الرياضيات الماليـة ؟؟

[q8_500]

السلام عليكم ورحمة الله وبركاته ،،


حاب اسألكم عن تخصص الرياضيات المالية ،،،


اسمه بالانجليزي

Financial Mathematics
في احد يعرف عنه شي ؟ وشنو مستقبله ؟ ولما تتخرج وين تتوظف ؟؟

وهل هو يعتبر تخصص نادر ؟ وهل له سوق وظيفي ؟ ولا غير مرغوب وظيفياا ؟؟؟


ومشكورين مقدمأأأأ ،،،​

 

[Twin-turbo]

السلام عليكم

انا انشالله كورس اول راح اتخصص رياضيات مالية او احصاء

بس احتمال كبير ادخل رياضيات مالية بجامعة الكويت

اهو التخصص يديد ...ومحد عارف عنه شي ... وليلحين محد تخرج لانه يديد ماصارله اربع سنوات

بس الكل يمدح لي

ويمدحووونه حيييييل

وسمعت انه احسن من المحاسبة بكلية العلوم الادارية

بس كله كلام ... ماشفنه احد تخرج منه عشان نتأكد

ولكن ماسمعت احد يذم بهالتخصص

وانا ترى علمي علمك .. بس اسمع الكلام من شباب الجامعه ومن طلاب التخصص (رياضيات ماليه)

وعلى كلام الشباب الي بهالتخصص يقولون انه تخصص وحشششش


*طبعا لما تتخرج راح تتوظف بالبنوك ووزارة المالية والشركات

*وعلى فكره ..المسمى الوظيفي لهتخصص (مهندس مالي) او (محلل مالي) وطبعا في اعتراض على هالمسمى

بس برى الكويت .... موجود هالتخصص ..ما اذكر اي دولة ...بس الي يتخرج منه يكون مسماه مهندس مالي


ويعطيك العافية

 

[q8_500]

مشكور اخوي ،، ما تدري شنو شروط تحديد تخصص رياضيات مالية ؟؟ (( لاني انا نفسك بعد

بجامعة الكويت كلية العلوم ،، والله محتار بين اني احول هندسة وبين اني اتخصص تخصص رياضيات

مالية )) ،،،

 

[Twin-turbo]

الشروط تكون على حسب الدفعه

انا بدفعت 2008

وشروط تحديد التخصص لدفعت 2008 ... اجتياز المقررات بتقدير لا يقل عن (c) ... ويكون معدلك العام لا يقل عن 2.00 نقطتين :

*اجتياز مقرر (101) حسبان 1

*ومقرر (111) جبر خطي

*ومقرر (126) لغة برمجة الحاسوب 1

*ومقرر (161) لغة انجليزية <<<<< او الانجليزي مقرر (123) ...اذا كنت ماخذها عشان تحول حق الهندسة ...فهاذي تعادل 161 والعكس


انا نفسك ودي احول الهندسة ... وتحسفت صراحه لاني ضيعت سنتين عشان احول ولا قدرت

كله من الفيزيا ...فيزيا 1 وفيزيا 2 هالمادتين الي واقفين فبلعومي


*بس انت حاول ...لاحد يحبطك ... في شباب اعرفهم حولوا هندسة

 

[q8_500]

يعني التحويل للهندسة افضل من تخصص الرياضيات المالية ؟

انا الحمدلله انشالله الفيزياء ماراح اتوقف بطريقي ،،، انت الفيزياء اي فيزياء اللي وقفتلك ؟

فيزياء واحد ولا فيزياء تو ؟

وشرايك شنو الافضل؟ احول هندسية ؟ ولا اكمل تخصص رياضيات مالية ؟

 

[Twin-turbo]

عني التحويل للهندسة افضل من تخصص الرياضيات المالية ؟

*مايبيله بعد .... الهندسة افضل


انا الحمدلله انشالله الفيزياء ماراح اتوقف بطريقي ،،، انت الفيزياء اي فيزياء اللي وقفتلك ؟

**جم قريدك بفيزيا 1


فيزياء واحد ولا فيزياء تو ؟

*اثنينهم صراحه .... اهمة سهلين ...بس المشكلة بالانجليزي ... اذا انت زين بالانجليزي ... الفيزيا تصير سهالات

*واذا طفت مواد التحويل حق الهندسة ...راح تلقى الهندسة سهالات ...واسهل بوايد من كلية العلوم




وشرايك شنو الافضل؟ احول هندسية ؟ ولا اكمل تخصص رياضيات مالية ؟

*الهندسة احسن ... بس انت اي دفعه ... شكلك ليلحين مادخلت الجامعه

لان مو معقوله تقارن الهندسة بكلية ثانية او تخصص ثاني

الهندسة معروفه .. الــ top

 

[q8_500]

انا دفعة 2008 ،، ومشكور وماقصرت على ردودك

 

[ريّس نفسه]

انا ما ابي افتي لكن اعتقد ان التخصص قريب على مادة الرياضة المالية اللي

كانت مقررة على طلبة المقررات / تشعيب تجاري قبل الغزو .. واللي بالتالي درسناها

بالتفصيل في الجامعة وكانت تحت تخصص التمويل .. فاعتقد ان تخصص الرياضيات المالية

اقرب لتخصص التمويل والله اعلم

وان كان تمويل، فانصحك فيه بشدة لانه قوي ومرغوب في المؤسسات المالية

 

[q8_500]

اخوي ريس نفسه ؟ انته متخصص هالتخصص ؟ تعرف احد تخصصه جذي ؟

رياضيات مالية ؟

 

[Twin-turbo]

العفو q8_500

عدل كلامك (ريس نفسه)

تخصص رياضيات مالية قريب للتمويل والاقتصاد

وطلاب الرياضيات مالية ...يخاذون 24 وحده (بالتمويل او اقتصاد)بكلية العلوم الادارية (تخصص مساند يكون)<<< يعني تقريبا سنة كاملة تداوم بشويخ



التخصص المساند لازم يكون بكلية العلوم الادارية ...وتختار تخصص واحد من هالاربعة :

*قسم الادارة والتسويق

*قسم التمويل والمؤسسات المالية

*وقسم الطرق الكمية ونظم المعلومات

*قسم الاقتصاد


طبعا اسهل تخصص مساند بينهم (قسم الادارة والتسويق).

 

[q8_500]

Twin-turbo

تسلم على هالمعلومات ،، بس مثل ماقلتلي بالاول ان التحويل (( للهندسة )) افضل بكثير

من الرياضيات الماليه ،، وانا بحاول احول واذا ماقدرت بكمل بهذا التخصص

ومشكور وماقصرت على مرورك

 

[nabhaan79]

حسب تجربتي بالحياه
وكوني محلل تخصص محاسبه

هالسوالف ما تفيد في الكويت تخصص نادر وغيره إدرس محاسبه أو هندسه وخلكم من سوالف تخصص نادر وغيره إنت إذا كنت محترف في شغلك تصير نادر والكل يبيك مهما كانت شهادتك بالعربي أول ما تتخرج وما عندك خبره محد يطل بوجهك وما تعرف إنقليزي روح بعيد بعد

وعشان تبدأ صح طور نفسك لغة وغيرها من أمور عشان تقدر تدش أحد الشركات الكبيره ومنها تبدأ من الصفر وتكتسب الخبره وبعدها إنت تتشرط وين تروح وتحدد الراتب بعد

ونصيحه الوظيفه في الوزارات قبر من وظيفتك الى قبرك خلك على القطاعات اللي فيها إهتمام بالتطوير الوظيفي

 

[مسـتـثـمـر]

خلك علي الهندسة ان حصلت ...... كادرهم حلو

او محاسبة هم لهم كادر ...... ممتاز

اما رياضيات مالية ومادري شنو .... ماتوكل خبز لا كادر ولا عماة عين

اذا مسمي مو متفقين علية ليما الحين

واذا عاجبك هالتخصص .... ابعلمك اللي احسن منة بس ادعيلي
ادرس محاسبة ..... السبب فيها كادر .. وادرس شهادة محلل مالي cfa

هالشهادة تسوي حتي الدكتوراه بالمحاسبة وعليها طلب باي مكان

بالتووووووووووووفيق

 

[q8_500]

مشكورين وماقصرتوا على مروركم

 

[النجدي2007]

كلام الشباب كلة مضبوط

 

[q8_500]

مشكور على مرورك اخوي النجدي