تعاون لحرق صغار المستثمرين

[مليون دينار]

هل اللى يحصل هو تعاون التجار مع الحكومه لسحق صغار المستثمرين

 

[NEW حاكم السوق]

أهي بس حرق؟؟؟؟ ..... يالمليونير

 

[خير ان شاء الله]

اشهد انه تعاون امرتب وما يخرش الميه على جيذيه ما يرده الا عند كسر بل تحطييييم 6000 نقطه لا سمح الله.

الله يحط حيلهم بينهم ، انه عليم بالنوايا​

 

[Cozmo]

سوق الكويت للاوراق الماليه يا تعيش فيه كبير يا تموت فقير

 

[NEW حاكم السوق]

لاهاذي ولاذيج .... الرزقه وألأجل بيد الله سبحانه واحد أحد ... وهو على كل شيء قدير

 

[السيدةالانيقة]

اهي ابادة والا حرق بس...
​

 

[مضارب شجاع]

قبل فتره كان حسين عبد الرضا يتطنز على بعض الاسماء الكويتيه الانها داشه السوق !!!!
والحين مو بس الكويتيين حتى الوافدين دشوا السوق !!!!
على طاري الوافدين مره كنت فى السوق والا واحد هندي : قالي بابا وين السهم الفلاني كم سعره الحين وقلت له سعره
وقلت له انت وين تشتغل : قال انا اشتغل حلاق فى صالون فى سوق الكويت وفى زبون كله يحلق عندي وقال لى ليش مال تشترى اسهم وتربح الدبل !!! وراح المسكين الهندي واشترى اسهم بكل ما جمعه فى الكويت 3الاف دينار ومن بعدها السهم خسر خساره كبيره 90%
والحين الهندي صار له سنه متحسر الانه دش السوق .

وانتم تعرفون شلون التجار عينهم حاره وما يرتاحون اذا شافوا واحد قاعد يستفيد او ربحان
وما عندهم الا طريقة وحده هى سحق الفقاره والوافدين ويخلونهم يحرمون ما يدخلون سوق التجار .....
سوق الكويت الاوراق المالية ليس جمعية تعاونية او حساب الدانه فى بنك الخليج !
لابد لكل واحد ان يحسب حساب للخساره قبل الربح .

 

[NEW حاكم السوق]

تكسير ودمار وحرق وإباده وفناء ..... لننعم ببعض الهدوء والسكون! ونحاسب الذات ونحاسبهم!

مايضيع حق ... وراه مطالب ........

 

[مليونير بعد سنه]

اتمنى من الاخوان في المنتدى

ان يتابعون التوقيع

 

[مليون دينار]

بس ابي أعرف ليش التطبيل بالصحف والقنواة الفضائيه وخداع الناس بصفقه زين راح ترفع السوق الى مستويات عاليه

 

[Cozmo]

بس ابي أعرف ليش التطبيل بالصحف والقنواة الفضائيه وخداع الناس بصفقه زين راح ترفع السوق الى مستويات عاليه

لانه يا اخوي وصلنا لي مرحله نبي اي احد يجذب علينا بأي شي يرفع معنوياتنا قبل لا يرفع المؤشر والواقع يوم صار صدمنا طبعا
السوق محتاج اكبر واكثر من زين علشان يقوم على حيله

 

[مليونير بعد سنه]

المشكلة زيـــــــن

والمشكله الاكبر صاحب زيـــن

ومن صالح زيـــــــــن السوق مو زيـــن

والوضع كلش مو زيـــــــــن

وشاطر اللي يفهمني زيــــــن

تابعو التوقيع

 

[فنان999]

يا جماعه لا تلومون الشركات لابد ان ينزلون سعر الأسهم عشان يضاربون ويستفيدون بالفلس والنص فلس لأن في موظفين مبطلين حلوجهم يبون رواتب وكذلك ايجارات مقار الشركات
اذا ما يسون جذيه من وين يدفعون مستحقات الشركة من رواتب وايجارات
طبعا كل ذلك على حساب صغار المستثمرين الي يدخلون على عماها ويخسرون فلوسهم ومدخراتهم

 

[نبيه خضر]

نعم تعاون

 

[العتيبي72]

الله يحرق اللي يحرق صغار المستثمرين امين

 

[ابن عمير]

ما ضل بيها حرق ...

احترقنا من زمان عيني ...

 

[حوراء الكون]

حسبي الله ونعم الوكييييل

 

[الموجه]

هل اللى يحصل هو تعاون التجار مع الحكومه لسحق صغار المستثمرين

يا اخوى ترى فيه نقاط مشتركة ....... التجار والحكومه وضيف عليهم بعض اعضاء مجلس الامة ... (ما شاء الله ) يخافون على صغار المستثمرين .
حبيبى انظر لتاريخ شوف كثير من الوزراء واعضاء الامه السابقين بعد ما
يطلع من الحسبه وين يروح . تحصلهم رؤساء مجالس ادارات شركات
بالسوق .وهذا دليل على انهم كانوا يخافون على صغار المستثمرين .
بالنهايه كل الطرق تؤدى الى روما .​

 

[باناسونيك..]

إخواني : اقتصاد الكويت قوي وتأثره بالأزمه العالميه 2008 الى حد ما كان طفيف .
لكن سبب هبوط السوق هو تجارنا المحترمين!!!!! واحساسهم بأنهم راح يفقدون منجم الذهب هذا (سوق الأوراق الماليه)ولأن الحكومه ممثله بالبنك المركزي بدأت بسن قوانين وقرارت وإجراءات جديده لا تتماشى وأهواء هؤلاء التجار ولأن البنك المركزي أيضا بدأ بملاحقة بعض الشركات الوهميه والورقيه مما أدى الى الهلع والخوف وعدم الرضا من قبل التجار الأمر الذي انعكس سلبا على السوق عامدين متعمدين انزاله الى الحضيض , وأعتقد ايضا بأن التجار لن يهدئ لهم بال الى ان يعود الوضع كما كان بالسابق (قبل الأزمه2008) لكي يسرحو ويمرحو بالسوق من غير حسيب أو رقيب .

 

[مليون دينار]

إخواني : اقتصاد الكويت قوي وتأثره بالأزمه العالميه 2008 الى حد ما كان طفيف .
لكن سبب هبوط السوق هو تجارنا المحترمين!!!!! واحساسهم بأنهم راح يفقدون منجم الذهب هذا (سوق الأوراق الماليه)ولأن الحكومه ممثله بالبنك المركزي بدأت بسن قوانين وقرارت وإجراءات جديده لا تتماشى وأهواء هؤلاء التجار ولأن البنك المركزي أيضا بدأ بملاحقة بعض الشركات الوهميه والورقيه مما أدى الى الهلع والخوف وعدم الرضا من قبل التجار الأمر الذي انعكس سلبا على السوق عامدين متعمدين انزاله الى الحضيض , وأعتقد ايضا بأن التجار لن يهدئ لهم بال الى ان يعود الوضع كما كان بالسابق (قبل الأزمه2008) لكي يسرحو ويمرحو بالسوق من غير حسيب أو رقيب .

اذا البنك المركزي حط القوانين لملاحقة الشركات الوهميه ليش ما حط القوانين قبل نزول الاسهم

لا يكون البنك المركزي بالسابق ما يدري ان بالسوق شركات وهميه