هل يمكن رفع شكوى بالمحكمة على وزارة الشؤون لاتخاذ اجراءات خطأ بتحويل عامل و تهريبة

التسجيل
24 ديسمبر 2009
المشاركات
437
السلام عليكم

هل يمكن رفع شكوى بالمحكمة على وزارة الشؤون لاتخاذ اجراءات خطأ بتحويل عامل و تهريبة

القصه بختصار ونرجوا الانتباه من المختصين

بتاريخ 26-4-2009
عملنا اقامه لعامل ايراني الجنسية لكي نقوم بتاسيس مطعم
وبالفعل عملنا الاقامه للايراني وشرينا المطعم

اكتشفنا بعدها ان الايراني يضحك علينا يبي يضمن الاقامه والتحويل من كفيله القديم فقط لاغير

بالفعل
بتاريخ 9-5-2009 خرج وهرب بره الكويت

وقام يدخل ويطلع يدخل ويطلع بالشهر مرتين تقريبا ما ندري شنو يبيع شنو يتاجر ييب مخدرات حشيش من ايران ما يندرى عنه

وكل ما نبي نسويله تغيب نلاقيه بره الكويت والشؤون تقول مايصير لما يرجع سويله

وتم على هالحال لغايه ما قربت تنتهي اقامته بتاريخ 11-4-2010 دخل الكويت وما قدر يطلع بعدها لان اقامته بتنتهي ولازم ينصب على واحد ثاني ويحول اقامه ويسوي معاه مثل الموال

المهم اهو دخل 11-4-2010 احنا سوينا اخطار تغيب بالشؤون بتاريخ 13-4-2010 وجت الشؤون وكشفت بالشركة والافرع ما لقت العامل وسجلوا افادتهم

المهم بعد ما رحنا نبي نكمل اجرائات التغيب بقت على ورقه الداخليه فقط على شان نسوي عليه ضبط واحضار

قالت الموظفه ان العامل مسوي شكوى تحويل اقامه

حضرنا وحضر العامل
المحقق كل ما يساله سؤال مايعرف يرد
جم راتبك ؟ ما ادري
جم يوم اشتغلت ؟ ما ادري
وين داومت ؟ ما ادري

يعني بالعربي مافي علاقه عمل ومتهرب العامل من بعد ما دقينا له اقامه وبرنت المنافذ يثبت هالشي دخول وخروج

وبالرغم ان احنا الاول مسوين اخطار تغيب طقوا هذا بعرض الحائط وقبلوا الشكوى مالته وطلعوا قرار ان يحول!!! شي عجيب والله ( وين الكلام الي تقولون عنه بتحاربون العماله السايبه بالبلد )؟؟

المهم رحنا سوينا تظلم وبعدها اخذنا وقف اجراءات التحويل هذا كان بتاريخ 9-5-2010 والمفروض ما يعطونه تحويل إلا لما يخلص التظلم

قام المراقب وعطاه تحويل ضارب بعرض الحائط كتاب وقف الاجراءات ووقعله لا مانع من التحويل بتاريخ 13-5-2010 !!! شي عجيب شهالتجاوزات؟

بعد ما رحنا له وقلناله شلون جذي قال والله انا غلطت تبون تشتكون روحوا حق مديري

رحنا حق مديره طبعا يداوم بس ساعتين باليوم من 9 الى 11 ويطلع

على ما صدناه دخلنا عليه قعد يصفح بالاوراق قال اجراء غير قانوني وتجاوزات كثيره وحسينا ان بينصفنا ويرجع حقنا

المهم بعد ما سوو لجنه ونفسيه المحققات وكله شغلهم مو مضبوط والف موعد يعطونا وبعدين يضربونا بالطوفه وياجلون الموعد وطلعو روحنا

اخر شي القرار الى خذوه ( يعتمد الراي القديم )؟

الان التجاوزات واضحة وابي رايكم
علما باننا وضحنا ان نبي من العامل فلوس وخساير المطعم وغيره ومع هذا تعمدوا تهريب العامل على شركة اخرى وهو الان سيحول ويطلع خارج البلاد!!!

وكل هذا الجواز عندنا وبطاقته المدنيه عندنا بعرف شلون تعرفوا على هويه العامل وسوله كل شغله؟

لا ما هو تاجر مخدرات غذر جان ماتعاونوا معاه جذي لان يشتغل مع عمك وخالك ( واللبيب بالاشاره يفهم ) ومن غيره ما يتم الشغل

الان مالحل نبي نرفع قضيه نرفع على منو بالضبط وما هو المسمى وشنو الاجراءات؟

الرجاء الرد الان من المختصين
 

فريح الكوح

عضو نشط
التسجيل
7 يونيو 2010
المشاركات
355
الإقامة
94004040
برأيي ـ لو تحب ، فيه حل من خطوتين :

1 - تقدرون ترفعون دعوى تعويض على الوزارة تاسيسا على مبدأ "مسؤلية المتبوع عن اعمال التابع الضارة..." .

2 - و اتقدمون شكوى بالموضوع كامل مثل ماشرحته للنائب العام - فيه شبة رشوه و تنفيع بالاضافة للاتجار (الظاهر انك اتعرف شغل الجمارك عدل) ..

وبالتوفيق
.
.
 
التسجيل
24 ديسمبر 2009
المشاركات
437
برأيي ـ لو تحب ، فيه حل من خطوتين :

1 - تقدرون ترفعون دعوى تعويض على الوزارة تاسيسا على مبدأ "مسؤلية المتبوع عن اعمال التابع الضارة..." .

2 - و اتقدمون شكوى بالموضوع كامل مثل ماشرحته للنائب العام - فيه شبة رشوه و تنفيع بالاضافة للاتجار (الظاهر انك اتعرف شغل الجمارك عدل) ..

وبالتوفيق
.
.


كلام جميل

نبي نعرف باقي اراء الاخوان المختصين...
 

الحـــوت

موقوف
التسجيل
3 أكتوبر 2007
المشاركات
174
اخوي بعطيك رأيي من الواقع الحاصل في الشؤون وخصوصا العماله وهذا حسب احتكاكي فيهم مباشرة ومعرفة كل الحاصل بالواقع:
السموحه بكون محايد وواقعي
معروف عن اللجان والمنازعات والمحاكم والقضاة النزاهة وهذا بواقع تجربتي معاهم بواقع عملي (..)
من كثر مامر عليهم كفلاء البعض منهم وليس الكل طبعا بأنهم يحلفون على القرأن بأنهم اعطوا الموظف المشتكي راتبه وهم لم يعطوه وقاموا بتزوير توقيع الموظف وقاموا بتزوير توقيعه على انه اخذ قرض حسن من الشركة وتغيب عن العمل وذلك لينالوا منه ويقوموا بتسفيره لأنه لم يرضى بالعمل من غير اجر ومقابل وارادوا احتكاره من غير مقابل او وجه حق. ولوجود بالاصل قانون العمل يظلم فيه العامل ويسلط الكفيل على المكفول ويستعبده فلديهم خلفية بواقع الأمر ويقومون بمعظم الأحوال بالحكم لصالح العامل وليس لصالح رب العمل. وهذا على لسان اكبر المسؤولين من غير ذكر اسماء.
اخوي وكل امرك لله واذا كان لك حق راح تاخذه ولو بعد حين وربك دايما مع المظلوم واكيد ربك راح ياخذ حقك منه ويطيحه بشر اعماله
 
التسجيل
24 ديسمبر 2009
المشاركات
437
اخوي بعطيك رأيي من الواقع الحاصل في الشؤون وخصوصا العماله وهذا حسب احتكاكي فيهم مباشرة ومعرفة كل الحاصل بالواقع:
السموحه بكون محايد وواقعي
معروف عن اللجان والمنازعات والمحاكم والقضاة النزاهة وهذا بواقع تجربتي معاهم بواقع عملي (..)
من كثر مامر عليهم كفلاء البعض منهم وليس الكل طبعا بأنهم يحلفون على القرأن بأنهم اعطوا الموظف المشتكي راتبه وهم لم يعطوه وقاموا بتزوير توقيع الموظف وقاموا بتزوير توقيعه على انه اخذ قرض حسن من الشركة وتغيب عن العمل وذلك لينالوا منه ويقوموا بتسفيره لأنه لم يرضى بالعمل من غير اجر ومقابل وارادوا احتكاره من غير مقابل او وجه حق. ولوجود بالاصل قانون العمل يظلم فيه العامل ويسلط الكفيل على المكفول ويستعبده فلديهم خلفية بواقع الأمر ويقومون بمعظم الأحوال بالحكم لصالح العامل وليس لصالح رب العمل. وهذا على لسان اكبر المسؤولين من غير ذكر اسماء.
اخوي وكل امرك لله واذا كان لك حق راح تاخذه ولو بعد حين وربك دايما مع المظلوم واكيد ربك راح ياخذ حقك منه ويطيحه بشر اعماله

والله يا اخوي ان شاء الله حقنا مايضيع وعندنا مستندات تفيد تجاوزات الشؤون في هذا الخصوص ولازم يكون في قانون المساله صايره بالكيف وهذا مرفوض طبعاً

شكرا لرايك ونشوف راي اخر من المختصين ...
 

fayoona74

مستشار قانوني
التسجيل
31 يناير 2009
المشاركات
2,071
الإقامة
الكويت
رايي المتواضع انك تقدر تنازع الوزارة بالمحكمة بوجود خطأ من جانبها وتقدر تطلب تعويض لكن احنا سمعنا من طرف واحد اللي اهو انت ويمكن الوزارة امام القضاء لها استنادات قانونية بتصرفاتها باعتبارها مالكة السطلة التقديرية باصدار القرارات الادارية الخاصة بالعامل من قبول شكواه وغيرها بشرط عدم التعسف باستخدام السلطة
باختصار مافي شي يمنع انك ترفع دعوى ادارية ضد الوزارة بطلب الغاء قراراتها الادارية الصادرة بشأن العامل مع طلب تعويض عن اصدارها قرارات ادارية تعسفية مؤداها الاضرار فيك ماديا ومعنويا لكن تقدير الموضوع يرجع للقضاء في ضوء دفاع الوزارة
 
التسجيل
24 ديسمبر 2009
المشاركات
437
رايي المتواضع انك تقدر تنازع الوزارة بالمحكمة بوجود خطأ من جانبها وتقدر تطلب تعويض لكن احنا سمعنا من طرف واحد اللي اهو انت ويمكن الوزارة امام القضاء لها استنادات قانونية بتصرفاتها باعتبارها مالكة السطلة التقديرية باصدار القرارات الادارية الخاصة بالعامل من قبول شكواه وغيرها بشرط عدم التعسف باستخدام السلطة
باختصار مافي شي يمنع انك ترفع دعوى ادارية ضد الوزارة بطلب الغاء قراراتها الادارية الصادرة بشأن العامل مع طلب تعويض عن اصدارها قرارات ادارية تعسفية مؤداها الاضرار فيك ماديا ومعنويا لكن تقدير الموضوع يرجع للقضاء في ضوء دفاع الوزارة

كلامج مريح للغايه

طيب ماهي خطوات رفع الدعوه؟
وهل نرفع على الوزاره فقط ام ندمج متخذي القرارات الخطأ؟
باي مكان وباي قسم وشنو المسمى الى نرفعه وشنو نجهز

نبي نعرف رايج كمستشاره بهالمنتدى
 

fayoona74

مستشار قانوني
التسجيل
31 يناير 2009
المشاركات
2,071
الإقامة
الكويت
اولا تبدأ برفع تظلم للوزارة باسم الوكيل او الوزير يمكن يسوولك شي لان وايد في امور تنحل وديا مع الوزارة و اذا ماكو فايدة تروح للمحكمة الادارية بقصر العدل وتباشر اجراءات رفع الدعوى باعلان الفتوى والتشريع مختصما وزارة الشئون الاجتماعية والعمل وتودع صحيفة مع حافظة مستنداتها وتبدي الجلسات والطابع 10 دنانير رخيص :)
بالنسبة انك تختصم الاشخاص اظن صعبة لانهم موظفين عموميين يمثلون وزارتهم اساسا اسهل لك انك تختصم حكومة وسلامتك
 
التسجيل
24 ديسمبر 2009
المشاركات
437
اولا تبدأ برفع تظلم للوزارة باسم الوكيل او الوزير يمكن يسوولك شي لان وايد في امور تنحل وديا مع الوزارة و اذا ماكو فايدة تروح للمحكمة الادارية بقصر العدل وتباشر اجراءات رفع الدعوى باعلان الفتوى والتشريع مختصما وزارة الشئون الاجتماعية والعمل وتودع صحيفة مع حافظة مستنداتها وتبدي الجلسات والطابع 10 دنانير رخيص :)
بالنسبة انك تختصم الاشخاص اظن صعبة لانهم موظفين عموميين يمثلون وزارتهم اساسا اسهل لك انك تختصم حكومة وسلامتك

الله يسلمج من كل شر

انا سويت تظلم لكن كان قرار اللجنه الى كانت عند وكيل الوزارة ( يعتمد راي الوحده )

المشكله ان راي الوحده كله غلط بغلط العامل مثلا مجذب قايل ان المدير العام يصير لي فتعاطفوا معاه وقالو ان المدير بينتقم منه لانه يصير له

شهالحجي وباي اساس وباي دليل والشؤون شكو بهالامور اهي تطبق قانون عندنا - كل واحد نروح له يقولون مافي شي اسمه قانون بالشؤون!!! كل واحد على كيفه هذا كلام بالله

خطا كبير بعد كاتبين ان اجتاز المده القانونيه وهي ال 3 سنوات وهو ما كمل سنه عندنا !!! تجاوزات بالجمله ما ادري شالقصه ما كو الا كما قلت هذا مستفيدين منه مثل ما وضحت

طيب اختي الكريمه هل تقدرين توفرين القوانين الى ناخذ منها ونرجع لها
متى يحق لهم يحولون عامل وشنو الشروط

وهل نرفع شكوى مستعجله او شكوى عادية
واذا بدت الجلسه تكون بعد العطله القضائية؟
وشكثر تطول؟ جم جلسه تقريبا؟
وهل المحكمه تصدر قرار بإرجاع العامل على اقامتنا مره اخرى بعد ما حصل على اقامه بره؟
هل بعد ما تدين المحكمه افعال الشؤون يحق لنا بالمطالبه بالتعويض ؟ وكم يكون برايك حجم التعويض كحد اقصى برايك؟

اسف على طرح الكثير من الاسئله لكن لم نطرحها إلا وكلنا ثقه بان نتلقى اجابه وافيه شافيه من حضرتج

وشكرا لج مره اخرى
 

fayoona74

مستشار قانوني
التسجيل
31 يناير 2009
المشاركات
2,071
الإقامة
الكويت
بالنسبة لقوانين الشئون ماعندي ولا اعرفها واذ
ا كنت مقتنع ان في خطأ وقادر انك تثبته ارفع دعوى عادية ( برايي المستعجل ماينطبق على حالتك الا اذا كان في شق مستعجل) واكيد اذا المحكمة الغت القرار الاداري يحق لك تطالب بتعويض وقيمته محد يقدر يحددها لان حسب تقدير القاضي في ضوء حجم الاضر ار اللي لحقتك و بالغاء القرار يرجع الحال الى ماكان عليه ويرجع العامل على اقامتكم
 
التسجيل
24 ديسمبر 2009
المشاركات
437
بالنسبة لقوانين الشئون ماعندي ولا اعرفها واذ
ا كنت مقتنع ان في خطأ وقادر انك تثبته ارفع دعوى عادية ( برايي المستعجل ماينطبق على حالتك الا اذا كان في شق مستعجل) واكيد اذا المحكمة الغت القرار الاداري يحق لك تطالب بتعويض وقيمته محد يقدر يحددها لان حسب تقدير القاضي في ضوء حجم الاضر ار اللي لحقتك و بالغاء القرار يرجع الحال الى ماكان عليه ويرجع العامل على اقامتكم

بارك الله فيج يا فيونه
 
التسجيل
24 ديسمبر 2009
المشاركات
437
سؤال وجيه للاخوان المختصين

كم تاخذ وقت الاجراءات كلها لحين الحصول على حكم يوقف قرار الشؤون بتحويل العامل؟

للعمل العامل الان عمل اقامه على كفيله الجديد لمده سنتين

هل نقدر نرجع العامل على شركتنا؟
 
التسجيل
24 ديسمبر 2009
المشاركات
437
للرفع ... سبحان الله وبحده بعدد الحركه والسكون الى يوم يبعثون
 

فريح الكوح

عضو نشط
التسجيل
7 يونيو 2010
المشاركات
355
الإقامة
94004040
تقدر ترفع دعوى اداري بالغاء قرار الشؤون ، تظلم منه اول شي عند الوكيل وبعد ستين 60 يوم ارفع دعوى الالغاء واطلب في شق مستعجل وقفه

واطلب التعويض اللي تشوفه مناسب للضرر اللي اصابك .

والله اعلم .
 

fayoona74

مستشار قانوني
التسجيل
31 يناير 2009
المشاركات
2,071
الإقامة
الكويت
ارجح ان القضية اقل شي تاخذ مو اقل من سنة
 

قناص_السوق

عضو نشط
التسجيل
8 يناير 2009
المشاركات
1,348
مستثمر حر شوف الخاص :)
 
التسجيل
24 ديسمبر 2009
المشاركات
437
ارجح ان القضية اقل شي تاخذ مو اقل من سنة

اوكي مو مشكله الوقت لكن هالتعويض يكون يسوى مراكض سنه ولا يطلع الف ولا الفين
 
التسجيل
24 ديسمبر 2009
المشاركات
437
أعلى