السكنية كاتبه كلام غريب أول مره أشوفه بتوزيع سعد العبدالله

الموضوع في 'اعلانات العقار' بواسطة ابو غانم, بتاريخ ‏7 يونيو 2010.

  1. ابو غانم

    ابو غانم عضو نشط

    التسجيل:
    ‏19 ديسمبر 2003
    المشاركات:
    1,288
    عدد الإعجابات:
    161
    دائما توزيعات بيوت تكون عاديه الا المره هذي خبر التوزيع معاه كلام غريب لاحظته موجود بالتوزيعات الأخيره .

    هل هو تهديد ولا شنو بالضبط ؟؟؟

    ياشياب السكنيه هذي كل يوم يطلعون لهم قرار من روسهم وعلى كيفهم ماينعرف لهم والله .

    أقرو الخبر ولاحظو الكلام المكتوب بالأحمر وشنو معانه بالضبط :

    أعلنت المؤسسة العامة للرعاية السكنية انها ستقوم بتوزيع الدفعة الثامنة من البيوت الحكومية التي انجزت في «مدينة سعد العبدالله» التي تشتمل على (170) بيتا للمخصص لهم حتى تاريخ 1996/6/5.
    وحددت المؤسسة يومي غد وبعد غد لتوزيع بطاقات القرعة ويوم الخميس المقبل لتوزيع بطاقات الاحتياط ويوم الاثنين 2010/6/14 لاجراء عملية القرعة.
    ودعت «السكنية» المواطنين المخصص لهم بيوت حكومية في هذه المنطقة للحضور شخصيا الى مبنى المؤسسة في منطقة «جنوب السرة» الساعة التاسعة صباحا في المواعيد المبينة مصطحبين معهم البطاقة المدنية وقرار التخصيص وذلك لاستلام بطاقة القرعة خلال اوقات الدوام الرسمي.
    اوضحت ان من يتخلف عن استلام بطاقة القرعة الخاصة به خلال الايام المحددة بهذا الاعلان، فان المؤسسة ستقوم باستبعاد اسمه وادخال الاسماء التي تليهم في التخصيص، ولن يدرجوا في الدفعات القادمة الا بعد بيان سبب التخلف عن استلام القرعة.ودعت المؤسسة المواطنين المخصص لهم بيوت حكومية في هذه المنطقة ولم ترد اسماؤهم ضمن الكشف المرفق الحضور الى مبنى المؤسسة العامة للرعاية السكنية في منطقة (جنوب السرة – المسرح – في تمام الساعة التاسعة صباح يوم الخميس المقبل) مصطحبين معهم قرار التخصيص والبطاقة المدنية للدخول ضمن الاحتياط.
     
  2. mr_n

    mr_n عضو نشط

    التسجيل:
    ‏21 يناير 2009
    المشاركات:
    592
    عدد الإعجابات:
    55
    يعني اذا خصصت لازم ادش المنطقه غصب أو أذكر سبب التخلف ؟؟؟!!!!!

    سبب التخلف اني هونت ومابيها وتراجعت أو راحت علي نومه :) .. شنو المشكله يعني !!!

    فيها عقوبه السالفه ولا شنو ؟
     
  3. zidantheking

    zidantheking عضو نشط

    التسجيل:
    ‏24 سبتمبر 2008
    المشاركات:
    985
    عدد الإعجابات:
    0
    سهلة

    عشان الي طلبه قريب ما يتفلسف و يقول مابي هلمنطقة و تتراكم الطلبات من يديد
     
  4. ابو غانم

    ابو غانم عضو نشط

    التسجيل:
    ‏19 ديسمبر 2003
    المشاركات:
    1,288
    عدد الإعجابات:
    161
    لا يالغالي هم يقصدون اللي طلب تخصيص للمنطقه وبعد ماطلع اسمه لاستلام القرعه هون ماراح لهم .

    اما اللي ماطلب تخصيص كلش ماله شغل لو طلبه سنة 80 عادي
     
  5. zidantheking

    zidantheking عضو نشط

    التسجيل:
    ‏24 سبتمبر 2008
    المشاركات:
    985
    عدد الإعجابات:
    0
    اها اوكي
     
  6. سهم استراتيجى

    سهم استراتيجى عضو جديد

    التسجيل:
    ‏19 فبراير 2006
    المشاركات:
    827
    عدد الإعجابات:
    0
    اقولك سبب اضافة هالفقرة عن الاعلانات السابقة

    قبل كم يوم بالتوزيعة الاخيرة فية عدد ( تقريبا 14 او 12 ) من اللي خذوا بطاقة القرعة وماحضروا مما سبب مشكلة واضطرت المؤسسة انها تختار لهم بيوت وهذي مشكلة بحد ذاتها يقولك انا ماحضرت شلون تختارولي ويرفض البيت خصوصا اذا سد والدليل تم اعلان اسمائهم بالجرايد للحضور واستلام المقسوم اللي اختارتة لهم طبعا مع الوعيد والتهديد ...واعتقد يقدرون يستمرون بالرفض ويمكن استخاروا عن هالمنطقة مو لية ....
     
  7. اساهيم

    اساهيم عضو نشط

    التسجيل:
    ‏11 مارس 2005
    المشاركات:
    787
    عدد الإعجابات:
    2


    اللى اخذ بطاقة القرعه لو يموت ما يردون طلبه الا اذا بدل فيه ..

    راح يقطعون بدل الايجار عنه ويروح وهو رجال طيب يستلم بيته او يدور له بدل ..
     
  8. ابو غانم

    ابو غانم عضو نشط

    التسجيل:
    ‏19 ديسمبر 2003
    المشاركات:
    1,288
    عدد الإعجابات:
    161
    لا يالغالي أنت الظاهر ماقريت عدل .

    يقولك اللي يتخلف عن أستلام بطاقة القرعه وليس اللي أستلم بطاقة القرعه .

    اللي استلم بطاقة القرعه خلاص يعتبر أخذ بيت حتى لو لم يحضر
     
  9. أبوعلي1

    أبوعلي1 عضو جديد

    التسجيل:
    ‏8 يوليو 2009
    المشاركات:
    281
    عدد الإعجابات:
    0
    مكان الإقامة:
    الكويت
    السلام عليكم

    انا صارت وياي :)

    رحت الله يسلمكم وخصصت بمدينة صباح الاحمد اللي طبعا قريبه من الحدوود

    المهم مارحت لهم ولا استلمت كرت القرعه يقولون لو تبي ترد طلبك ونعطيك بمدينة صباح الاحمد

    لازم تعطينا عذر مقنع ليش ماجيت تستلم بطاقة القرعة قلت لهم اووكي انطروني اجيب لكم عذر مقنع الظاهر ليما الحين ينطرون

    ياجماعه السالفة كالتالي لا تستلم البطاقة وبعدها تقول مابي ما يصير اما اللي ما استلم فالامر عادي لو يبي يرجع يطلب بنفس المنطقه يزهب له عذر قوي ومحترم

    وبعدين الامر ترا من زمان اخوي بو غانم يعني من ايام توزيع صباح الاحمد واول الدفعات بسعد العبد الله


    تشكرات لكم جميعااا
     
  10. ابو غانم

    ابو غانم عضو نشط

    التسجيل:
    ‏19 ديسمبر 2003
    المشاركات:
    1,288
    عدد الإعجابات:
    161
    معناتها اللي عنده تخصيص في منطقه وهو مايبيها وهون منها يروح يكنسل قبل لاينزل أسمه بالجريده :)
     
  11. qw80

    qw80 عضو نشط

    التسجيل:
    ‏4 سبتمبر 2007
    المشاركات:
    363
    عدد الإعجابات:
    134
    بالضبط بدل هالايجار-عيونهم على ال 150 دينار...سبحان الله لقطع الارزاق يشغلون فكرهم...مايفكرون شلون يحل المشكلة من اساسها ويغنون العالم عن بدل الطرارة هذا:confused:
     
  12. متوازن

    متوازن عضو نشط

    التسجيل:
    ‏21 أكتوبر 2009
    المشاركات:
    723
    عدد الإعجابات:
    1
    مكان الإقامة:
    الكويت
    انا اعرف شخص اخذ تخصيص .. ولكن لم يحضر القرعه .. وعندما راجعهم يبي يكنسل التخصيص ويذهب الى سعد العبدالله .. على طول تم تخصيص له مره ثانيه

    اهم شي لاتدخل القرعه
     
  13. القصاص 2

    القصاص 2 عضو جديد

    التسجيل:
    ‏20 أكتوبر 2009
    المشاركات:
    1,704
    عدد الإعجابات:
    0
    السلام عليكم ورحمة الله وبركاتة

    مبروك العوده