استفسار قانوني

[bo_walid]

انا عندي مركب صيد والثروة السمكية حجزو هويات الصيادين + رخصة الصيد بدون تسجيل مخالف وليمن طلب منهم تسليمي الهويه + الرخصه قالولي تستلمها لي قمت بتسفير العماله بحكم انهم عندهم كتاب من النائب الاول لرئيس مجلس الووزراء ووزير الداخليه بشأن إعادة التفعيل الإداري للصيادين الاسماك المخالفين
قتلهم انتو سفروهم مو انا اسفرهم بعدين شنو هل قانون لا تحقيق ولا بطيخ اخذه وسفره
المهم سويت انذار عن طريق محامي والمحامي ز بالخطأ قال سلمو المركب ويه الرخصه ويه هوية الصيادين بس للعلم المركب مو محجوز عندهم فقط الهويات ويه الرخصه وانا رفعة قضية مستعجله وطلبت فيها تسليمي الرخصه مع الهويات فمادري هل وضعي سليم خوفكم يتبلون عليه انى كتبت بالإنذار مع مركب الصيد والشكو المستعجله مو ذاكر المركب ياريت توضحولي هل موقفي سليم عادي وله لا مع العلم ماوضحنا بالشكوى انه بلانذار انه ضفنا المركب ضمن المحجوزات بالخطأ فقط ضفنا ان حجز الرخص والهويات تسبب لي بحجز المركب الصيد .؟ فيدوني واي استفسار انا حاضر

 

[مشعل المحامي]

اخوي بووليد

بعد اذنك قول حق محاميك يسوي مذكرة بتعديل الطلبات تذكر فيها اللي تبي وتعلن الخصوم فيها بس هذا حلها

وموفق انشاءالله

ولا تنسانا بالسمك الطيب والله يرزقكم

 

[bo_walid]

يعني ما يحجوني بالانذار أخوي ؟ يمكن يقولون انه بالانذار طالب بالافراج عن المركب وبالمذكره مو ذاكر انه المركب محجوز وتنقلب ضدي

على كلامح احد الاخوان في الثروة السمكية قالي يقولون ماسكين عليك مستمسك انك ذاكر بالانذار انه المركب محجوز وهو مو محجوز

 

[fayoona74]

اخ مشعل ليش يسوي تعديل طلبات وطلباته مضبوطة الانذار اهو اللي صار في تزيد
انا رايي وضعك سليم بالنسبة للقضية لان طلباتك اهي الهويات والرخص براي بالجلسة قول حق القاضي على سبيل الاحتياط ان الانذار ورد فيه خطأ مادي بخصوص حجز المراكب والصحيح ان المجوزين الرخص والهويات ولعبرة الطلبات الواردة بصحيفة الدعوى واي طلبات ختامية القاضي ماينظر لطلب مو مذكور بالصحيفة

 

[bo_walid]

عسااااكم على القوه يا جماعة الخير
ودعواتكم نكسب القضيه

 

[فريح الكوح]

العزيز بو وليد ( بعد اذن الاساتذة المحترمين ) :

بالنسبة للابعاد الاداري هذا امر يدخل تحت الامور السيادية ما يتدخل فيها القضاء .
اما تسليم المركب فتطلبه اداريا مو قضائيا ، يعني تروح الادارة تطلب تسليم المركب بدون محاكم .
تقدر ترفع دعوى تعويض ضد الادارة اذا ما كان عندك مخالفات واصابك تسفير العمال بضرر .ٌ

 

[fayoona74]

الريال كاتب ان المركب مو محجوز يطالب بشنو اداريا والمركب عنده

 

[فريح الكوح]

اهااا

ادن مثل ما تفضلتي استاذة

 

[bo_walid]

لا اختي رخصة الصيد محجوزه شلون ازاول المهنه من غير الرخصه ولا هويات للعماله
وبعدين ليمن رحت اتفاوض مع مدير الهيئه قالي ابعدهم قتله بصفتي شنو ابعدهم قالي خلاص سفرهم تسفيره عاديه وييب ابرنت

 

[فريح الكوح]

وجه له انذار بتسليم لقول وبعدها ادرفع دعوى ادارية بالغاء القرار السلبي والزامه بتسليمك الرخصة "وتجديدها"

 

[bo_walid]

وجهت له انذار وما سلمني الرخصه وسويت دعوه مستعجله وموعدها يوم الثلاثه

 

[fayoona74]

اي واحنا شقلنا بو وليد ندري ان رخصك محجوزة واجراءك صحيح وانطر الحكم وسلامتك والخطأ المادي ماراح يأثر العبرة بطلباتك بصحيفة الدعوى وتحوطا قول للقاضي ان الانذار ورد فيه خطا مادي بخصوص المراكب

 

[فريح الكوح]

بو وليد :

انت اكيد موكل محامي .. شنو ، مو ثقة

 

[bo_walid]

ابشركم صدر الحكم امس لصالحي الحمد الله بدايت الغيث قطره وان شاءالله نجهز نفسنا على التعويض

 

[فريح الكوح]

مبروك .. والتعويض مستحق والله يوفجك