غلف انفست اول شركة تغادر البورصة

[BO-MUBARAK]

لا حولا ولا قوة الا بالله راح الحلال وتحويشة العمر حسبي الله ونعم الوكيل على من ضيع الشركة

 

[حبيب]

حسبى الله ونعم الوكيل

الله لا يوفقهم دنيا واخرا

ان شاء الله معاشاتهم زقوم لا وبعد يحللون بعد

بدعى ليل ونهار عليهم حسبى الله عليهم

وانا معاكم يا خوان طريق المحاكم

خلونا انحط ايدنا بيد بعض ونتوكل على الله

شوف لنا محامى نرفع عليهم قضية

 

[مليونير بعد سنه]

اول واحد المشعان ابو التصاريح وتظليل بعدين استقال قبل اعلان الخساير بشهر

اول واحد اهوووووووووووووووووووووو

 

[Navigator]

السلام عليكم ورحمة الله وبركاته

حسب ما اذكر الشركه عندها خيارين للخروج من مأزقها

الاول تحويل ديون البنوك لاسهم في راس المال الجديد وللحين ما صدر شيء رسمي ينسف هذا الخيار

الخيار الثاني

ضخ سيوله جديده من المساهمين ( الملاك ) لاستمرار الشركه

اكبر الملاك كانت الشركه الاهلية لكن في الايام الاخيره من تداولات الغلف تم بيع عدد كبير من ملكيتها

لانها مرهونه لصالح قرض في الامارات والكفيل شركة شعاع كابيتال

طيب منو اشترى ملكية الاهلية ؟

وفيه شغله ثانية بس مو متأكد منها

شركة الكوت اللي تم بيعها في المزاد قبل كم يوم والطرف البائع شعاع كابيتال

هل هي نفسها اللي تملك فيها الاهلية ؟

والبيعة تمت لتسوية بعض المطلوبات ؟


وهذا الخبر

أعلنت شركة شعاع كابيتال أمس انجازها عملية بيع حصتها البالغة 48.69 في المئة في شركة الكوت للمشاريع الصناعية وذلك مقابل 385 فلسا للسهم الواحد، وقد ادت عملية البيع إلى زيادة سيولة الشركة بأكثر من 50 مليون دولار، كما انه لن يكون للصفقة اي تأثير جوهري في ارباح او خسائر الشركة.

 

[اساهيم]

هذى نتيجة الادراجات العشوائيه ..

كل شركه تتقدم للادراج يوافق عليها ..

انترس السوق شركات ورقيه ووهميه كلها ديون فى ديون ..لا بارك الله فيهم ..

 

[مليونير بعد سنه]

غلف انفست ليست الاخيرة راح تشوف اكثر انتظر وترقب

 

[مليون دينار]

الخبر جدا مخيف

اذا اعلن الخبر رسميا راح يهتز السوق ويصر هروب جماعي ونشوف اسابيع عروض من غير طلب

الله يستر

الكويت مركز مالى

 

[abbasmos]

عند واحد من الربع مليونين وشوي الله يعينه بيحوشه جلطه ان سمع الخبر ...

لاحول ولا قوة الا بالله

 

[^^ بو بدر ^^]

الله يستر لا حوله ولا قوة الا بالله

 

[هادى ابو محمد]

ان شاء الله بعد اللى فى بالى

 

[مليونير بعد سنه]

ولله وراحت الغلف انفست

الدور على منو الحين؟

فعلا فعلا فعلا تابع التوقيع

 

[السهم المجروح]

وااايد شركات يايها الدور وفي شركات متوقفه صايرلها فوق السنه يعني تقدر تعتبرها خروج مع ايقاف التنفيذ

 

[معاي الحق]

اول واحد المشعان ابو التصاريح وتظليل بعدين استقال قبل اعلان الخساير بشهر

اول واحد اهوووووووووووووووووووووو

انا ابي راي قانوني في المنتدى

املك اكثر من مليونين سهم

هل يحق لي ملاحقت المشعان قضائيا ولا استقال وخلاص

اولا تظليل

تصريح على قناة العربية

يدعي بالاصول

والمحافظ وصناديق اللي بس نسمع فيها 250 مليون

ابي راي قانوني في المنتدى

يعني الحين ما طلع غير المشعان المسؤول؟؟؟؟؟؟؟؟؟؟؟؟

انا كنت حالف اني ما أكتب وبس اتفرج على نهاية المهزلة والفيلم اللي احنا كومبارس فيه من سنين وفلوسنا صارت ملاليم
والحين جاي تقول المشعان!!!!!!!!!!!!!!!!!!!!!!!!!

وين الحرامية الكبار اللي نهبوا الشركة واتركوها عظم، واللي راح صوتي وانا اقول منو يبي يرفع قضية معاي ومالقيت غير روحي بس رافع عليهم القضية واسبح عكس التيار !!!!!!!!
والحين يوم صارت والشركة على حافة الافلاس تبون تلبسون البوقة حق الغير
ومنو هذا المشعان؟ مالحقنا نعرفه ولانعرف شنو سوى!!!

استقالة وراها استقالة
مجلس ادارة ضايع والكل يبي يهرب من علي مكي والمشعان وقبلها شعاع وبورسلي اكبر ناطق مر على الشركة!!!!!!

والمكافآت اللي من فلوسنا اللي راحت وفلوس الأهلية اللي متوقع تروح ورا هذه المصيبة بعد

و ال 14 مليون اللي راحت مع عبدالسلام وين جراح المطيري اللي كل شوي تصريح وقبله ياهل الاهلية وصوره والرزة في الجرايد كل يومين وبعده أخوه اللي ما تقدر تلاقيه الحين في الشركة يوم ورا التالي وهربان مايبي يرجع فلوس الناس اللي اشتروا خيران وقصوا عليهم وماسلموهم

قصوا علينا بعد و ماحد قدر يسوي لنا شي.......

اي اصول جاي الحين تتكلم عنها
مكافآت المحاميين لقضاياهم الشخصية من فلوس المساهمين
حفلات تكريم من فلوس المساهمين
معارض ورعاة من فلوس المساهمين

واحنا مالنا غير نصفقلهم في الاخير

الحين تقول المشعان!!!!!!!!!!!!!!!!!!!!!!!!!!!!

لاحول ولاقوة الابالله

 

[مليونير بعد سنه]

على ايدك انا ماشفت موضوعك ولا اعرف احد مسؤل انا دخلت على الشركة بنائا على تصاريح المشعان على قناة العربية

ولا اعرف غير المشعان

عندك حل قولي وانا وياك

 

[ليث متواضع]

يعني فلوس الناس طارت بالهوى انا لله وانا اليه راجعون انا اتوقع فيه شركات اخرى راح تعلن افلاسها لكن اهم شي الصحه والعافيه

 

[مليونير بعد سنه]

الله يبدل من حال لي حال

الصحة والعافية تسوى كل شركات البورصة

سوق الكويت للاوراق الوهمية

 

[بايع وخسران]

حسبي الله ونعم الكفيل

بكرة راح ينزلون شركة اسمها [ ( علف نفسك )


لا حسيب ولا رغيب

الحمد الله على الصحة والعافية 000

 

[بلاحدود]

الأخ صــاحب الموضوع له كتابات مميزة ومواضيع مفيدة كثيرة..

وأشكره على نقل الخبر في هذا الموضوع..

لكن أعتقد أن العنوان ما له أي علاقة بالخبر نفسه!.. تغادر السوق مرة وحده!!

سواء كان العنوان منقول أو مكتوب من العضو.. فلم يوفق صاحبه في اختياره ابدا..

انا قلت أعلنوا افلاسهم.. أو سووا تصفية.. !!

 

[مليونير بعد سنه]

الأخ صــاحب الموضوع له كتابات مميزة ومواضيع مفيدة كثيرة..

وأشكره على نقل الخبر في هذا الموضوع..

لكن أعتقد أن العنوان ما له أي علاقة بالخبر نفسه!.. تغادر السوق مرة وحده!!

سواء كان العنوان منقول أو مكتوب من العضو.. فلم يوفق صاحبه في اختياره ابدا..

انا قلت أعلنوا افلاسهم.. أو سووا تصفية.. !!

انا اشكرك اخوي الكريم واتمنى اكون عند حسن الضن

اذا خاني اتعبير شي طبيعي املك بسهم

اول شركة تغادر البورصة يعني اقرب الي الافلاس والمغادرة

وفي وجهة نظري كل الطرق تؤدي الي روماا

 

[koweitian]

يعني الفلم مال العوضية صار رسمي

صرفو حصتهم

بس لهم حق يعلمون ان الشركة مقبله على انتحار

المساكين المستثمرين اللي ماعندهم خبر

جرايد وتظليل واشاعات وجذب ونفاق ومحسوبيه ومصالح

وصارت الصجيه طلعو بسليم

واكلوها مـــــــــــــــــــــــــــلح الســـــــوق على قولتهم

انا الي قااهرني انه اداره السوق لما كاانو يصرفون الاهليه
ليش ما حطو اعلان انه البيع الي يصير او شنو السبب
بس شاااطرين ينصبوون على العالم