تم الغاء البدل في ش غ الصليبيخات رسميآ من الاسكان

[مفتش تجاري]

السلام عليكم
اليوم كنت عند مسؤل كبير في الاسكان وهو غني عن التعريف ويشغل منصب مدير اداره حساسه في الاسكان وهو صديق واكثر من اخ للامانه ويعتبر من احد افراد العائله وقد افادني بالتالي :
المدير : اشلونك بو عمر واشلون الصحه
بوعمر : بخير ولله الحمد
بوعمر : مابي اطول عليك بس عندي كم سؤال عن بيوت سعد العبدالله و شمال غرب الصليبيخات والبيوت المتبقيه
المدير: اتفضل اخذ راحتك واسال اللي بخاطرك
بوعمر : كم باقي من بيوت سعد العبدالله
المدير: 800 وشوي حسب الجدول اللي معاي وهم اخر البيوت من بعد توزيعة 28 الشهر الحالي
بوعمر: ومتى تتوزع هال 800 وشوي
المدير: كلها من ضمن الخطه مالت ال 8600الاف يعني من ورا العيد الجاي نبلش فيهم وتشمل بيوت سعد الباقيه وجابر الاحمد قسايم وصباح الاحمد قسايم
بوعمر: طيب وشمال غرب الصليبيخات شنو وضعها الحالي
المدير: شمال غرب الصليبيخات موضوعها محسوم وخالصين منه نهائيآ
بوعمر: اشلون محسوم وخالصين منه من اي ناحيه
المدير: اولا القسايم خلصنا من توزيعها وللعلم تم منع البدل فيها نهائيآ ولايسمح فيها بالبدل بين القسايم والطلبات
بوعمر: من صجك
المدير: اي نعم هذا قرار من فوق
بوعمر: لا تعليق
المدير: صدقني نبي الكل يرتاح وعلى فكره اهي المنطقه الوحيده اللي تم منع البدل فيها
بوعمر: الله كريم
بوعمر: يعني تنصحني انطر ولا ابدل ولا شنو اسوي ترى مليت من النطره صار لي 17 سنه وانا انطر يالله الله كريم
المدير: نصيحتي لك انطر ليما شهر 9 يعني ورا العيد والقسايم والبيوت كلها في شهر 9 تتوزع وعلى فكره جابر الاحمد باقي فيها بس 2000 قسيمه حسب الجدول كاهو اللي جدامي
بوعمر: عيل اشلون يقولون باقي فيها 2600 قسيمه
المدير: اقولك كاهو الجدول جدامي وهذا اللي باقي منها لان 600 خلاص تخصص وانتهينا منها
بوعمر: خوش عيل مابي اطول عليك ومشكور وما قصرت
المدير: بالعكس ما سويت شي وسلم على الاهل والاخوان كلهم وحياك الله باي وقت
بوعمر: الله يسلمك ويبلغ انشاءالله تامرني شي قبل لا امشي
المدير: سلامة عمرك وسلم على الاهل والاخوان
بوعمر: حاضر يبلغ

الحين بعد هذا كله دار الحوار مع ولدي عمر لانه كان معاي خلص الامتحان وقال ابي اروح معاك المهم دار الحوار التالي بيني وبين عمر ولدي

يبه: شالسالفه
بوعمر: ماكو سالفه ولا شي
يبه: اشلون ماكو سالفه وانت تقول حق عمي .... صار لي 17 سنه ناطر ومليت
بوعمر: عمور تكفه مو وقته الحين لما تكبر وتتزوج راح تعرف هالامور عدل الحين ما علينا تبي برد العربانه مالت البرد يمنا
عمر: لالالا يبه مابي شي بس خليتني افكر ب 17 سنه
بوعمر: ليش تفكر انت جم عمرك الحين وشوف احنا عندنا بيت لنا ولا ما عندنا راح تلقى الجواب
يبه: من صجك يعني انت ناطر بيتك من اول ما انولدت انا
بوعمر: ههههههههههه ضحكتني واحسب قبلها سنه قبل لا تجي يعني 18 اقول نروح بيت جدك نتغدى احسن

وهذا هو موضوع اليوم واتمنى اني كنت دقيق بالحوار اللي دار بيني وبين ولدي وبين المدير
واتمنالكم كل خير ومن كل قلبي والله يفتحها عليكم في بيوتكم دنيا واخره والقارئ يقول آمين*

 

[tmh]

بسم الله الرحمن الرحيم

شمعنى منع البدل ماصار الا على شمال غرب الصليبيخات اكيد هذا المسؤل الي ماعرفنا اسمه مايدري وين الله حاطه مع احترامي لك وبعدين ماكو شي رسمي طلع من وزارة الاسكان وحتى لو في معروف بالكويت كل يوم قانون يتغير يعني يمكن يمنعون اليوم وبعد شهر يوافقون . المهم اتمنى من الاخوان لا يأثر عليهم هالكلام والاشاعات (( طبعا مو منك لكن اشاعات وايد قاعد يحاولون يطيحون من قيمة المنطقه )) اتمنى من ملاك المنطقة ان ينتظرون لين يطلع شي رسمي
ولا يبيعون الحين علشان مايتحسفون.​

اخوي مفتش تجاري انت عنوان موضوعك تقول تم المنع رسميا وبعدين تقول مكالمة مع واحد شلون رسميا؟

 

[صقر3]

بس شمال غرب الصليبخات مافي تبديل شنو سبب سؤال لك يا مفتش تجاري خصوص انت عروقك في الماي وسلام علي الاخوان

 

[مفتش تجاري]

عفوا عزيزي انا ما قلت مكالمه انا قلت كنت قاعد عنده اليوم بالاسكان وملاحظه ثانيه انا مو من مروجي الاشاعات لو سمحت يعني واعتقد مشاركاتي كلها بالمنتدى توضح لك هالشي اتمنى عدم التسرع بالحكم واللي اخذ في شمال غرب الصليبيخات الله يهنيه فيها وبالاخير انت من وين جبت كلمة مكالمه
وعلى فكره ما همني اذا في بدل ولا ما في لاني مو من سكانها ولا لي ارض فيها ولا حبيت اني ابدل مع اي ارض موجوده فيها ولو بتلاحظ كلامي في البدايه سؤالي كان عن البيوت وليس الاراضي اتمنى وضحت لك الصوره يالغالي وللمره المليون الله يهني كل من صار له نصيب فيها او راح يصير له نصيب فيها
وشاكر لك مشاركتك واتقبلها بصدر اكثر من رحب وسعة بال *

 

[مفتش تجاري]

بس شمال غرب الصليبخات مافي تبديل شنو سبب سؤال لك يا مفتش تجاري خصوص انت عروقك في الماي وسلام علي الاخوان

هلا عزيزي سبب سؤالي موجود في نفس الموضوع وهو عن البيوت لا اكثر ولا اقل البيوت الحكوميه

 

[صقر3]

كلامك صح يا مفتش تجاري وكلام المدير صحيح مافي تبديل رسمي لما يتم انتهاء من البنيه تحتيه وتوقيع العقد مع بنك التسلف وتقبل مروري

 

[maax1]

مشكور مفتشنا الغالى على النقل
والله يخلى لك عمر ويجعلة من الذرية الصالحة

وربنا يسهل عليك وعلينا وعلى اخوانا فى ش غ الصليبيخات

 

[am7]

تكفا يمعود أسأله عن قسايم النسيم
متى يوزعونها
و هل هي توزيع أو مزاد ؟

 

[العوشز]

السلام عليكم
اليوم كنت عند مسؤل كبير في الاسكان وهو غني عن التعريف ويشغل منصب مدير اداره حساسه في الاسكان وهو صديق واكثر من اخ للامانه ويعتبر من احد افراد العائله وقد افادني بالتالي :

العوشز : السلام عليكم اخوي انت المدير اللي سألوك عن شمال غرب صليبخات وقلت مافي تبديل في هالمنطقة بالذات ؟
المدير : يعني انت من صجك وقفت على شمال غرب صليبخات ههههه ياخي حالهم حال غيرهم في احد ماله حق يبيع او يبدل ؟ شهالحجي ..
العوشز : بس في واحد ناشر خبر في مؤشر نت ويقول هالحجي صاير بينك وبينه وانت صديق العائلة .؟
المدير : ممكن اعرف شسمه ؟ وبعدين شالحكمة يعني نمنع التبديل فيها انت فكر فيها بعقلك وثانيا لو في خبر مثل هذا ينشر بالجرايد مو نقول لهذا الكلكجي .. ولو نبي نمنع التبديل الاولى ان نمنعها في صباح الاحمد لان الناس هناك تنطر البيع والتبديل وشمال غرب صليبخات افضل منطقة واكيد التبديل فيها بيكون بشكل محدود وقليل ..
العوشز : اسمحلي عيل انا استأذن واشوفك على خير .
المدير : حياك الله وسلم على صاحبكم الكلكجي وقوله لا يحاول يشوه صورة شمال غرب صليبخات الظاهر ماوصل دوره بالقرعة وراحت عليه .
العوشز : ههههههههه الظاهر
المدير : نشوفك على خير

 

[ليث متواضع]

من قريت الخبر اتصلت على واحد اعرفه موظف في الاسكان بقسم التوزيع ماني عارف بالظبط اي قسم المهم عنده المعلومه الاكيده قلتله شنو صار على التبديل في منطقة شمال غرب الصليبيخات يقولون وقفوه قالي اصلا مافي تحويل رسمي للذين يريدون البدل علشان يقولون وقفوه او ما وقفوه مافي تحويل رسمي من الاساس وقالي احتمال يخلون الناس تبدل اصحاب الطلبات بمنطقة شمال غرب الصليبيخات آخر السنه الحاليه او بداية السنه القادمه

 

[الجود الاول]

السلام عليكم
اليوم كنت عند مسؤل كبير في الاسكان وهو غني عن التعريف ويشغل منصب مدير اداره حساسه في الاسكان وهو صديق واكثر من اخ للامانه ويعتبر من احد افراد العائله وقد افادني بالتالي :

العوشز : السلام عليكم اخوي انت المدير اللي سألوك عن شمال غرب صليبخات وقلت مافي تبديل في هالمنطقة بالذات ؟
المدير : يعني انت من صجك وقفت على شمال غرب صليبخات ههههه ياخي حالهم حال غيرهم في احد ماله حق يبيع او يبدل ؟ شهالحجي ..
العوشز : بس في واحد ناشر خبر في مؤشر نت ويقول هالحجي صاير بينك وبينه وانت صديق العائلة .؟
المدير : ممكن اعرف شسمه ؟ وبعدين شالحكمة يعني نمنع التبديل فيها انت فكر فيها بعقلك وثانيا لو في خبر مثل هذا ينشر بالجرايد مو نقول لهذا الكلكجي .. ولو نبي نمنع التبديل الاولى ان نمنعها في صباح الاحمد لان الناس هناك تنطر البيع والتبديل وشمال غرب صليبخات افضل منطقة واكيد التبديل فيها بيكون بشكل محدود وقليل ..
العوشز : اسمحلي عيل انا استأذن واشوفك على خير .
المدير : حياك الله وسلم على صاحبكم الكلكجي وقوله لا يحاول يشوه صورة شمال غرب صليبخات الظاهر ماوصل دوره بالقرعة وراحت عليه .
العوشز : ههههههههه الظاهر
المدير : نشوفك على خير

ضحكت ضحك مع الربع بالديوانيه بعد قراءه تعليقك الجميل

عز الله داويته يالعوشز

ايوالله

قال مسؤول رفيع بالاسكان قال

يا مفتش

كثر لنا من هالنكت

ترى الجو حار ومحتجين ترفيه

موضوع طريف والله:d​

 

[الجلمود]

الله يعينك على اهل غرب الصليبيخات اهم واحد قال فيها ريحة وكلوه بقشوره هالمره تجيب خبر ينزل من اسعار المنطقه ----------- ياكلك حبه حبه ياكلك هم هم هم

 

[ودي اربح]

من قريت الخبر اتصلت على واحد اعرفه موظف في الاسكان بقسم التوزيع ماني عارف بالظبط اي قسم المهم عنده المعلومه الاكيده قلتله شنو صار على التبديل في منطقة شمال غرب الصليبيخات يقولون وقفوه قالي اصلا مافي تحويل رسمي للذين يريدون البدل علشان يقولون وقفوه او ما وقفوه مافي تحويل رسمي من الاساس وقالي احتمال يخلون الناس تبدل اصحاب الطلبات بمنطقة شمال غرب الصليبيخات آخر السنه الحاليه او بداية السنه القادمه

عدل كلامك ليث ما في تبديل اصلا بالمنطقة عشان جذيه التبادل يصير عن طريق محامى بس الظاهر المسؤل الكبير مو متاكد او مشتبه في شي او قصده شي ثانى عشان لا نظلمه وان شاء الله مفتش وخالد العليان يشرحون لنه

 

[كنز المعرفه]

البحث عن المال على حساب مصير اسرة بالكامل !
المفروض يوقفون البدل على الكل لأن ما يصير واحد يبدل ويآخذ فلوس ويبذرهم يمين وشمال ويترك اسرته تآخذ دور جديد لسنوات أطول .


ويا أخ مفتش تجاري لا تلتفت على المشاركات السلبيه ترا متعودين نشوفها من فترة لأخرى .​

 

[مفتش تجاري]

كل الشكر للاخوان اللي ذموني واقسم بالله العظيم اني فرحان من جميع الردود وبالذات من اخونا العوشز مع خالص شكري المتواضع لجميع من رد على الموضوع سواء برد سلبي او ايجابي ولاهل شمال غرب الصليبيخات سواء في بدل ولا ما في بدل لا داش بجيبي دينار ولا طالع من جيبي دينار وان حصل البدل على ارض الواقع ما اقول الا جمله وحده ومن كل قلبي الله يهني الشاري والله يهني البايع واللهم اجعل لهم منازلهم في اي مكان في ارضك منازل مباركه
برحمتك يا ارحم الراحمين اللهم آمين

 

[الجلمود]

كل الشكر للاخوان اللي ذموني واقسم بالله العظيم اني فرحان من جميع الردود وبالذات من اخونا العوشز مع خالص شكري المتواضع لجميع من رد على الموضوع سواء برد سلبي او ايجابي ولاهل شمال غرب الصليبيخات سواء في بدل ولا ما في بدل لا داش بجيبي دينار ولا طالع من جيبي دينار وان حصل البدل على ارض الواقع ما اقول الا جمله وحده ومن كل قلبي الله يهني الشاري والله يهني البايع واللهم اجعل لهم منازلهم في اي مكان في ارضك منازل مباركه
برحمتك يا ارحم الراحمين اللهم آمين

والله ياخوي مفتش الواحد صار يخاف يقول رايه بهالمنطقه بالذات من ردود اهلها القاسيه على اي احد يجيب طاريها بشين ياتمدحون منطقتنا يا نغلط عليكم شفيها لو كان رد الواحد ---------- اخوي معلومتك غير صحيحه وهذي الاسباب ------------ عالاقل يقنع الناس اللي ناطرة دور ان هالاكلام عاري عن الصحة وياهل غرب الصليبيخات انا اسف اني قلت رااي هذي اخر مرة ماعودها هههههههههه

 

[ابو غانم]

الغريب في موضوعك ان المدير ماكلمك عن بيوت الحكومه المتبقيه من مشروع شمال غرب الصليبخات وعددهم 396 بيت ولا جاب لهم طاري !!!!!!!!!!!!!

 

[مفتش تجاري]

الغريب في موضوعك ان المدير ماكلمك عن بيوت الحكومه المتبقيه من مشروع شمال غرب الصليبخات وعددهم 396 بيت ولا جاب لهم طاري !!!!!!!!!!!!!

من ضمن اللي راح تتوزع في شهر 9 القادم يعني من ضمن ال 8600 اللي بالخطه اللي اعلنو عنها الاسبوع اللي طاف

 

[AALL]

مشكور اخوي مفتش

وطنش تنتعش أخوي مفتش

 

[عقارى ولهان]

اخوى مفتش تجارى شكرا لك على الموضوع.............بس سؤال لو سمحت بيوت سعدالعبدالّلة ال800بيت هل هم مخصصين لهم ناس يطلبون اساميهم بالجرائد ...او يستدعون الطلبات القديمة امثال 94_95_96 اذا يريدون التخصيص فيها .............يعنى بالعربى انا طلبى 1994 ودى اسجل من جديد فى هاذى المنطقة يصير او لا وتقبل تحياتى​