لي حق ولا لأ

[انوفستي]

اتفقت مع احد الاشخاص بدون عقد مكتوب على تأجير شاليهه لمده ثلاثه ايام
ودفعت له اجره يوم من الايام الثلاثه الي حجزتها وعطاني وصل بالمبلغ ....
وبعدها بفتره ..... يعني قبل شهر اضطريت لالغاء الحجز وقال اصبر علي وسأرجع لك المبلغ......
اتصلت فيه قبل كم يوم وقالي اصبر علي وأنا سأرجع لك المبلغ من طيبي لان مالك حق بالعربون لان العرف يقول العربون ما يرجع في حاله الغاء الحجز من طرفك ومن هالحجي الي خبرك. واتوقع المره المره اليايه اذا دقيت عليه بقولي.... اقلب ويهك لاتدق علي
هل لي الحق ام له
واذا لي الحق وين اقدر اشتكي عليه
علما بان المبلغ 80د.ك وتاريخ الحجز لم يحل وباقي له شهر

 

[مراويس]

لا مالك حق انت ماتقرا بالمحلات الملابس لا ترد ولا تستبدل نفس الشي المبلغ لا يرد ولا يستبدل :\ تبي تشتكي على 80 دينار اقول روح اقعد 3 ايام بالشاليه وقول لا اله الا الله تره الدنيا بخير

 

[مراويس]

او قولي مكان الشاليه وشنو مواصفاته واعطيك 80 واخذه مكانك

 

[rahaly]

العربون غير مرتجع - تصافى معه على ارجاع اي مبلغ لان المدفوع من حقه

والله اعلم

 

[انوفستي]

جزاك الله خير رحالي وباقي الاعضاء
الظروف بتخلينا خارج الكويت ولا جان خذنا الشاليه

 

[MaTaDoRy]

طيب اتفق معاه على تغيير اليوم

او تأجل موعد الحجز لي ما ترد من السفر

لو تحل المشكلة بشكل ودي يكون افضل

 

[fayoona74]

خل احد من اهلك ياخذه بدالك ويعطيك فلوسه بدال ماتكنسل افضل حل