تم الغاء البدل في ش غ الصليبيخات رسميآ من الاسكان

[المطبه]

شكرآ اخوي المطبه وتسلم على المرور الطيب

والشكر موصول لك أخوي مفتش تجاري
​

 

[اللمبى]

اخاف بايقين من رصيدك

والا بايقين حلالك

شاللى حارق خبزتك انت ؟

الله يوفقهم ويهنّيهم ويزيدهم من فضله

يبنى ويسكن والا يبنى ويبيع والا يبدّل

انت شكو

يحط اعلان يبى يبدّل انت شكو بالموضوع

تناشبه فى منطقته اللى قعد 18 سنه ينتظر

انت نوعيتك اخر عمرك مالغ الشنب وطاق جريمبه

وقاعد جدام بيتك وتسب كل واحد يمر صوبك

لا لك ربع ولا احد يبى يقعد يجابلك

الغريبه

أنك تقول بلاعين بيزه والله يرزقهم

شوفوا ياجماعه الحسد بصوره مشاركه شخص حسود

مليتوا البلد الله يفك الكويتيين من شرّكم

واخر شى يقول اللى يرد على تراه اهو بلاع البيزه

كانى رديت عليك

عرفتونى

<< بلاّع بيزه من الطراز الاصلى

استريييييييييح زين​

ظهر الاول كما قلت لكم السيد الجود الاول
ولن احاورك باسلوبك (طاق الشنب واناجر) وماعندى ربع ...ضحكتنى والله
دائما اللى عنده نقص او عقده بعتقد ان الكل مثله
وبالنسبه لموضوع البدل انت ناطر 18 سنه عشان تستقر وتسكن عيالك
حتى لو كان عندك بيت الوالد او غيره مو ناطر 18 سنه عشان تبيع شى ماتملكه ولا تعبت فيه واتنطر نفسك 10 سنوات زياده من اجل البيزه
واعتقد انك اذا كبرت تنادى على الخدامات والعيال ولا احد يرد عليك لانك اخذت حقهم فى السكن وبعته
على العموم انا اقول ياريت قانون ممنوع البدل الا بعد تشغيل الكهرباء يتطبق وبشوف مشاركاتك بعد القانون اذا تطبق
بانتظار المشارك الثانى بلاع البيزه واتوقعه الع00000000؟​

 

[مفتش تجاري]

السلام عليكم يااهل شمال غرب الصليبخات
الاخ مفتش تجارى ذكر معلومه وماقال غلط وردكم بالاستهزاء ليس فى محله
والكل يعلم ان اهل ش غ الصليبخات اغلبهم بلاعين بيزه عسى مايطلع اسمه الا حط اعلان للبدل مع دفع الفرق يعنى مايبى يسكن يبى فلوس
وهذا من حقه ولا ننكر ان 70% من اهل المنطقه عارضين اليدل يعنى شغله تجاريه بحته
واتمنى انه يمنع البدل الا تاريخ توصيل الكهرباء سوف نجد بلالعين البيزه يزابدون ويستصرخون الحكومه ويطالبون بالبدل واقراره والشمس ماتتغطى بغربال والكل يعرف ان اغلب اهل المنطقه لم ياخذوها للسكن بل للتجاره الله يرزقهم

والاخ مفتش تجارى نبش ماتحت الرماد وقال ما عنده فليس من حقكم التهكم عليه او الاستهزاء يابلاعين البيزه

ولمعرفه من هم المتاجرين انتظر الرد على مشاركتى ليعرفهم الكل
والسلام عليكم​

شكرآ اخوي اللمبي مع اني ماني عارف ليش الاعضاء ازعلو مني لكن هم ارد واقول الله يهني الكل على سعة صدره واشكر كل من شارك في الموضوع

 

[اللمبى]

شكرآ اخوي اللمبي مع اني ماني عارف ليش الاعضاء ازعلو مني لكن هم ارد واقول الله يهني الكل على سعة صدره واشكر كل من شارك في الموضوع

ازعلوا منك لانهم مايبون اى يناقشهم بموضوع البدل ويبون كل الامور من صالحهم

اخوى مفتش انت قلت معلومه ممكن صحيحه او غلط بس اللى يضايقنى 3 اعضاء دائما يعتقدون انهم صح والباقى غلط يفصلون على كيفهم واى واحد يعارض يعتبر حسود
انا حاليا فى باريس اسعار الاراضى ارخص من شمال غرب الصليبخات وما فى بلاعين بيزه بس شدنى موضوعك وحبيت اشارك مااحب احد يستهزئ وما يحترم رأى الغير​

 

[الجلمود]

الله يعينكم ياهل غرب الصلبيبيخات الاجاويد على جيرانكم اذا كانو من هالنوعية وربي ابيع بيتي برخص التراب ولا اصير جاره واخوي مفتش تجاري طول بالك عليهم ولاتلومهم من كثر الصدمه قامو يغلطون

 

[Fire MaN-]

شكرآ اخي فاير مان رجل الاطفاء المتخصص في العقار والسيناريو مالي مو احلى من السينريوهات مالتك في تجارة العقار والبدل والعين ما تعلى على الحاجب طال عمرك والحين منو فينا المؤلف

هلا وغلا مفتش تجارى 0000 انا يوم اقول سيناريو حلو والله وبالله ماقصدت الانتقاد والله شاهد على انا فعلا معجب بالصيغه لانى فعلا يوم اقراها قعدت اتخيل الموقف وشدتنى 00 وابديت اعجابى بالصيغه 00 وبالنسبه لاعتراضى على فكرة الموضوع فهذا رأيى وارجو انك تتقبله وانت اخو عزيز على وانت عارف هالشى وتقبل اعتذارى اذا اسأت فهمى 0000000 عموما تقبل مرورى وسلااااااااااااام خاص للجود الاول واتمناله يرب التوفيق _____الجود الاول يرب 3 ادوار وسرداب و3 شوارع وترتاااااااااح اللهم امين والله انك تستاهل ياخوى ________

 

[مفتش تجاري]

الله يعينكم ياهل غرب الصلبيبيخات الاجاويد على جيرانكم اذا كانو من هالنوعية وربي ابيع بيتي برخص التراب ولا اصير جاره واخوي مفتش تجاري طول بالك عليهم ولاتلومهم من كثر الصدمه قامو يغلطون

بالي وسيع ولله الحمد اخي الجلمود وماهي من عوايدي اني اغلط على الناس حتى لو غلطو في حقي بس المشكله اني انا ذكرت حوار دار بيني وبين المدير المعني في الموضوع ولحد الان ماني عارف ليش الموضوع انقلب الى حسد وانا خابر اللي يحسد الناس هذا انسان مو شايف خير بالمره لكن انا ولله الحمد وبفضل من الله ولد خير ونعمه وهذا كله بفضل رب العالمين وهم اردد واقول الله يهني اهل شمال غرب الصليبيخات في اراضيهم والله يطرح فيها البركه والله العظيم من كل قلبي هالدعوه

 

[مفتش تجاري]

ازعلوا منك لانهم مايبون اى يناقشهم بموضوع البدل ويبون كل الامور من صالحهم

اخوى مفتش انت قلت معلومه ممكن صحيحه او غلط بس اللى يضايقنى 3 اعضاء دائما يعتقدون انهم صح والباقى غلط يفصلون على كيفهم واى واحد يعارض يعتبر حسود
انا حاليا فى باريس اسعار الاراضى ارخص من شمال غرب الصليبخات وما فى بلاعين بيزه بس شدنى موضوعك وحبيت اشارك مااحب احد يستهزئ وما يحترم رأى الغير​

شكرا اخي العزيز اللمبي وتشرفني مشاركتك في الموضوع والله يردك بالسلامه لديرتك الكويت سالم غانم وتقبل شكري الجزيل

 

[مفتش تجاري]

هلا وغلا مفتش تجارى 0000 انا يوم اقول سيناريو حلو والله وبالله ماقصدت الانتقاد والله شاهد على انا فعلا معجب بالصيغه لانى فعلا يوم اقراها قعدت اتخيل الموقف وشدتنى 00 وابديت اعجابى بالصيغه 00 وبالنسبه لاعتراضى على فكرة الموضوع فهذا رأيى وارجو انك تتقبله وانت اخو عزيز على وانت عارف هالشى وتقبل اعتذارى اذا اسأت فهمى 0000000 عموما تقبل مرورى وسلااااااااااااام خاص للجود الاول واتمناله يرب التوفيق _____الجود الاول يرب 3 ادوار وسرداب و3 شوارع وترتاااااااااح اللهم امين والله انك تستاهل ياخوى ________

شكرآ لك اخي فاير مان على التوضيح وبالنهايه كلنا حبايب باذن الله تعالى

 

[صقر3]

يا شباب شفيكم عن الكلام الفاضي منطقة الله يهني اهلها فيها ولي مو عجبه يقول صبخه يقول كلها مجاري المهم انا بعرف مافي سوالف غير عن شمال غرب الصليبخات ليش شنو سبب فهد الاحمد مافي مناقشات عليها ولا جابر الاحمد ولا سعد العبدالله !!!!!!!!!!!!!!!!!!!

 

[ابو غانم]

ياشباب أتركوا المهاترات ودعونا نتكلم عن الامور الفنيه والأخبار التي تهمنا جميعا .

أخونا مفتش تجاري ماقصر وبيض الله وجهه جاب لنا معلومات ويشكر عليها .

أخوي مفتش تجاري أشكرك يالغالي ولكن هناك سؤال حيرني صراحه وحير اللي قرا موضوعك .

أنت تقول بانهم سوف يتم توزيع بيوت الحكومه غرب الصليبخات على المخطط قبل أنشائها .. ولكن السؤال هو : لم يتم من قبل توزيع بيوت حكومه على المخطط قبل الأنشاء .. مارأيك بالكلام هذا ؟؟؟

 

[الجود الاول]

بما ان المشرفين نايمين بالعسل عن وقاحه بعض الاعضاء

فأعتقد ان المؤشر نت سوف يكون منتدى للشتم وقلّه الادب

كما هو واضح للجميع​

 

[abo 3zoz]

من قريت الخبر اتصلت على واحد اعرفه موظف في الاسكان بقسم التوزيع ماني عارف بالظبط اي قسم المهم عنده المعلومه الاكيده قلتله شنو صار على التبديل في منطقة شمال غرب الصليبيخات يقولون وقفوه قالي اصلا مافي تحويل رسمي للذين يريدون البدل علشان يقولون وقفوه او ما وقفوه مافي تحويل رسمي من الاساس وقالي احتمال يخلون الناس تبدل اصحاب الطلبات بمنطقة شمال غرب الصليبيخات آخر السنه الحاليه او بداية السنه القادمه

السلام عليكم ورحمة الله وبركاته

اخواني كلام ليث متواضع مقارب لكلام مفتش تجاري يعني مافي تبديل
وليش بعض اخوان زعلانين ومخلين بو عمر مروج اشاعات ابو عمر الله يعطيه العافيه ماقال الا الصحيح فعلا التبديل في غرب صليبخات موقف

 

[المنظور الشامل]

يا حبايبي

لا يجوز التبديل على المخطط وهذا كلنا نعرفه الا عن طريق محامي وهذا غير مضمون أو عند التخصيص ودخول القرعه .

وبالنسبه للأسعار أقول اللهم أزرق أخوانا وأن شاء الله يصير سعر التبديل فوووق المليون .

ولما واحد يطلع له تخصيص أطلب وتددل

 

[BU ALI]

السلام عليكم :

شباب آنا بدلت عن طريق محامي مع واحد من الاخوان بشمال غرب صليبيخات

طبعا دفعت المبلغ بالكامل مقابل بعض الضمانات . طبعا آنا رحت الاسكان قبل لا يتم الاتفاق وسألت

هناك قالوا لي مافي بدل رسمي لانه الحين التوزيع على المخطط . بعد ما يتم التوزيع الرسمي

تقدر تبدل ....آنا قبل لا أدفع الفلوس سألت بدال الواحد عشرة وكلهم أكدوا ان التبديل شي مو

يديد على المؤسسة منهم من قال ان البدل موجود من السبعينات ولا يمكن يغيرون هذا . الكلام

على التبديل الغير رسمي , ان مو مضمون , ما تدري شنو يصير بالريال قبل

لا يبدل ..... ومن هذا

الكلام . عموما آنا أقدمت على هالعمل وكلي ثقة بالله . وعلى فكرة من
اسبوع ياني سعر أكثر من

الي دفعته ب 15 ألف دينار وبنفس الطريقة المبلغ بالكامل . عموما خلاصة الكلام يمكن الاخوان

صار عندهم لبس .... المقصود البدل الرسمي مافي . مو نهائي مافي بدل . الي عنده أدنى شك

يراجع المؤسسه . سامحونه على الاطالة .