كأن السوق سيرتد ,, تأكيد الارتداد عند هذه النقطه

[ابوسارونه]

هلا بالحبيب

انت شخص كتاباتك تشفعلك
والنعم فيك

انا طق جرس البصمه الحين وان شاء الله باجر نكمل الحديث المطعم بالتشارتات

الله يكون بالعون

 

[بدر الغازي]

اذا صدق كلامي ابيك تعتذر لي واذا صدق كلامك بعتذر لك

لا تصير عاطفي

كم سهم قلنا عنه سعره صيده وخلال اسبوع تشووفه بسعر غير ؟؟؟

الصعوود اليوم كان للتصريف واخر السووق كان دليل واضح

فتح قلبك

والايام بينا

للرفع

 

[adventurer]

الوضع الفني لحد الآن احنا بقناة نازله

والوضع العام والنفسيات تعبانه

والاوضاع الخارجيه لا تبشر بالخير
الخرافي يقول ازمه 2010 اقوى من السابقه ،، هناك حديث بأن هناك أزمه سندات قادمه في أمريكا مثل أزمه دبي العالمية
اجيلتي الي ليلحين ماعرفنا شصار معاهم
كل يوم نسمع عن تفليسات قادمه
وكل شوي نقول اشاعات والاسعار في نزول

لنترك التعاطف على جنب ونفكر بالجد ولو لمره
انا فكرت فيها وطلعت ولله الحمد وعسى الله يوفق غيري ويربح الدبلات


أغلب المحللين أوصوا بعدم الشراء حاليا وانتظار فرص مناسبة أفضل

الكلام هذا مو من عندي هذا موجود وينقال بكل مكان

لكن لا يمنع من المضاربه السريعه جدا

ولا شرايكم؟

راينا.........شغلك عدل
و بو سارونه هم ما قصر, يزاه الله خير

 

[زياد شحاده]

ابو سارونة شكرا

انا من المتابعين لمشاركات الاخ ابو سارونة واؤيد طرحه ، واعتقد بأن السوق سيشهد صعودا قريبا لان كافة المؤشرات الفنية في ادناها ونفسيات المتداولين في يأس شديد ، وهنا يبدأ الصعود بأذن الله

 

[خير ان شاء الله]

للرفع

اعتذر عن الكل ، وبارك الله فيك كلامك في محله.

ممكن تعطينا رايك في المستقبل القريب واكون لك ممنون.

تحياتي

 

[مليونير بعد سنه]

اكتفي

بتوقيع

 

[sgs_q8]

أولا أحب أشكر الأعضاء على الردود والتفاعل , و ثانيا تحليل بسيط عن السوق اليوم مثل ما شفنا اليوم بنهاية جلسة التداول إن السوق أرسل إشارات- ولو إنها متأخرة وضعيفة بس واضحة - إجابية وتدل على عكس الإتجاه قريب - إن شاء الله- وهذه الإشارات فعلا تحتاج إلى دراسة , كل المتداولين يعرفون إن السوق يتجه إما صعود أو نزول وفي نوعين من الصعود والنزول (1)مؤكد (2) وهمي أو تصحيحي إن جاز التعبير *أما بالنسبة حق إشارات جلسة اليوم الإيجابة شي طبيعي من بعد النزول القوي يكون حركة تصحيحية أو بمعنى آخر وقفة لإلتقاط الأنفاس ومن ثم متابعة الحركة الأساسية للسوق وبحالتنا النزول أما بالنسبة لعكس إتجاه السوق هذا يحتاج ليس فقط إشارات بل يحتاج تأكيدات إختراقات لحواجز وتكوين نماذج مصحوبة بحجم تداول كبير لي حد الآن ماصار ولا شي من هذا .

الخلاصة :

لم يتم إختبار الحاجز الرئيسي بعد و هو 6400 ومن التسرع الحكم على إتجاه السوق من دون هذا الإختبار

نصيحة :

نحن مقبلين على إقفالات النصف سنوية والسوق تحت مستوى إقفال 2009 وهو 7005 نقطة يعني قطاع شركات الإستثمار أغلبها مسجلة خساير طبعا غير محققه وهالشي يسبب ضغط على قطاع البنوك و قطاع البنوك ..... أعتقد وصلت الفكرة

ودمتم على خير *

 

[NEW حاكم السوق]

وهل أنت مقتنع؟ إنهم بيردون يصعدونه 500 نقطه قبل 30/6 لإقفالات الربع الثاني!!!؟؟؟

وليش مايكون مرافس المحتضر!؟ لزوم التصريف! قبل إجازة الصيف ب7 و8 ؟؟؟ ومن ثم إستئناف النزول! خلال 7 و8 الى 6000 ومادون ذلك ؟؟؟!!! وبشهر 9 يقولك المريض (السوق) مات وفطس!!!! لأن الكهربا (المبادرات والحلول) إنقطعت خلال الإجازه بالصيف (لإزدياد ألأحمال وماكو مولدات)! وأجهزة ألإنعاش (الشائعات والتطبيل) توقفت!!!! فمات السوق وفطس ....

يالله عاد تعال فجج ... ذيج الساعه ... !!! يالله سترك ...!!

 

[sgs_q8]

وهل أنت مقتنع؟ إنهم بيردون يصعدونه 500 نقطه قبل 30/6 لإقفالات الربع الثاني!!!؟؟؟

وليش مايكون مرافس المحتضر!؟ لزوم التصريف! قبل إجازة الصيف ب7 و8 ؟؟؟ ومن ثم إستئناف النزول! خلال 7 و8 الى 6000 ومادون ذلك ؟؟؟!!! وبشهر 9 يقولك المريض (السوق) مات وفطس!!!! لأن الكهربا (المبادرات والحلول) إنقطعت خلال الإجازه بالصيف (لإزدياد ألأحمال وماكو مولدات)! وأجهزة ألإنعاش (الشائعات والتطبيل) توقفت!!!! فمات السوق وفطس ....

يالله عاد تعال فجج ... ذيج الساعه ... !!! يالله سترك ...!!

الفكرة وصلت لك بس بالعكس

 

[NEW حاكم السوق]

تعرف بال .. أس جي أس الكويتي .... كل الطرق تؤدي للمحرقه !!!!!!!!!!! خاصه اللي بالعكس!
وصلت يالغالي ... وصلت والسموحه ...

 

[NEW حاكم السوق]

والغازي و ونشستر ... وحتى أبوسارونه ... ماقصرو ... وحذرو لزوم وججود تأكيدات .... وقالو حاسب لآيضربك!؟

بس شنسوي .... صاحبنا ... زيادشحاده .. إلا يكون متفائل ... مع نظرياته الميتوفيزيائيقريه!!
ترى نظرياتك يازياد ياشحاده! بس تمشي على نظام "المقايضه +" ... مو عال جي أس أم

ما أدري ...

 

[بدر الغازي]

اعتذر عن الكل ، وبارك الله فيك كلامك في محله.

ممكن تعطينا رايك في المستقبل القريب واكون لك ممنون.

تحياتي

المحفزات الايجابيه غير موجوده لدفع السوق للارتفاع

راح يكون في ارتفاع قليل مقابل نزول اكثر

بعد الاجازه ورمضان ان شاء الله تتعدل الاوضاع والله كريم

 

[انوفستي]

المحفزات الايجابيه غير موجوده لدفع السوق للارتفاع

راح يكون في ارتفاع قليل مقابل نزول اكثر

بعد الاجازه ورمضان ان شاء الله تتعدل الاوضاع والله كريم

ذكرتني بحمد الحبيب
قال نفس الحجي
بنفس هالوقت
من العام الماضي
المحفزات فعلا غير موجوده
الزبده : نتائج الربع الثاني راح تقول ان الشركات الخسرانه اكثر بدبلات من الشركات الربحانه يعني الخربان يخرب على الزين ومستحيل المؤشر السعري لسوقنا يصعد صعود حقيقي معتبر امام مثل هذي النتائج
اما الوزني فانسى الا اذا بيتك فاجئنا بارباح حلوه

 

[خير ان شاء الله]

المحفزات الايجابيه غير موجوده لدفع السوق للارتفاع

راح يكون في ارتفاع قليل مقابل نزول اكثر

بعد الاجازه ورمضان ان شاء الله تتعدل الاوضاع والله كريم

بارك الله فيك ولد عمي على الافاده والله يكتب الى فيه الخير

 

[بوراشد جروب]

الله يعطيكم العافية

إسمحولي التطفل بهذه المداخلة ..

macd اشارة خروج وتنبيه بالبيع لمؤشر الماكد

قاع محتمل عند 6.360


والله اعلم
​

 

[بوراشد جروب]

المؤشر الوزني ... أشرايكم فيه ؟

​

 

[NEW حاكم السوق]

قواك الله بوراشد جروب ...

 

[بدر الغازي]

ابو سارونه ياما صادونا عن طريق التحليل ويستغلونه لصالحهم للتصريف

السؤال كم سهم احترم التحليل ؟؟؟

اقسم بالله اسمنها واكبرها يصرفون والصدمه القادمه بقيادة احد البنوك

واحدي شركات الخدمات وان شاء الله يطلع كلامي غير صحيح

ان غدا لناظره لقريب

والله يعوض عليكم وعلينا بخير

للرفع ومازلت احذر والدليل اجليتي من 500 فلس الي 300 فلس

 

[Winchester SX3]

السلام عليكم ,,,

بإختصار ..

كأنى أرى ارتداد .. تأكيده سيكون بإختراق 6800 والهدف مبدئياً 7000

ولكن تذكر ,, ان النقطه 6700 النزول عنها سيفشل الارتداد

دمتم بخير ,,
​

بو سارونه ماقصر بهالموضوع

ونذكر بأنه وضع شرط وهو إختراق الـــ 6,800
وعند النزول عن الــ 6,700 يفشل الإرتداد

يعني وضع شروط للقارئ عشان يكون على بينه
والوضع إنتوا شفتوه وصلنا 6,686.60 وسوينا كوكسه

جزاك الله خير يا بوسارونه وشكرا لكل من شارك

 

[FNON]

حبيت ارفع الموضوع لتعم الفائدة