أساسا ليش الشرا ؟
شنو المحفز؟
شنو الدافع لصعود السوق؟
صفقه ( زين ) اللي صارلها فوق السنه وهم تارسين الجرايد وتصاريح وبروبقندا واسعه ومقالات ودعايات ( جومليه )
كل ماسبق كان يقول بأن الصفقه ستنعش السوق وأنها ستكون مفتاح مغارة علي بابا
لكن الي بينته لنا الأيام بأنها صفقه لسداد ديون ليس أكثر
لو تشوف صافي المبالغ بعد التوزيع وبعد خصم نسبة الحكومه ونسبة الخرافي من التوزيعه
هل تتوقع إنها بتدخل السوق؟
أو لسداد ديون الشركات الأخرى؟
نطلع من زين ندش بأجيلتي
ونطلع منها ندش بالدار وتمويل الخليج
السوق كأنه خيط حداق 40 وتعربك وداخل العرباكه 400 عقده!!
والحدّاق المفروض يكون عارف إنه العقد تسبب شرباكه، ليش ما حل العقد بالسابق؟
هل ياترى عنده وقت إنه يفلها ولا بيسحب المقراضه الي بالعده ويبدأ بالقص وتقليل طول الخيط؟
وإحنا ما شفنا الطراد الألمونيوم الــ 14 إذا نزافته شغاله ولا لأ عشان نحكم عليها بعد
لكن والله العالم أحس إنه مرقوع
14 ومكينته ( كانه ) مو سكان والكانه عصايه مخمّه مرهمه بدال الأصليه
فليش أدش البحر الحين بهالطراد!
يازين الفري والقمري بشهر تسعه بالبر