متى يبدأ الارتداد الحقيقى لسوق الكويت

[الحبترى]

السلام عليكم ... مؤشرات سوقنا متى تبدأ بالنهوض وتنفض غبار التذبذب وكسر الترند الهابط وترتفع القيمه فوق 100 مليون

 

[جمبازي]

عندما تتدخل الحكومه بشكل مباشر وصريح ((كاش ..موتصريحات ))

 

[Packard Bell]

لما تنفك القوانين والقرارات والتوجهات المتعارضة يمكن تتعدل الأوضاع

محافظ بنك الكويت المركزي والاقتصاديين يدفعون نحو تشجيع عملية دمج الشركات لتقوية كياناتها المالية، ولجنة السوق ماسكة العصا وتعاقب أي شركة تندمج مع شركة أخرى غير مدرجة بالإيقاف.

شئ غريب!!​

 

[أبونوره]

ما اطولك ياليل

 

[عجبي]

عظم الله اجركم في سوق مايعرف ابجدية الاقتصاد

 

[آي فون]

الله اعلم غدا ارتداد

 

[انوفستي]

نزل استفتاء بالموضوع التالي
متى يبدأ الانهيار الحقيقي لسوق الكويت للأوراق الماليه
احسن لك من ان توهم الناس بالارتداد

 

[مستثمراستراتيجي]

بالمشمش

 

[المجدمي]

اذا ناصر الخرافي قال

ارتد


راح يرتد


البقية من صناع السوق كومبارس

 

[فهد الرشيد]

عزالله انك صادق فى هذا الكلام لا هيئة السوق ولاالبنك المركزى ولاغيره 0
بس شخص واحد اذا ارتداد صحيح يرتد ناصر الخرافى 0
والبقية من سواق السوق ارقوزاة

 

[mohieddin]

6616
6400

 

[ميكانيكي]

لمه تشوف هجر حقيقي للسوق الكويتي

 

[الحبترى]

نزل استفتاء بالموضوع التالي
متى يبدأ الانهيار الحقيقي لسوق الكويت للأوراق الماليه
احسن لك من ان توهم الناس بالارتداد

السلام عليكم ...الأخ انوفستي السوق فى حالة نزول ولا نحتاج الى استفتاء نزول والسوق على نفس القاع من 2008 وكل سوق بالعالم تمر عليه فترة هبوط وفترة انتعاش وهذا مو شىء جديد بعالم الاسواق الماليه بس كلامك عن أنى اوهم الناس كلام غير منطقى لان الاستفتاء سيشمل جميع فئات المتداولين و معناه نظرة المحللين لمستقبل السوق بمعطيات لا يعرفها الا صناع السوق وبعض من المحللين اصحاب خبره طويله و المؤشر نت لديه من قدامى السوق ومحللين أفاضل كثر وسؤالى فى الاستفتاء حق مشروع للجميع و اشكرك على المشاركه

 

[نبيه خضر]

توقعاتك اخر 2011

 

[marketing.art]

انا راي ان ما يحصل هو تطفيش حق صغار المستثمرين عشان يطلعون من السوق وبيعون بابخس الاسعار وبعدها بيرفعون السوق وباسعار خياليه ،،، والمصيبه ان صغار المستثمرين بيرجعون مره ثانيه وبيشترون باسعار جديده ،،، والا السوق والشركات المدرجه اغلبها محققه ارباح كبيره مقارنة بالسنة الماضية ،،، على سبيل المثال شركة الساحل ،،، محقق 5 مليون ومسكره الديون وقبل اعلان الارباح كان سعر السهم وصل 180 فلس وبعد اعلان الارباح بدل ما يرتفع السهم وصل اليوم الى 134 فلس هذه حركة واضحة من الضغط على اغلب الاسهم ،،، شركة المغاربية محقق ارباح في الربع الاول وشكرة نظيفه وشرعيه وسعرها تحت سعر الاكتتاب ،،، هذه سياسة تطفيش لا غير وانا انصح بالصبر وترك المتابعة اللصيقة حتى يشبعون التجار تنزيل في السوق وبعدها بيرجع اللون المشرق ،،، طبعا في ناس تخاف تقول انا ما اقعد انطر الى ان يصل السهم الى 10 فلوس او 20 فلس خلني ابيع الحين بخساره قليله احسن ما اخسر كل حلالي ،،، كل واحد له وجهة نظر وبصراحة ما احد سالم من هالسوق الا الهوامير الكبار ،،، لانه هو يقدر يصعد ويقدر ينزل السوق اما احنا صايرين سبيل ،،

 

[اشتراكي]

وين عقولكم ياقوم!!

السوق الكويتي مقيد ومكبل بالشركات المتعثره والورقيه اللي يتجاوز عددها نصف الشركات

المدرجه لذلك لازم تعلن هذه الشركات تفليستها وتخرج من السوق الرسمي حتى يتنفس

سوقنا الصعداء ويتحرك بحريه

انا اطالب البنك المركزي يبدأ بتفليسة هذه الشركات ونشرب كلنا الدواء المر هذا لكي ينتعش

السوق وتوقف حرب الاستنزاف الحاليه اللي محد مستفيد منها

 

[الحبترى]

للرفع

 

[بدر الغازي]

لما تبين الشركات الورقيه من الشركات الفعليه

من خلال الاعلانات عن الارباح والخسائر ( لكن الخوف يقولك حصل غلط بالاعلان )

 

[البورصه دمرتني]

الارتداد ارتداد وهمي الحين ( وجهة نظر ) صرفوا وباشر ينزل شويه وبعده ينزل بقوة والله اعلم

 

[الحبترى]

الارتداد ارتداد وهمي الحين ( وجهة نظر ) صرفوا وباشر ينزل شويه وبعده ينزل بقوة والله اعلم

يا الله سترك