مقالب الليلة الأولى من الزواج

الموضوع في 'إستراحة المنتدى' بواسطة aq8, بتاريخ ‏13 يونيو 2010.

  1. aq8

    aq8 عضو جديد

    التسجيل:
    ‏3 ابريل 2010
    المشاركات:
    226
    عدد الإعجابات:
    1
    الموقف الأول : بوكيه ورد

    هذا الله يسلمكم .. ليلة زواج العريس ,, كان مجتمع مع اخوياه بالاستراحة ... تعرفون بكره زواجه وقال آخر ليلة ابيها مع الشباب بالاستراحة ... عاد من ضمن السوالف ، قالوا هاه وش تبي نسوي لك مقلب ؟؟ قال لا هين ما تقدرون ..قالوا شف المقلب مسوينه مسوينه .. مير تبيه بالقصر والا قبل لا تروح والا بالفندق
    الرجال مسكت معه وقال أبد تحدي .. ماتقدرون تسوون فيني مقلب
    تزوج الرجال وتوجه للفندق مع عروسته .. وتوهم داخلين الفندق وجالسين أول ليلة ،، والفندق مرتب ومتكتك .. رن جرس الغرفة .. فتح واثره العامل اللي يشتغل بالفندق ومعاه سلة فواكه .. هدية من الفندق للعرسان
    اخذها وحطها عند العروس .. جلس شوي ورنّ الجرس مرة ثانية ، راح فتح الباب واثره العامل معه بوكيه ورد وفيه كرت
    أخذ البوكيه وحطه بالغرفة .. على أساس إن البوكيه هدية من الفندق لهم ، استأذن زوجته بيدخل دورة المياه - الله يعزكم - فزوجته كانت تبي تشوف الكرت اللي في البوكيه .. وش مكتوب فيه .. وكانت الصدمة :
    ألف ألف مبروك الزواج .. وأتمنى لك التوفيق في حياتك الجديدة
    ..أموله..

    انهارت الزوجة !! منهي أموله ؟؟؟ وفي ليلتي .. تبارك لزوجي وبكل وساعة وجه !! طلع زوجها من دورة المياه واثر زوجته تصيح وتشاااهق .. وش فيك يابنت الحلال ؟؟ وش صاير .. عطته الكرت اللي بالبوكيه .. الرجال انهبل .. قسم بالله ما اعرفها ولا ادري منهي .. والبنت مسيكينة الدموع اربع اربع !!! شوي ويرنّ الجرس مرة ثانية .. واثره العامل معه بوكيه ورد ثاني ومعه كرت
    مكتوب فيه :
    ألف ألف مبروك زواجك .. ونتمنى لك التوفيق في حياتك الجديدة
    أخوياك بالاستراحة ( أموله )
    والرجال يوريها زوجته .. شوفي قسم بالله انهم اخوياي .. هم اللي مسوين المقلب .. وبالأخير اقتنعت البنت !!!

    يعني خربوا عليه أول ليلة في حياتهم .. بسبب هالتصرف !!!!!

    الموقف الثاني : خمسين ألف ريال

    هذا الله يسلمكم واحد تزوج وكانت اموره كل شي زي اللوز ، وكل شي عدا على خير
    أخذ زوجته وراحوا لبيتهم الجديد ... وبينما هم جالسين ( ركزوا على بينما ) المهم .. دق جوال الرجال واثره واحد من اخوياه
    سلام عليكم .. عليكم السلام ,, ألف مبروك يابو فلان .. والله يوفقك يارب .. واعذرنا ماقدرنا نبارك لك بالقصر .. لأن حنا جايين من الديرة .. وضيعنا الطريق شوي .. ويوم وصلنا واثر المعازيم ماشين ولا قدرنا نبارك لك .. بس قلنا نبارك لك لو بالتلفون
    قال انتم وصلتوا يعني ؟؟ قالوا ايه .. قال تعشيتوا ؟؟ قالوا لا والله بس كنا نبي نبارك لك .. قال ابد والله ان تمروني تتعشون عندي .. دامكم جيتوا وتعنيتوا من الديرة .. الا تجون تتعشون عندي
    يا ابن الحلال ... عدل بدل ،، الرجاااال مصرّ الا يجون
    البنت طبعا طااايرتن عيونها !! وش اللي تعالوا تعشوا عندي ..!! وش هالزوج اللي توهقت فيه خخخخخخخخخ المهم أول ماسكر السماعه قال لزوجته هذولا أخوياي جايين من الديرة ولا لحقوا على العرس بالقصر .. وفشيلة إني ما أستقبلهم ،، أنا بروح اجيب اغراض العشاء وأبيك تطبخين لنا !! الحاصل راح وجاب رز وبصل وطماط وملح وكل شي .. وحطها بالمطبخ قال اطبخي لنا .. اخوياي بيجون الحين
    البنت تطبخ وتصيح وتقول في نفسها .. بكره أنا في بيت أهلي .. وش هالعييييييشة
    يوم تعشوا وخلصوا .. دخل الزوج على زوجته بالصالة .. وعطاها مبلغ 50.000 ريال قال تفضلي
    قالت وش ذولي ؟؟ قال هدية لك .. بمناسبة هالموقف اللي صار اليوم !! قالت شلون وش السالفة ؟؟

    قال السالفة ومافيها ان الموضوع تحدي كان بيني وبين الشباب قبل الزواج .. قايلين لي اتحداااك تخلي زوجتك بأول ليلة من زواجها تطبخ لنا !! والتحدي كان من خمسين ألف ريال .. واخوياي ما جو من الديرة ولاهم يحزنون .. الموضوع ومافيه تحدي ,, والمبلغ هذا من حقك انتي

    البنت بلعتها .. وانبسطت لسبب واحد .. قالت اشوى ان هالطبع فيه مب صدق !! والا كان علوم ,, وأخذت الدراهم .. بس وش الفايدة لا خربوا أول ليلة في حياتك الجديدة !!


    الموقف الثالث : بخاري

    هذا واحد قرر يتزوج ،، ومشت أموره تمام .. وقالوا له أخوياه .. ترى لازم حنا نسوي لك شي في يوم عرسك .. وترى حنا اللي راح نجيب لك العشاء اذا رحت مع زوجتك للفندق .. بنتكفل فيه وبنجيب لكم شي مرررتب
    الرجال قال أبد ياشباب ماتقصرون ويكفي شعوركم .. ومن هالكلام
    واحد من الشباب قال للباقين .. تكفون خلوا العشاء علي انا لحالي ،، الرجال هذا من أعز الناس عندي .. وودي يوم عرسه أجيب له أنا عشاه .. وخلونا حنا مرة ثانية نجيب له شي يصير مننا كلنا .. قالوا دام كذا أجل خلاص
    تزوج اخونا في الله وراح مع زوجته على أساس إن خويه هو اللي بيجيب له العشاء ويوصله للفندق بنفسه
    بعد ماجلسوا فترة بالفندق .. رنّ الجرس وفتح العريس الباب وأثره خويه
    والمصيبة إنه جايب له العشاء كيسة رز بخاري وبصل وجرجير
    ويمدها له وهو ميت ضحك
    وش موقف الزوج ؟؟؟؟؟؟؟؟؟؟ أترك لكم التعليق



    الموقف الرابع : النور

    هذا واحد تزوج وراح مع زوجته لبيتهم الجديد والمعاريس جالسين ومستحين .. وصحن فواكه .. وعصيرات وكل واحد يسترق النظرات .. وطاقتهم أم الركب وحالتهم صعبة !! شوي الا يطفى النور
    يااااوك وش السالفة .. طلع الزوج وفتح الطبلون حق الكهرب واشتغل النور
    رجع مرة ثانية .. وطفى النور .. وراح مرة ثانية وشغله
    ومرة ثالثه ورابعه وخامسه !!! وجلس على هالحالة من 12 بالليل لين أذن الفجر خخخخخخ .. والسبب ؟؟ أخوياه يبون يسوون فيه مقلب .. يعني يالله خربوا أم أم الليلة عشان ضحك واستهباااال



    الموقف الخامس : مقلب عكسي

    هذا واحد قرر يتزوج .. وقرر أنه هو اللي يسوي بأخوياه مقلب ،، يعني يتغدا بهم قبل يتعشون فيه
    قال لأخوياه انه نوى يتزوج وكذا .. وجلس يستعد للزواج ،، ومن ضمن الاستعدادات .. طباعة كروت الدعوة
    طبع كروت دعوة للأقارب والأهل بمكان القصر وموعد الزواج وكل شي .. وطبع كروت زواج خاصة لأخوياه .. وكتب فيها موعد الزواج يختلف عن موعد زواجه الفعلي بيوم ... وكتب فيها ان الزواج بيكون في البيت
    الشباب اخذوا البطاقات .. وشكلهم كانوا ناوين يسوون فيه مقلب يوم زواجه
    طبعا الرجال تزوج وعدت ليلته الأولى من أروع مايكون .. لا مقالب ولا هم يحزنون
    يوم صار من بكره .. اللي هو موعد الزواج الوهمي لاخوياه خخخخخخخخخخخ لبسوا الشباب واللي راح الحلاق يكشخ .. وراحوا لبيت المعرس !! وش السالفة .. غريبة وين المعازيم ؟؟ مافيه الا سيارتين او ثلاث عند الباب
    دخلوا .. ويسلمون على اخوان المعرس .. ويجلسون شوي بالمجلس .. ماش مافيه احد .. مب جو عرس !!
    ويروح واحد يسأل اخو العريس .. وين فلان ؟؟
    قال .. سافر
    قالوا وش اللي سافر ؟؟ عسى ماشر بس ؟؟ وزواجه اليوم ؟؟؟؟
    قال .. زواجه امس ... وسافر اليوم الصبح هو وزوجته
     
  2. بو بندر 2000

    بو بندر 2000 عضو نشط

    التسجيل:
    ‏19 يونيو 2006
    المشاركات:
    2,525
    عدد الإعجابات:
    95
    مكان الإقامة:
    وطن النهار
    ههههههههههههههههههههههههههههههههههههههههههههههه

    يعطيك العافية خوش مقالب خاصة اخوياك فى الاستراحة امولة

    هههههههههههههههههههههههههههههههههههههههههههههه
     
  3. الهمس الخجول

    الهمس الخجول عضو مميز

    التسجيل:
    ‏6 أكتوبر 2008
    المشاركات:
    8,739
    عدد الإعجابات:
    2
    ههههههههههههاي حلوه
    شكراً ع المقالب الطريفه ..
     
  4. Winchester SX3

    Winchester SX3 عضو مميز

    التسجيل:
    ‏4 يناير 2009
    المشاركات:
    7,923
    عدد الإعجابات:
    1
    مكان الإقامة:
    الكويت
    في شباب قالولي سالفتهم

    بسوون مقلب بصاحبهم ( المعرس ) ركبوه السياره على اساس يودونه الصاله
    والحبايب ودوه الى النويصيب عند الحدود :)

    آخر شي ردوه الصاله !!
     
  5. السيدةالانيقة

    السيدةالانيقة موقوف

    التسجيل:
    ‏17 أغسطس 2009
    المشاركات:
    2,715
    عدد الإعجابات:
    0
    مكان الإقامة:
    كويتية

    هههههههههههه

    أحلي شئ المقلب الاخير
     
  6. بو شيشه

    بو شيشه عضو جديد

    التسجيل:
    ‏12 ابريل 2010
    المشاركات:
    2,006
    عدد الإعجابات:
    1
    مكان الإقامة:
    السره
    هههههههههه خوش مقالب
    فديت الدولمه:)
     
  7. ذبحني غلاك

    ذبحني غلاك عضو جديد

    التسجيل:
    ‏22 نوفمبر 2009
    المشاركات:
    184
    عدد الإعجابات:
    0
    مكان الإقامة:
    الكويـــــت
    كككككككككككككككك
     
  8. كويتيه @

    كويتيه @ عضو نشط

    التسجيل:
    ‏30 يناير 2009
    المشاركات:
    874
    عدد الإعجابات:
    0
    مكان الإقامة:
    الكويت الغاليه
    هههههههههههه

    حلووووه
     
  9. NoOoOoR

    NoOoOoR عضو نشط

    التسجيل:
    ‏18 أغسطس 2008
    المشاركات:
    10,667
    عدد الإعجابات:
    9
    مكان الإقامة:
    الكــويـــت....:))
    خووووش مقالب

    شكراااااااا
     
  10. جنون عاشقه

    جنون عاشقه عضو جديد

    التسجيل:
    ‏13 يونيو 2010
    المشاركات:
    23
    عدد الإعجابات:
    0
    مكان الإقامة:
    بكويتنا الحبيبه
    ههههههههههههههه
    فديتك صج خوش مقالب
    بالنسبه لي
    الموقف الاول لو يصير لي جان اطقها بووووووووووووووز وما ارضى آل اموله آل

    اما موقف العشى
    اممم عادي مازعل ولا اتنرفز
    ادق على احسن مطعم على حسابي الخاص وافتك من هالسالفه عشان ماخرب كشختي
    عرسي يا ناس هههههههههههههه...> عاشت الموقف لووول
     
  11. aq8

    aq8 عضو جديد

    التسجيل:
    ‏3 ابريل 2010
    المشاركات:
    226
    عدد الإعجابات:
    1

    زين اذا حكم عليج وقالج ابى طبخ بيت شنو العمل يعنىجح\
     
  12. ليث متواضع

    ليث متواضع عضو جديد

    التسجيل:
    ‏16 ابريل 2010
    المشاركات:
    3,457
    عدد الإعجابات:
    2
    مكان الإقامة:
    الكويت
    تسلمووووووا . . . . .
     
  13. جنون عاشقه

    جنون عاشقه عضو جديد

    التسجيل:
    ‏13 يونيو 2010
    المشاركات:
    23
    عدد الإعجابات:
    0
    مكان الإقامة:
    بكويتنا الحبيبه

    اممم بعد اذا حكم علي طبخ بيت شبسوي
    بدخل المطبخ واسويله بيض وطماط ههههههههههه بعد اسنع مني ماكو صح :cool:
     
  14. B-A-1983-A-B

    B-A-1983-A-B عضو نشط

    التسجيل:
    ‏9 فبراير 2010
    المشاركات:
    5,077
    عدد الإعجابات:
    169
    مكان الإقامة:
    حيث لا احد !
    احلى شي واحد من الربع حط حق رفيجة مسهل للبطن وانتو كرامة بقلاص العصير ليلة عرسة وياحلاتها من ليلة قزرها بالحمام وانتو كرامة رايح راد راد رايح خخخخخ مسكين الريال كرة نفسة : )
     
  15. جنون عاشقه

    جنون عاشقه عضو جديد

    التسجيل:
    ‏13 يونيو 2010
    المشاركات:
    23
    عدد الإعجابات:
    0
    مكان الإقامة:
    بكويتنا الحبيبه

    اموت واعرف ليش هالاجرام ههههه
     
  16. B-A-1983-A-B

    B-A-1983-A-B عضو نشط

    التسجيل:
    ‏9 فبراير 2010
    المشاركات:
    5,077
    عدد الإعجابات:
    169
    مكان الإقامة:
    حيث لا احد !
    ههههههه اصلا هذا ولا شي من شغلات وايد صارت على قولتهم فيضا من غيض
    :d

    في شغلات ماتسولف ههههههههه