قطار مطار لندن

[q8q822]

السلام عليكم ياليت احد من الاخوان الي راح من مطار لندن بالقطار الي شارع اكسفورد او البكدالي يشرح لنا الطريقة والتكلفة يقولون ماتكلف 5 باوند صج هالحجي

 

[Q8O]

اخوي يعتمد على عدد الاشخاص الي رايحين اذا شخص او شخصين يكون اوفرلك القطار اذا اكثر احجز تكسي ينطرك وانته طالع من الجوازات ويوصلك بحدود 40 باوند وهم يعتمد على نوع السياره وعدد الاشخاص وهلشركات تتفق وياهم قبل عن طريق مواقع النت ولا تركب تكسي لندن الاسود يصلخك صلاخ وحسبته بلعداد

على فكره قطار هيثرو يوصلك بوسط لندن بسرعه بحدود 15 دقيقه وسعره حوالي 15 باوند للشخص

 

[q8q822]

يسلمووو على هالمعلومات

قلنا نجرب القطار

 

[foxmind]

نعم بحدود ال 5 باوند لكن تبدل بين القطارات بالطريق في المحطه في خريطه بالوان الخطوط تركب القطار اذا يتروح على طول و اذا محتاج تغيير تنزل وتبدل القطار القطار وكله موضح وفي الاكسبرس يكون اسرع وهذا تقريبا ينزلك بلقرب من شارع جوارود

 

[q8q822]

يابلاش 5 باوند ولا تروح 50 باوند )

 

[Q8O]

ولد عمي تجربه حلوه القطار ويكون اسرع بحدود 15 دقيقه يوصلك ايوديك الى محطة بادنغتون استيشن وبعدين تقص تذكره 5 باوند حق الاندرجراوند ليوم واحد وتروح الي المحطه الي قريبه من سكنك نصيحه وانته وكيفك اذا رايح بروحك جرب القطار اذا وياك احد خاصه الاهل اريحلك ووفرلك سياره وغير حزتها تكون تعبان من الرحله

حسبه بسيطله مثال ل3 اشخاص سعر تذكره القطار 15 =45 غير تذكره الاندرجراوند 5=15 المجموع 60 اروح بتكسي يوصلي للاكسفورد وحوالينه اب 40 باوند تقريبا اريحلي ووفرلي

اخوي foxmind ال 5 باوند سعر التذكره لتنقل بلاندجراوند ليوم واحد فقط والاندرجراوند مايوصلك للمطار ومطار لندن اكبير


ياخوي انا توني راد من لندن ماصارلي اسبوع من ردتي حجزت تكسي بلنت ناطرني بلمطار ووصلي لشارع الماربل ارش 35 باوند هلمكان قريب من الاكسفورد والاجوارود واذا تبي تستفسر عن شي انا بلخدمه

 

[ikdla]

السلام عليكم


اخوي الفاضل بالمطار ماكو الا قطار واحد والي هو اللون الازرقى "يسمونه بيكاديلي لاين"

هذا ياخذك ويوقف باكثر من محطه
وانت بالقطار قبل لا يوقف بالمحطه في شاشه مكتوب اسم المحطه الجايه, اذا شفت بيكاديلي ستيشن انزل.

الشرح هذا في حال انت تبي البيكاديلي سيركس



في حال انك تبي الاكسفود او المحطه الي ببدايه الاكسفورد وبالتحديد الي بين اكس فورد والاجور رود
فراح تركب بنفس القطار وتطالع الشاشه
اذا شفت ان المحطه الجايه اسمها Holborn انزل

هالمحطه مافيها الا قطارين الازرق الي انت نازل منه والثاني احمر,,, هالاحمر الي راح تركب فيه الثاني وخلك فيه ليمه تجيك محطه
Marble Arch
انزل


قبل لا تركب اي قطار باي محطه كانت تذكر ان بنفس المحطه
لنفرض اللون الاحمر راح تلاقي منه قطارين واحد رايح وواحد راد,,, شلون تعرف ان هذا الي رايح بطريج مو هو الي راد ؟ راح تلاقي يم اللاين مال القطار اكو لافته وعليها اسامي المحطات الجايه وتلاقي على المحطه الي انت فيها علامه


وهذي خريطة كبيره واضح فيها مطار هثرو بالزاوية تحت عاليسار شوف اللون الازرق وين يمشي وراح تلاقي محطه البيكاديلي على الخط الازرق الكحلي طبعا,,,,

ايضا ركز مكان تقابل اللون الكحلي مع الاحمر تلاقي اسم المحطه هولبورن وهي الي قلت لك فيها تبدل القطارات اذا بتروح للاكسفورد

وبالنسبة للسعر فلا تخاف ولا تتعقد من كثر الشرح لان الشرح عميق ويبيله مزاج لان لندن مقسمه الى 9 مناطق وحسب التبديلات يحسب سعر التكلفه وهذا طبعا بالنسبة اذا عندك اويستر كارد, الزبده مو غالي


اتمنى وصلت المعلومه يغالي

اخوك
ابراهيم العدواني

 

[ikdla]

سوري نسيت الخريطه


كلك هني للخريطه

 

[q8q822]

السالفة تدوخ خلاص نبي نروح بتاكسي

 

[ikdla]

والله ما تدوخ ولا شي وربي حدها بسيطه بس انت ركز على اللون فقطططططططططططططططططططط


اعرف لونك تدل طريجك

انت للبيكاديلي قطار واحد تركب وتنزل وشاشه تعرض اسامي المحطات جدامك
واذا تبي الاكسفورد تبديله وحده حسبي الله على ابليسك



عموما الله يوفقك لما يحبه ويرضاه ويسهل امرك كانك علاج او دراسه

 

[ناصر فيصل]

لندن

القطار خط ازرق يوصلك بكديلي بسرعه و رخيص و من هناك اخذ تكسي كل شي سهل بلندن و الله الموفق.

 

[SMoOoKY]

في خلط بين القطار وبين الاندر غراوند عن الربع...

ولد عمي امش ورى علامات ال اكسبرس لين راح تلقاه تحت بكل ترمينال تحجز تذكره لي بادنغتون اب 16 باوند 15 دقيقه انت اب بادنغتون وبادنغتون هذي نهاية الاجور رود يعني اذا مسكنك بالاجور بتروحله مشي واذا بأكسفورد هم مشي او تكسي مايطلع 5 باوند يعني التكلفه لو ذبحت عمرها 21 باوند بس هذا اذا بروحك...
اما اذا انتوا 2 او 3 التكسي اريح والسعر بيكون واحد 40 الى 50 باوند عليكم 2 او 3 ولا شي...