 6 شهور اتصل البنك فى البيت وقال على اخوك مراجعه مكتب القانونى ورحت معه وقابلنا المسؤول فى الشؤون القانونيه قال وكلام موجه الى اخوى انت راتبك مانزل من 6 شهور وعليك قرض قال انا كل شهر اجى ودفع وماطوفت ولا قسط قال خبير القانونى مايصير عندك احد الخيارين اما تحويل ملفك الى المحكمه وراح ينزل عليك منع سفر وضبط واحضار او تجيب كفيل راتبه على الوطنى يتحمل القسط لين توظف وينزل راتبك على البنك واخوى كان يدرس فى الخارج وخاف يضيع مستقبله اذ نزل عليه منع سفر ..... بدايه الهاويه ... قلت انا اكفله ووقعت على اوراق وقامو يخذون القسط منى من حوالى 4 سنوات للحين والله ياخوان مرات ماينزل ولا فلس بسبت انهم ياخذون الاقساط والفيزا والماستر وانا عندى 5 اطفال وراتب 825 يعنى اذا خصمت اقسط حقى + قسط اخوى يتبقاء من راتبى 245 وعندى خدامه وزوجتى مو موظفه المهم اخوى بعد ماتوضف بحوالى سنه حول على بنك ثانى ورفض يتحمل القسط بعربى قطنى على صخر وعشان الروابط الاسريه ولا افتح مجال حق الناس وشماته صكيت الموضوع وتحملت الاقساط طول هسنين والحين الاولاد اكبرو والمصاريف زادت ويشهد على الله انى اموت فى اليوم ميه مره .... طلعو لنا صندوق المعسرين قلت جاك الفرج ورحت وسجلت فى الصندوق وجبت جميع الاوراق المطلوبه ومرت الشهور ونا احلم بتخفيف الحمل لى كسر ظهرى وجاء الاتصال ارجو مراجعت الاداره وذهبت انتظر الفرج ... وطلب من الموظف بطاقتى المدنيه وجيك على الكمبيوتر وقال معاملتك مرفوضه الانك اقل من 50 فى الميه وضحكت وقلت انا قسطى اكشر من 85 فى الميه قال اخوى قانون المعسرين ماله شغل فى الكفالات .... والحين الله يحرم ووجوهكم من النار شنو الحل والله تعبت كانى موظف بس عشان ينزل الراتب وياخذه البنك الوطنى ...لى عنده خبره يفيدنى لانى طحت فى الهاويه ؟؟
     
  2. kuwaitey

    kuwaitey عضو نشط

    التسجيل:
    ‏23 ديسمبر 2006
    المشاركات:
    1,508
    عدد الإعجابات:
    0
    والله يا خوك ما أملك لك الا الدعاء

    الله يفرج همك ويسر امرك ويرفع عنك الدين

    لاحول ولا قوة الا بالله انت واحد من عرض 100 الف هذا حالهم والبنك هذا اكبر حرامى فى الكويت
     
  3. اماني الكويتيه

    اماني الكويتيه موقوف

    التسجيل:
    ‏2 مايو 2009
    المشاركات:
    566
    عدد الإعجابات:
    0
    الله يعينك ياخوووووووووي
    والله لو بيدي شي قسم بالله لسويه
    بس اذا سمحولي الاداره اقدم لاخوي العنزي خدمه
    لكم الاجر
    وعسى ربي مايحطكم في مكانه ظروفه تكسر الظهر
    انا والله ماعرفه ولا يعرفني ويعلم الله اني اساعد الكل وادعي للكل ان الله يفرجله
    والله ماعرفه وانا بعد علي قرض والحمدالله علي كل حال
    لكن مو مثله 35 الف الحمدالله بأذن الله مقدور عليها
    اتمنى من الاخوي العنزي يحط رقم حسابه
    واتمنى من الشباب اللي فيه خير يحط برقم حسابه لو دينار والله ينفعه
    الله لايحد احد علي المصايب الريال مبتلي
    وبدال صدقاتنا وزكاتنا ومساعداتنا تروح حق الغريب والدول اللي بره حق ولدنا
    واتمنى محد ينقد علي لانه هذا واحد من عيالنا
     
  4. lلعنزى

    lلعنزى عضو جديد

    التسجيل:
    ‏8 ابريل 2010
    المشاركات:
    64
    عدد الإعجابات:
    0
    ---------------------------------------------------------------------------------------------االاخت امانى الكويت: الله يجزاك الف خير على مشاعرك واهتمامك فى الموضوع والله لايحوجك لانسان ..... انا يوم كتبت مشكلتى يشهد على الله ابى حل عن طريق المحكمه وشلون ارفع قضيه وهل من صالحى ارفع قضيه او اخاف اذا رفعت قضيه اضر اخوى اذا فيها مضره لخوى والله مابيها ... اما دعوتك لشباب بتبرع انا مقدر عواطفك اتجاه مشكلتى بس الله يجزاك خير انا لو اموت انا وعيالى من الجوع مراح امد ايدى على فلس من احد ونا والله والله العظيم يوم عرضت مشكلتى قلت ابى رد قانونى ... ومشكوره والله يستر عليج دنياء واخره وحرم الله وجهك من النار .
     
  5. lلعنزى

    lلعنزى عضو جديد

    التسجيل:
    ‏8 ابريل 2010
    المشاركات:
    64
    عدد الإعجابات:
    0
    الله يرحم ولديك وجزاك الله خير الجزاء
     
  6. fayoona74

    fayoona74 مستشار قانوني

    التسجيل:
    ‏31 يناير 2009
    المشاركات:
    2,071
    عدد الإعجابات:
    3
    مكان الإقامة:
    الكويت
    البنك الوطني مقرض ياخذ فلوسه وماله شغل بالظروف
    مشكلتك مع اخوك حاول تحلها
     
  7. 211

    211 عضو نشط

    التسجيل:
    ‏24 يوليو 2005
    المشاركات:
    309
    عدد الإعجابات:
    0
    اقترح عليك
    ونا اخوك توسط واحد عاقل ،،، من عايلتك ، يكلم اخوك بالعقل والتفاهم ، واذا مانفع فيه خله يبلغة ان المحكمة يمكن ترد المبالغ المخصومة منك كلها وتردها لك ،
    يمكن الله يهداه ويبدأ يدفع معاك الاقساط ، واذكرك بالدعاء كما قال النبي صلى الله عليه وسلم ( من لزم الاستغفار جعل الله له من كل ضيق مخرجا ومن كل هم فرجا ومن كل حزن فرحا ، ورزقه من حيث لا يحتسب ) او كما قال .
     
  8. اماني الكويتيه

    اماني الكويتيه موقوف

    التسجيل:
    ‏2 مايو 2009
    المشاركات:
    566
    عدد الإعجابات:
    0
    اخوي انا والله ماطرحت الفكره لك بروحك يابن الحلال
    الناس عندها ظروف مايعلم فيها غير الله وانت واحد مبتلي
    واذا الله سبحانه وتعالى سخر لك من عباده الطيبين يساعدك بيساعدك
    والايد الوحده ماتصفق
    وعيالك مالهم ذنب
    اهم الكويت وشبابنا وبناتنا لو واحد من اهل الخير يطق الصدر
    ويطلب من اهل الخير يحط زكاتهم وصدقاتهم لاهل الديره ابرك من بره
    والله يانااااااااااااااااااااااااااااااس عيالنا تعبوووووووووووووووووووووووو
    المال القريب للقريب اولا البعيد عنده حكومه تسنعه واهل خير بديرتهم
    اهم شي عيالنا علي الاقل يحطون بيدهم بيد بعض وكل واحد يساعد الثاني
    ياخوي والله انا مو قصدي اطيح من هيبتك انت وعيال الكويت ماينزل من هيبتكم مستواكم مخلوق ونعم فيييييييكم
    بس الظروف مرات تخلي الواحد يطلب المساعده وراسه مرفوع
     
  9. lلعنزى

    lلعنزى عضو جديد

    التسجيل:
    ‏8 ابريل 2010
    المشاركات:
    64
    عدد الإعجابات:
    0
    اخوى مستشار ... اخوى خلاص كل محاولاتى افشلت ونا سلمت اورى لله سبحانه بس ابى اعرف لو ارفع قضيه اقدر ينزلون لى القسط او لا ومن وين ابداء مانى عارف شسوى لى يعرف فى القانون يفيدنى الله يرحم ولديكم
     
  10. lلعنزى

    lلعنزى عضو جديد

    التسجيل:
    ‏8 ابريل 2010
    المشاركات:
    64
    عدد الإعجابات:
    0
    حياك الله اخوى 211 لو ابى اشتكى على اخوى كان من زمان خلصت موضوع بس والله ماتسواء فلوس الدنياء عندى ولا اوقف انا وخوى فى المحكمه ... من اجل عين تكرم مدينه ..
     
  11. lلعنزى

    lلعنزى عضو جديد

    التسجيل:
    ‏8 ابريل 2010
    المشاركات:
    64
    عدد الإعجابات:
    0
    هلا اختى امانى والله مقدر مشاعرك واهتمامك والله يكثر من امثالك وانا يوم طرحت الموضوع مابى مساعده ماليه ابى احد يفيدنى برفع قضيه على البنك يمكن اقل شى اخفف من القسط لى كسر ضهرى ...
     
  12. ADEL ALAZMI

    ADEL ALAZMI عضو نشط

    التسجيل:
    ‏22 ابريل 2010
    المشاركات:
    1,533
    عدد الإعجابات:
    231
    ولله ياخووك ماني قاانوني .... ولكن ماقوول غيـر

    اللــه يفـرج همك عــاجلاا غيـر اجلاااااا.... والله يسهل امورك ياارب
     
  13. العاشق

    العاشق عضو مميز

    التسجيل:
    ‏18 يناير 2009
    المشاركات:
    14,324
    عدد الإعجابات:
    557
    مكان الإقامة:
    هنا

    غريبه شلون اخوك حول بنكه من غير برائة ذمه من بنكه الاولي

    والله يكون بعونك
    وللاسف بهالزمن كثرت هالسوالف فلا تحسب انك بروحك امثال اخوك للاسف بتزايد

    انت اقل شيء ماعليك احكام بسبب اخوك

    والله واحد من الربع صدمني معطي اخوه توكيل عام ماخذ قروض بمبالغ خياليه ومستقل قوه معاش صاحبي ورفيجي على النيه يقوله بنتاجر ونبيع واشتر

    الزبده بالنهايه طلع مايسدد الاقساد والبنوك تدق عليه يحاجيهم بقله ادب على اساس انه صاحبي ونذارات المحكمه يستقبلها هو وصاحبي نايم بالعسل لين صدرت الاحكام يالله درا

    والاخ جنه غير معني وماله شغل بالسالفه

    الله يعينك ويهدي اخوك

    وتبي الصج نوعه يمكن يخاف مايستحي خل محامي يدق عليه يعطيه جم كلمه بالعظم وانك ناويله نيه بالمحاكم ممكن يخاف ويدفع ​
     
  14. قناص_السوق

    قناص_السوق عضو نشط

    التسجيل:
    ‏8 يناير 2009
    المشاركات:
    1,332
    عدد الإعجابات:
    234
    اسمحولي و هذا مو تقصير في شأنكم بعض الردود اهني احس خذت فوق الحجم و بعض الردود فيها طرائف

    اولا الوكاله العامه البنوك ما تسمح باخذ القروض الا بعلم صاحب الوكاله وتوقيعه ........... احس مبالغه بعض الردود

    ثانيا اخي السائل :- اشلون اخوك طلع بنك ثاني ؟ واشلون عطوه برائة ذمه ؟
    حلولك
    المحكمه ويه اخوك و التسويه مع البنك
    حلك الثاني :- تسوي نفس ما سوى اخوك اسحب عالوظيفه بعد سنه توظف بغيرها (واطلع بنك ثاني اذا تصير بدون برائة ذمه ) و اسحب عالقرض بكبره


    على فكره السالفه فيها منع سفر و كل اجراءات ما عدا الضبط و الاحضار ما فيها (ويوم قال المحامي ضبط و احضار حتى يخرعكم ) متى ما صادوك صدفه سجنوك لاكراهك بالدفع جم شهر
     
  15. lلعنزى

    lلعنزى عضو جديد

    التسجيل:
    ‏8 ابريل 2010
    المشاركات:
    64
    عدد الإعجابات:
    0
    حياك الله اخوى ... بنسبه لسؤلك شلون طلع برائة ذمه هو كان عسكرى ولما توظف مدنى قالو جيب فتح احساب وجاب من بنك ثانى وتم تحويل رتبه على البنك الجديد
     
  16. fayoona74

    fayoona74 مستشار قانوني

    التسجيل:
    ‏31 يناير 2009
    المشاركات:
    2,071
    عدد الإعجابات:
    3
    مكان الإقامة:
    الكويت
    اذا قللو القسط معناه بتزيد المدة وبتزيد الفايدة
    مر على الادارة القانونية بالبنك ممكن يلقولك حل جرب
    بالنسبة للقضية على البنك تقدر ترفعها اذا في تجاوز من البنك للمدة المتفق عليها ونسبة الفايدة
     
  17. العاشق

    العاشق عضو مميز

    التسجيل:
    ‏18 يناير 2009
    المشاركات:
    14,324
    عدد الإعجابات:
    557
    مكان الإقامة:
    هنا


    حبيب قلبي ترا محد قال ان صاحب القرض مايدري عن القرض

    بالعكس اهو مبرر طلبه للقرض انه بيتاجر يعني مبلغ صاحبي بأخذته للقرض

    بس اللي مايدري عنه صاحبي ان اخوه مايسدد الاقساد :cool:

    الردود مبالغ فيها :cool:
     
  18. q8rottweilers

    q8rottweilers عضو جديد

    التسجيل:
    ‏26 يناير 2009
    المشاركات:
    177
    عدد الإعجابات:
    0
    السلام عليكم
    اخوي الكفالة ما تعتبر دين، صحيح تدش بالساينت لكن مرات نطوفها اذا المبلغ صغير، يعني حتى لو بتروح ترفع قضية مثلا ماراح يطالعون الا قرضك انت والكفالة بيقولك تفاهم مع اخوك محد قالك تكفله
    بالنسبة للتحويل بين البنوك، تحويل الراتب يتطلب اما شهادة مديونية للسداد وهالشي واقف الحين، او براءة ذمة من البنك عشان العميل يحول راتبه، اذا صارله انقطاع راتب وتعين بمكان ثاني يقدر يحول راتبه وين ما يبي لانه يعتبر موظف جديد بهالحالة
    الوكالة العامة لا يمكن باي حال من الاحوال الاقتراض فيها سواء قروض مقسطة او تسهيلات مصرفية او بطاقات ائتمانية
    وشكراااا
     
  19. فريح الكوح

    فريح الكوح عضو جديد

    التسجيل:
    ‏7 يونيو 2010
    المشاركات:
    349
    عدد الإعجابات:
    0
    مكان الإقامة:
    مجموعة الريادة للمحاماه - 22442626 - 94004040
    السلام عليكم :

    الاخ السائل ، يجب توافر شروط ائتمانية في الكفيل مثل ما يجب توافرها في المقترض ،
    فاذا قبل البنك كفيل ما تتوافر فيه الشروط يكون تجاوز القانون .

    ارفع دعوى على البنك واخوك اطلب فيها اعاده الوضع لما كان عليه ، وجذي حليت مشكلتك وما ضريت اخوك .
     
  20. اماني الكويتيه

    اماني الكويتيه موقوف

    التسجيل:
    ‏2 مايو 2009
    المشاركات:
    566
    عدد الإعجابات:
    0
    اخوي الله لايحطك في مكانه ولا تحتاج
    والموضوع ماشوف فيه شي طريف لو في ممكن تحدد
    واخر شي حبيت اقولك اذا عنك كلمه وحل طيب اطرحه مو تشكك الناس بحاجتها وانا فتحت موضوع لاني مقهروه زكاة والصدقات تروح بره وهذا واحد من الالف متوهق مو قادر يعيش ويعيش اسرتهبس عزة نفسه فوق ظنك قالك مامد ايدي لاحد
    وكفوووووووووووووو يالعنزي وعسى ربي يوسع عليك بيبان الفرح وتفرج وتبشرنا بأذن الله العظيم