عمولة المكاتب العقارية للبدل.......................

[am7]

انا عندي طلب و ابي ابدل ببيت حكومي أو قسيمه

سألت أحد الأعضاء يعرض بيوت حكومية و أراضي للبدل مع طلبات
سألته عن العمولة و قال : " عمولة البدل معرفه وما يحتاج اتكلم عنها "

مع أنني ما طلبت منه أن يتكلم , فقط يقول كم العمولة يعني هي مو كلام هي رقم يقوله فقط

و اللي يسمعه يقول حنا يالكويتيين نبدل بيوتنا كل 3 شهور و لهالدرجه عمولة البدل معروفه عندنا

يا ليت تعلمونا ياخوان كم عمولة البدل , و اذا يشارك معانا دلالين العقار و أصحاب المكاتب أفضل علشان نعرف أرخص واحد فيهم و نتعامل معاه

انا ولد عمي اشترى بيت ب 130 الف دينار و كانت العموله 1300 دينار يعني أخذوا منه 1%
اذا بدل طلب ببيت ما يتعدى 25 الف كم تكون العموله ؟

 

[Fire MaN-]

يعطيك العافيه اخوى 000 بالنسبه لعمولة الشراء والبيع 1 فى الميه

والبدل عمولته 500 دينار من كل طرف ____حتى لو كان البدل بدون اى مبلغ

طبعا فى كلا الحالتين شرط يكون البيع او البدل عن طريق الدلال
يعنى اهو اللى جايبلك البدل او البيع

اما اذا كان البيع انت ورفيجك او انت اللى جايب البيت وتبى تسجله بيع او بدل

فهذى متروكه لك يعنى انت واتفاقك مع الدلال اللى بيسجلك 0مافى رقم معين انت واتفاقك معاه __________

 

[سهم استراتيجى]

اخوي كلمني واحد محترم وحط تحتها خط ..

صاحب مكتب بالفروانية البدل كان بمبلغ 10000 والعمولة عليك

قلت كم العمولة اخوي

قال 1% ثابتة والبيت سعرة بحدود الستين الف او 62

تشوف هالاجودي يعني 600 دينار قلتلة نزلها قال حاضر عمولة المكتب 400 دينار

مع العلم انة هو اللي داق علي وهو وسيط بينا يعني العرض عندة

 

[ابومحمد75]

انا توني مبدل طلبي مع ارض وكانت عمولة المكتب الف دينار على المشتري

او 500 دينار من كل طرف في حالة التراضي