خسران وابي نصيحتكم؟؟؟؟؟

الموضوع في 'السوق الكويتي للأوراق الماليه' بواسطة bu_nawaf, بتاريخ ‏8 مارس 2005.

  1. bu_nawaf

    bu_nawaf عضو نشط

    التسجيل:
    ‏11 نوفمبر 2004
    المشاركات:
    1,185
    عدد الإعجابات:
    0
    السلام عليكم ممكن تنصحونى شاسوى باسهمى كل سهم خسارته اكثر من الثانى مثل عقارات الكويت عندى 100الف ب300 خليج متحد 180الف ب166 منتجعات 50000 ب285 كيبل تلفزيونى 30000 ب305 عربيه عقاريه 100000 ب170 اسف على ازعاجكم بس حيل صدعت من الخساير ابيكم تنصحونى وشكرا
     
  2. المقرود

    المقرود عضو نشط

    التسجيل:
    ‏8 نوفمبر 2004
    المشاركات:
    825
    عدد الإعجابات:
    4
    أتوقع إن الكل راح ينصحك بأسهم معينة ، ولكن أفضل نصيحة أنصك إياها بهالوقت هي الاستغفار

    ( من لزم الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب )


    قبل شوي كنت كاتب نصيحة حقك إنك تشتري سلطان لما ينزل باجر ، بس عدلت مشاركتي وشلت هالنصيحة ، مو عن شي ، بس ما أحب أنصح شخص بسهم معين وبعدين يطيح السهم وتصير براسي ، خصوصا أن وضع السوق يخرع هالأيام

    تكفي نصيحتي اللي فوق وإن شاء الله الأعضاء ما يقصرون
     
  3. boalons

    boalons عضو محترف

    التسجيل:
    ‏17 سبتمبر 2003
    المشاركات:
    4,058
    عدد الإعجابات:
    0
    مكان الإقامة:
    KUWAIT
    اخوي بوفهد

    الله يعوض عليك ان شاء الله ويرزقك من حيث لا تحتسب

    الحمد لله ان خسايرك صغيره الا بالمنتجعات بالنسبه للسعر الي شاري فيه وليس بالقيمه

    يعني باقي الاسهم كل سهم تقريبا الخساره اقل من 10% تقريبا وهذي نسبه بسيطه ولله الحمد امرها سهل ان شاء الله , بالنسبه لعربيه اشوف انها ان شاء الله راح تعدل سعرها لان ارباح الربع الثالث كانت ممتازه اطفات فيها الخسائر السابقه وزياده

    اخوي بالنسبه للتعويض لك عده خيارات

    اما انك تصبر على السهم الي تتوقع ان يصعد , او تبيع وتحول لسهم ثاني
    او في طريقه بس شوي فيها مخاطره مثلا عقارات الكويت تحاول تسترجع السعر الي شريت فيه بانك تظارب بالسهم وان شاء الله بثلاث عمليات ترجع ال 25 فلس , لكن المخاطره فيها انك يمكن تبيع ويطير عنك السهم ...
    وهذي الحركه معروفه دايما تصير فينا

    والله يوفقك ويعوض عليك وعلى جميع الخسرانين
     
  4. بيل غيتس

    بيل غيتس عضو جديد

    التسجيل:
    ‏21 فبراير 2005
    المشاركات:
    599
    عدد الإعجابات:
    0
    اخوي بو نواف تمسك بالاسهم الي عندك لان لها يوم وتطلع مثال سهم السفن نازل من 530 وتم التجميع عليه بسعر منخفض والان يرجع لسعره ويتعدي هذا الرقم والصبر مفتاح الفرج انشاء الله ولا تنظر الي الاسهم الي طالعه لان راح تتعب نفسيتك بعدين تقول نفس المقوله الي يقولونها الاخوه كل ما ابيع السهم يطلع ولا تقول اخ اخ ولو ولو تري ما راح تخلص وحط راسك ونام وتصحي شوفها انشاء الله فوق واسال المجرب ولاتسال الطبيب
     
  5. london

    london عضو نشط

    التسجيل:
    ‏24 أكتوبر 2004
    المشاركات:
    197
    عدد الإعجابات:
    4
    الاخ بو نواف
    سهم عقارات الكويت ممتاز اتوقع لة الارتفاع واللة الموفق
     
  6. TechnoFund

    TechnoFund عضو متميز

    التسجيل:
    ‏12 مايو 2004
    المشاركات:
    919
    عدد الإعجابات:
    20
    مكان الإقامة:
    الروضة
    ليس للمضاربه ولكن للأستثمار ..

    1- تمويل الخليجي
    2- الوطنية للأتصالات
    3- المخازن
    4- م سلطان
    5- الوطنية العقارية

    مع الأخذ بعين الإعتبار وضع السوق بشكل عام خلال العام.

    الله يوفقك ان شاء الله ياخوي ويعينا وياك على طاعته ..
     
  7. ashraf khalil

    ashraf khalil عضو نشط

    التسجيل:
    ‏29 يونيو 2004
    المشاركات:
    456
    عدد الإعجابات:
    3
    صدقني يا أبو نواف بأن البحر مافي خير
    وابعد عنة وعن عوار الراس أنا والله كل خسايري من البحر
    والله قاعد أحلم فية من كثر ما خسرت منة والعياذ بالله
    اسغفر ربك
    وتبي نصيحتي وماقدر أقول أكثر من جذي
    اشتري المجموعة الدولية للأستثمار سعرها وايد زين
    وانشاء الله خيرها وايد خلال الأشهر القادمة
    وأنا صفيت كل أسهمي وألي أشتري فيها
    ومثلك خسرت بعقارات الكويت والمنتجعات
    وخاصة المنتجعات رحت وطي فيها والتوفيق من رب العالمين

    أخوك أشرف
     
  8. الوحش

    الوحش موقوف

    التسجيل:
    ‏8 يناير 2005
    المشاركات:
    36
    عدد الإعجابات:
    0
    ما انصح بهل الحل

    بيع كل الاسهم واشتر بالفلوس كلها عقارى لعل وعسى اصير بنك اسلامى ولا تبيع الا بدينار والسؤال و هو متى يجب ان تشترى العقارى

    كما انى لا انصح بالحل المذكور اعلاه ( شراء العقارى ) ولكن اللى حاشك حاشنى على اقل شوى وقد اشتريت

    اتحاد العقاريه
    مشاريع
    عقارى
    خليج
    وبانتظار الربح وان كان بعد 5 سنوات

    حل ثانى وهو الافضل
    اصبر وما الصبر الا بالله
     
  9. خوش ولد

    خوش ولد عضو متميز

    التسجيل:
    ‏5 فبراير 2004
    المشاركات:
    1,284
    عدد الإعجابات:
    149
    مكان الإقامة:
    الكويت الحبيبة
    الله يعينك يا بو نواف , والله يهداك على شرائك لهذه الاسهم جنك تقول انا ابي اخسر او الي قالك عنهم يبي يخسرك او ان ما ايعرف عموما

    انا دايم عندي مبدأ وهو ان اي عمل اقوم فيه وبداية هذا العمل تكون خسارة او كبوة احس انها بداية نجاح يعني ايام الثانوية اول ما دشيتها سقطت والحمدالله تخرجت وايام الجامعة انسحبت والحمدالله تخرجت بالنهاية بالبورصة مثلا اول ما دشيت خسرت والحمدالله عوضت خسايري وارباح ممتازة ... فا انت تفائل بالخير وقول الحمدالله على العافية

    عموما انا لو كنت مكان ابيع كل اسهمي واحطهم في اسهم آمنه واستثمر
    فا انا اقراحي لك ابيع الاسهم واشتري في :-

    بيت التمويل الخليجي
    بيت الاستثمار الخليجي
    مجموعة الجناعات ( اذا صار فيها تصحيح )

    الامر الآخر ان شاء شركة الاوسط راح ادخل السوق السعودي
    بنك البلاد راح يدش اول شهر 4 على ما اعتقد وهذه فيه رزقة طيبة ان شاء الله
    ايضا شركة الغاز في قطر عليها أخبار طيبة

    واذا حاب اعطيك معلومات عنهم خبرني

    وارجو ان الله يوفقك يا بو نواف
     
  10. لاحق سراب

    لاحق سراب عضو جديد

    التسجيل:
    ‏24 أغسطس 2004
    المشاركات:
    170
    عدد الإعجابات:
    0
    العذر منك يا بونواف لكن أنا حسبت أسهمك على اللي أنت ذكرت ..

    رأس المال = 100 ألف دينار تقريبا

    لسعر السوقي للأسهم حاليا = 89 ألف دينار تقريبا

    الحل :

    هو كما ذكر أخونا الوحش العقاري أو الوطنية للإتصالات أو بين الشركتين ..

    إستثمر ونام وإن شاء الله تلقى خير فوق رأس المال .

    الشباب يقولون أسهم زينة لكن الواحد يبحث عن الزين والآمن بنفس الوقت .

    والله أعلم
     
  11. saja

    saja عضو جديد

    التسجيل:
    ‏9 أكتوبر 2004
    المشاركات:
    205
    عدد الإعجابات:
    1
    شوف اللي تقدر تبيعه بخساره بسيطه بيعه و اللي خسران فيه وايد نصيحه سوقنا سوق الصابرين و صدقني راح اييله يوم و يصعد يعوضك خسارتك و ربح انشالله-- الله يعوض عليك
     
  12. المطرود

    المطرود عضو نشط

    التسجيل:
    ‏22 أغسطس 2004
    المشاركات:
    2,246
    عدد الإعجابات:
    1,621

    أخوي العزيز أبو نواف

    كلام سجى اللي تحته خط صحيح واللي حصلته من بيعة الأسهم اللي فيها خسارة بسيطة تقوم وتبرد على الأسهم اللي خسارتها كبيرة ... شرايك ....إذا أنا غلطان أرجوا من الأخوة أن يصححون كلامي .. مع أطيب التحيات لكم ولفزعتكم الحلوة
     
  13. bu_nawaf

    bu_nawaf عضو نشط

    التسجيل:
    ‏11 نوفمبر 2004
    المشاركات:
    1,185
    عدد الإعجابات:
    0
    مشكورين اخوانى الاعزاء على ردودكم اللى كتبتوها لى ونصايحكم اللى ذكرتوها كلها وبالنسبه للاخ ( خوش ولد ) ممكن تفيدنى اكثر بخصوص شركه الاوسط والاسواق الخليجيه واكرر شكرى لكم جميعا والله الموفق