حسبى الله ونعم الوكيل ضاعت فلوس العالم

ezee

عضو نشط
التسجيل
28 سبتمبر 2007
المشاركات
1,066
الإقامة
الكويت
لا حول ولا قوة الا بالله

والله انهم ناس ما يخافون الله

خسرو العالم

طيب لحد متى هالنزيف وشنو مصير اموال الناس اللى وثقو فيهم

معقولة شركات من الدينار الى 29 فلس

معقولة اجيلتى والصناعات وبورتلاند حد ادنى

معقولة السوق كسر كل الحواجز والدعومات

معقولة اغلب الاسهم وخصوصا القيادية كسرو الدعومات الحديدية واصبحو فى اسعار شاذة اول مرة يصلونها

معقولة الحكومة ما تدخل

معقولة هيئة الاستثمار صامتة والمحافظة تتفرج وين الدعم

معقولة بهالوضع الحالى الكويت تصبح مركز مالى !!!!
 

فريح الكوح

عضو نشط
التسجيل
7 يونيو 2010
المشاركات
355
الإقامة
94004040
مركز مالي مره وحده !!

المشكلة عندنا بالسوق قديمة ومتأصلة .. صج توها تظهر لكن اصلها كان بالتجاوزات الخطيرة من مجالس الادارات في استغلال اموال المساهمين فب غير اغراض الشركة !

شركة عقارية اضارب بالاسهم ، شركة صناعية اضارب بالاسهم ! كلها شغاله استثمار !

وهالكلام قديم وعلى مشهد من ادارة السوق - ومخالف للوائح .. ولا صار اي اجراء للأسف .

هذي النتيجة : يطيح سهم السوق كله ينهار .. مفي موجودات . كلها ورقية !
 

بن عدوان

عضو نشط
التسجيل
9 نوفمبر 2006
المشاركات
2,444
الإقامة
الكويت
سوقنا يذكرني بالسوق السعودي سنة 2007 يوم اعلنو عن هيئة سوق المال

اضربوهم بالارض ضرب !!!
 

Cozmo

موقوف
التسجيل
11 مارس 2008
المشاركات
5,333
الإقامة
دار جابر وسعد ومن بعدهم صباح ووليه نواف راعي العهد
محد دايم الا وجه الله
 

متدرب أصيل

عضو مميز
التسجيل
25 يناير 2008
المشاركات
3,277
صبر جميل والله المستعان
انطروه عند القاع السابق
 

فهد123

عضو نشط
التسجيل
19 أبريل 2006
المشاركات
1,061
الحمد لله الذى لا يحمد على مكروه سواه الله يعوض كل من تبخرة امواله ويجبر مصيبتة
 

ezee

عضو نشط
التسجيل
28 سبتمبر 2007
المشاركات
1,066
الإقامة
الكويت
على فكرة انا والله يا اخوان ما املك الا سهم ومو خسران متماسك وخسارتى فية تكاد لا تذكر ولكنى احترقت اعصابى عليكم علما بأنى محتفظ بالكاش والحمد لله ولكن تخيلت نفسى مكان واحد منكم وخسر بهالطريقة والله شى يقهر ويجيب المرارة

المشكلة يا اخوان الاحساس بالمسئولية معدوم كل واحد من المسئولين يقط العتب على الثانى وكلن لاهى بمصالحة الشخصية وتارك حال الناس ويتفرج عليهم والكثير الكثير منهم وصل حد الانهيار النفسى والمادى

انا ما اقول الا الله يهون المصايب ويبعدها ويقرب الافراح والخير للجميع اللهم امين
 
التسجيل
31 مارس 2006
المشاركات
2,372
الإقامة
الكويت الشقيقه
في اول الازمة التجار يبون دعم____________قالو عنهم انتم حيتان مافيه دعم


الحين بياخذون الدعم غصب وهذا سبب تنزيل السوق

لا امريكا ولا اليونا ولا حتى جزر القمر

ياتدعمون الحيتان يا نوديكم قووووووووووووووووووع الحيتان ولايهمهم شي اصلالالا
 

TAHOE

عضو مميز
التسجيل
7 يوليو 2008
المشاركات
4,260
السوق الآن تحت النزيف مثل النار التي توقد تحت الذهب حيث لا يمكنك ان تستفيد من الذهب حتى تطرد الخبث منه وطرد الخبث من السوق بطرد الشركات الورقيه والشركات المفلسه ,, ولكن متى يكون ذلك ؟ وعندما يحدث وترى الذهب لامعا وقد نقي وانفصلت عنه شوائبه تستطيع حينئذ ان تطفئ النار وتأخذه وتستفيد منه وكذلك الشركات ,, اما غير ذلك فسوف تتم النار موقده تحته

تحياتي
 

البخيت

عضو نشط
التسجيل
14 مايو 2009
المشاركات
92
اقرو الخصخصه

وشالو الدواوين

باقو فلوسنا بالبورصه

وللحين ما خلصنا لعب بلوت عقب ما يطير القيم ان شاء الله نسال ليش سوو فينا جذي

يقولون بالامثال

الحقوق تبي حلوق

وما ظاع حق وراه مطالب

بس ان شاء الله بعد ما نخلص لعب ورقه وراس الشيشه
 

رجل المال

عضو نشط
التسجيل
29 أغسطس 2009
المشاركات
330
قلتلكم وصلت رسالة رجل الأعمال حمد العميري
وخلاصتها نبي انخش اموال صفقة زين وننتظر اموال الحكومه وضغط اليوم خير برهان


وسلامتكم وتعيشون
 

ezee

عضو نشط
التسجيل
28 سبتمبر 2007
المشاركات
1,066
الإقامة
الكويت
انا اقول لحد الان ما خلصو راح يتعمدون تنزيل السوق لاسعار تخوف

ومنها يبدأ انطلاقهم شغل المحافظ مو نظيف وربحهم على مصايب غيرهم مو نفس الاسواق المجاورة العالم يوم تخسر ويومين تربح والجميع قنوع اما ربعتا ان ربحو الصغار ما ينامون من القهر يعملون الف طريقة وطريقة لشفط اموال الناس بطرق ملتوية وفيها خداع ولعب هالناس ما تخاف الله والحذر منهم واجب

لانهم ما تفرق معاهم حلال ولا حرام اهم شى يربحون وانت وانا نخســــــر !
 

مشعل المحامي

عضو نشط
التسجيل
3 أبريل 2010
المشاركات
366
الإقامة
بيت المشورة-ش البلاجات- مقابل شوبيز -مدني وتجاري
والله ياجماعه هالسق امره عجيب غريب مافي مثله بالعالم

الاسواق العالميه (طبعا مو احنه -موغريبه يوم سموه سوق 0000) تنزل يوم يومين وتعوض حسب الاخبار الاقتصاديه والاوضاع العالميه من ازمات او حروب وغيره واذا عدت هذي المشاكل والكوارث يتعدل السوق والامور اوكي

لكن سوقنا هذا الكهل الوضيع لا يمكن انه يتعدل في هذي الظروف السائده مع انه مافي شي يستدعي هذا النزول القوي والمدووويييي اللي يستنزف كل هذي اموال بس اللعب اشلون صاير على ما قالو الكذب شنو احمر اخضر اصفر شنو مادري

قصو علينا لي زهقنا حياتنا وخسرنا فلوسنا وطلعنا من الباب الوراني نشتري قحافي وصراويل مكسر من البنقالي بوالشباب ولا مجابل سوق مافي مصداقيه


الحين انا بسالكم وبسال اكبر محلل اقتصادي يبرر سبب نزول اسعار الاسهم وشنو المشاكل اللي صارت تسبب هذا النزول
 

NEW حاكم السوق

عضو نشط
التسجيل
11 فبراير 2010
المشاركات
1,455
السبب هو ........ تصريح الشمالي أمس! وخاصه من بعد تصريحه السابق! "حان وقت الشراء"
وبعدين ........ من قال يبون راسه؟ وشيبون فيه؟ يعني للحين ماعرفتو ليش مخلينه وزير؟
 

zizo 40

عضو نشط
التسجيل
10 مارس 2010
المشاركات
2,609
الإقامة
Q8
عندما سقطت التفاحة الجميع قالوا
سقطت التفاحة إلا واحد .. قال لماذا سقطت؟؟


الحين اللى صار صار, السؤال ليش هالنزول الغير مبرر؟
اليوم كلنا شفنا أكثر أسواق العالم مرتفعه, وأخبار شركاتنا للربع الأول كانت إيجابيه, طبعا السيوله اللى دشت سوقنا مو قليله, السؤال ليش هالنزول؟ شنو موقف إدارة البورصه؟ منو اللى يتلاعب بالسوق ويضغطه؟ شنو الحل؟

هل الدور على الكويت بعد دبى واليونان؟ الله لا يقدر
 

احمدحميد

عضو نشط
التسجيل
1 ديسمبر 2009
المشاركات
1,238
السوق الآن تحت النزيف مثل النار التي توقد تحت الذهب حيث لا يمكنك ان تستفيد من الذهب حتى تطرد الخبث منه وطرد الخبث من السوق بطرد الشركات الورقيه والشركات المفلسه ,, ولكن متى يكون ذلك ؟ وعندما يحدث وترى الذهب لامعا وقد نقي وانفصلت عنه شوائبه تستطيع حينئذ ان تطفئ النار وتأخذه وتستفيد منه وكذلك الشركات ,, اما غير ذلك فسوف تتم النار موقده تحته

تحياتي

فعلا هذا الى راح يصير
 

باناسونيك..

عضو نشط
التسجيل
17 يناير 2010
المشاركات
401
الإقامة
أردني الإنتماء كويتي الهوى
عندما سقطت التفاحة الجميع قالوا
سقطت التفاحة إلا واحد .. قال لماذا سقطت؟؟


الحين اللى صار صار, السؤال ليش هالنزول الغير مبرر؟
اليوم كلنا شفنا أكثر أسواق العالم مرتفعه, وأخبار شركاتنا للربع الأول كانت إيجابيه, طبعا السيوله اللى دشت سوقنا مو قليله, السؤال ليش هالنزول؟ شنو موقف إدارة البورصه؟ منو اللى يتلاعب بالسوق ويضغطه؟ شنو الحل؟

هل الدور على الكويت بعد دبى واليونان؟ الله لا يقدر

أخوي (زيزو 40 ) اقتصاد الكويت قوي وتأثره بالأزمه العالميه 2008 الى حد ما كان طفيف .
لكن سبب هبوط السوق هو تجارنا المحترمين!!!!! واحساسهم بأنهم راح يفقدون منجم الذهب هذا (سوق الأوراق الماليه)ولأن الحكومه ممثله بالبنك المركزي بدأت بسن قوانين وقرارت وإجراءات جديده لا تتماشى وأهواء هؤلاء التجار ولأن البنك المركزي أيضا بدأ بملاحقة بعض الشركات الوهميه والورقيه مما أدى الى الهلع والخوف وعدم الرضا من قبل التجار الأمر الذي انعكس سلبا على السوق عامدين متعمدين انزاله الى الحضيض , وأعتقد ايضا بأن التجار لن يهدئ لهم بال الى ان يعود الوضع كما كان بالسابق (قبل الأزمه2008) لكي يسرحو ويمرحو بالسوق من غير حسيب أو رقيب .
 
أعلى