بالنسبه لي اخوي قعدت بالكمبنسكي صراحه روعه والغرف راهيه اذكر هالكلام قبل سنتين وتنزل من الغرفه ولا انت بالمجمع حتى الاهل ما تحاتيهم
من افضل فنادق دبي على الاطلاق الفنادق الموجودة في مدينة جميرا وهي على الترتيب : دار المصيف القصر ميناء السلام اجواء خيالية ومناسب جدا لشر العسل او العوائل اوالاطفال.
فندق العنوان -ذا ادريس داون تاون يقع بمنطقة برج خليفة وقريب من دبي مول والنافورة الراقصه وسوق البحارة يستحق التجربة خصوصا لشهر العسل الغرفة المطلة على النافورة الراقصه. كمبنسكي قريب من الامارات مول فنادق جميرا ومنها فندق رويال ميراج ذا ون اند اونلي ون . تعتبر منتجعات واسعارها غالية شوي تربطها ممر مائي وجنبها سوق جميرا وقريبه على الامارات مول بالسيارة وبرج العرب والاتلانتس .
فندق تاج بلس حيل حلو والغرف راااااااااااااااااهيه حييييل والزين فيه مافيه خربطه بالمره حتا خمر ماكو واعتقد نزلو تصنيفه من خمسه الى اربع نجوم لهذا السبب ودايم عروض ثلاث ايام الرابعه مجانا او يومين والثالث انا صراحه عجبني واللي خلاني استانس فيه اكثر شيء كبر الغرف اذا معاك صغار الغرف العاديه تضايقهم بس والله انا كلش ماتضايقت حيل كبار اكبر من جنري سويت في فندق ثاني وفيه ميزه حتا بالحمام الله يعزكم تصميمه حلو مقسم الى ثلاث اقسام منفصله عن بعض يعني اللي عنده بنت نفس بنتي غرامها طق الباب مايتضايق
اعتقد الاثنين اختي غرف وشقق او اجنحه اختي الغرف برااااحه اذا رايحه شرق اسيا بالغالب فنادقهم غرفها كبيره ا هالفندق هذا اكبر حيل غرفه يعي ماتحتاجين شقه وقريب من المطار بس عنوانه ماني عارفه
فندق جميرا بوتش بلا شك روعة و مميزات غير طبيعية Jumeirah Beach Hotel تقدر تنزل المدينة المائية وايلد وادي كل يوم ببلاش ,, في نقل من الفندق إى المجمعات ببلاش لكن اوقات معينه تقدر تدخل برج العرب ببلاش و تتغدى في احد مطاعمه او تتمشى فيه .. البحر و لا أروع .. سعر الليلة 71 دينار بدون الضرائب .. قبل سنتين حصلتها من مكتب سفريات الليلة بــ35ــ دينار كان في عرض و اخذت اسبوع و كان احلى اسبوع بالعمر
اخوي عندك فندق دبي كونكورد ممتاز للعوائل مافيه خربطه ولا خمر وفيه شقق وغرف وقبل سنه انا ماخذ فيه شقه فندقيه غرفتين وثلاث حمامات وصاله ومطبخ اب 67 دينار الليله وعندك ذا بلاس ( القصر) راقي جدا وفندق ممتاز واذا عندك عيال الله يخليهم لك مثل عيالي يحبون حمامات السباحه والتبلبط بالماي مالك الا اتلانتس روعه ورعه روعه انت الكبير تستانس انا قعدت فيه 4 ايام يوم واحد بس طلعنا انا وياهم رحنا السوق وطول الوقت بالاكوابارك وابلاش اذا انت نزيل بالفندق وكل شي فيه مايحتاج تطلع منه وفيه عروض دلافين وشغل مرتب وتصوير ويا الدلافين يعني عيالك بيستانسون وعيب الفندق التكلفه فقط انا كنت ماخذ جناح كامل غرفتين وصاله وميزه الجناح انه مطل على الاكواريوم يعني حتى وانت قاعد بغرفتك عيالك متنحين بالاكواريوم ويشوفون السمج )) سعر ليله الجناح 220 دينار
فندق تــاج بلـــس للعوائل احلا شي وعالمي ويكفي موقعه بوسط دبي في منطقه ديره بالقرب من شارع الرقـــــه و شارع المرقبـــــات
