تعاقدت مع شركة لتصميم موقع ولكن شغلهم مو نظيف

الموضوع في 'قسم الإستشارات القانونيه' بواسطة q8rottweilers, بتاريخ ‏9 يونيو 2010.

  1. q8rottweilers

    q8rottweilers عضو جديد

    التسجيل:
    ‏26 يناير 2009
    المشاركات:
    177
    عدد الإعجابات:
    0
    السلام عليكم
    يعطيكم العافية اخواني
    انا تعاقدت مع شركة عشان تصمملي موقع الكتروني بمبلغ كبير شوي، وللاسف شغلهم كلش مو نظيف، قالولي شفهيا انه الموقع بياخذله شهرين ويخلص والموقع صارله لما الحين 7 اشهر وكل يوم يقولون خلص واكتشف فيه اخطاء وعيوب، وكل ما اطلب منهم خدمة قاموا يماطلوني ويقولون تطول او لازم تدفع زيادة، انا لما الحين دافع نص المبلغ بس واهمه يبون مني النص الثاني، الموقع يعتبر 99% جاهز الحين لكن كثرة الاخطاء لوعت جبدي وما قمت اثق فيهم يعني حتى بالمستقبل اذا طلبت شي راح يطولون اكثر وبيخبصون فيه ويطلعون قرون براسي يالله يخلص غير انه التاخير طوف علي فرصة المشاركة بجائزة الكويت الالكترونية
    انا الي بيني وبينهم عقد مكتوب فيه السعر والشروط بس مو مذكور فيه المدة وعندي شوية ايميلات دازها لهم بخصوص الاخطاء
    ابي اعرف شنو لي وشنو علي؟ هل اقدر اقاضيهم؟ هل اقدر اخذ فلوسي الي دفعتها لهم؟ شنو اقدر اسوي عشان ابرد حرتي؟
    ومشكورين مقدما واسف على الطوالة
     
  2. مشعل المحامي

    مشعل المحامي عضو جديد

    التسجيل:
    ‏3 ابريل 2010
    المشاركات:
    366
    عدد الإعجابات:
    0
    مكان الإقامة:
    بيت المشورة-ش البلاجات- مقابل شوبيز -مدني وتجاري
    السلام عليكم اخوي

    بغيت اسالك العقد شنو البنود اللي فيه وفيه شرط جزائي ولا لا ؟

    وليش ما حطيت مده انجاز للعمل ؟
     
  3. q8rottweilers

    q8rottweilers عضو جديد

    التسجيل:
    ‏26 يناير 2009
    المشاركات:
    177
    عدد الإعجابات:
    0
    هلا اخوي مشعل مشكور على ردك السريع اول شي
    العقد ولد عمي مافيه شرط جزائي، اغلب مافي العقد يتكلم عن المواصفات والحماية وهالامور، التاريخ ما سجلته علبو ثقة وقاعد اتعامل مع ناس محترفين وفاهمين شغلهم ولهم سمعتهم، النسخة الي عندي مكتوب فيها انه لازم ازودهم بطلباتي خلال اسبوع من توقيع العقد (ماسويت هالشي) او انهم بيستخدمون مصممينهم لتنفيذ الموقع وهالشي هذا راح يمدد مدة الانتهاء (هم مو محددة) واهمه بلغوني انها شهرين بشكل شفوي بس على اساس انه فريق كامل يشتغل عليه واكتشفت بعدين انه بس شخصين الي قاعدين يسوونه وهالشي مو مسجل بالعقد.
    للامانه مابي ابخص حقهم شغلهم ممتاز وفوق الممتاز بعد لكن بكل مكان الاقي اخطاء، والطامة انه موقعي تجاري وقاعد اعطي ناس كلمة وهذيلا يفشلوني مع العالم دايما شغلهم متاخر ومو كامل وفيه اخطاء غير انه لما اطلب شي يسوونه على كيفهم ويقولون هذا احسن لانه حماية ومن هالحجي.
    انا الي ابيه عالاقل لو قرصة عشان يصيرون اوادم ويتسنعون وياي لي جدام عشان اضمن كلمتي جدام زبايني عالاقل
    قواك الله يا مشعل
     
  4. ويلاني

    ويلاني عضو جديد

    التسجيل:
    ‏17 ابريل 2010
    المشاركات:
    27
    عدد الإعجابات:
    0
    هلا اخوي

    تقدر ترفع دعوى واالقاضي راح يحولها للخبره الهندسيه والخبير بدوره يقوم بتقدير قامت الاعمال التي تمت وقيمة الاعمال المتبقيه وبيان الاخلال من طرف الشركه ان كان موجود اخلال.