الاسكانية تعترف:200%نسبة الزيادة الخيالية وسببت عزوفا عن شراء الاراضي

[مفتش تجاري]

اخي العليان واخي المفتش
عسا الله يديم المحبة وأنسجام الآراء بينكم
وانشا الله ربي يرزقك البيوت الشيوخ

الله يسلمك مهندسنا ومشكور على الدعوه الحلوه والله يكثر من امثالك

 

[خالد العليان]

اخي العليان واخي المفتش
عسا الله يديم المحبة وأنسجام الآراء بينكم
وانشا الله ربي يرزقك البيوت الشيوخ

مشكور يالمهندس...
يارب كل الكويتين يحصلون البيت اللي يبونه...
ويكافينا شر اللي بالي بالك..

 

[الجلمود]

يستاهل الرفع

 

[خالد العليان]

يستاهل الرفع

على راسي يالجلمود...

 

[أبرك الساعات]

شهالمواضيع القويه مانبي نشتري اصلاً هوونا

 

[خالد العليان]

شهالمواضيع القويه مانبي نشتري اصلاً هوونا

هلا بشيخ الشباب ابرك الساعات...
انشالله تشتري اللي بالك..متى ماصارت الاسعار منطقية..
الحين الناس كلها مهونة من الشراء موبس انت يالحبيب..

 

[الجلمود]

شهالمواضيع القويه مانبي نشتري اصلاً هوونا

في التاني السلامه

 

[أبرك الساعات]

في التاني السلامه

الموضوع مو موضوع تأني...الموضوع اسمه جنون الاسعار. أقعد اجمع طول عمري واخذلي بيت سد لد ومافيه من المميزات شي...ليش؟ انطر دوري واخذ مع جيلي وابنيها شغل عدل مدل....الحين صباح الاحمد واصل عليها الطلب لي دفعة 2002 ان ما خاب ظني...يعني اللي متزوج بسنة 2002 قعد 8 سنين على ما وصل له البيت....بالنسبه لي راح الكثير وما بقى الا القليل وانا اعتقد الواحد يقزرها بهال8 سنين بأجار لما يطلع له بيت ويحط فلوسه اللي محوشهم فيه ابرك له من شراء بيت مايسوى او ياخذله ارض بمنطقه لايسكن فيها سوى الاشباح او جاليات الشركات الاجنبيه او الجيش الامريكي بالمستقبل والقليل من المواطنين اللي راح يتعبون بما يقارب ال10 سنوات بهالمنطقه...وخير دليل لمناطق شرق القرين الثلاثه....تكفون شوفوا العقيله قبل لا تشترون وشوفوا الخدمات اللي فيها وشوفوا شكثر جاليات فيها وشوفوا شكثر اراضي فاضيه فيها وشوفوا اضائتها وشوارعها وتخطيطهم والله ما تقول انك بالكويت. مع العلم بأن العقيله تمتاز عن شرق القرين بأن نسبة كبيره من اراضيها انباعت بأسعار منطقيه وانا اعرفلي اثنين شارين ارضين على الشارع العام بسعر لا يتجاوز ال60 الف وان ما خاب ظني 54 الف. يعني لو العقيله بدأت تباع بنفس اسعار شرق القرين أتوقع جان 50% من بيوتها لا تزال اراضي الى يومنا هذا.
وأتحدى الدلالوه برفع اسعار الاراضي اكثر فأكثر...حتى نشوفهم بقناة العربيه والجزيره مصابين بفايروس مرض ارتفاع الاسعار

 

[life-enginer]

جزاكم الله خير

 

[خالد العليان]

الموضوع مو موضوع تأني...الموضوع اسمه جنون الاسعار. أقعد اجمع طول عمري واخذلي بيت سد لد ومافيه من المميزات شي...ليش؟ انطر دوري واخذ مع جيلي وابنيها شغل عدل مدل....الحين صباح الاحمد واصل عليها الطلب لي دفعة 2002 ان ما خاب ظني...يعني اللي متزوج بسنة 2002 قعد 8 سنين على ما وصل له البيت....بالنسبه لي راح الكثير وما بقى الا القليل وانا اعتقد الواحد يقزرها بهال8 سنين بأجار لما يطلع له بيت ويحط فلوسه اللي محوشهم فيه ابرك له من شراء بيت مايسوى او ياخذله ارض بمنطقه لايسكن فيها سوى الاشباح او جاليات الشركات الاجنبيه او الجيش الامريكي بالمستقبل والقليل من المواطنين اللي راح يتعبون بما يقارب ال10 سنوات بهالمنطقه...وخير دليل لمناطق شرق القرين الثلاثه....تكفون شوفوا العقيله قبل لا تشترون وشوفوا الخدمات اللي فيها وشوفوا شكثر جاليات فيها وشوفوا شكثر اراضي فاضيه فيها وشوفوا اضائتها وشوارعها وتخطيطهم والله ما تقول انك بالكويت. مع العلم بأن العقيله تمتاز عن شرق القرين بأن نسبة كبيره من اراضيها انباعت بأسعار منطقيه وانا اعرفلي اثنين شارين ارضين على الشارع العام بسعر لا يتجاوز ال60 الف وان ما خاب ظني 54 الف. يعني لو العقيله بدأت تباع بنفس اسعار شرق القرين أتوقع جان 50% من بيوتها لا تزال اراضي الى يومنا هذا.
وأتحدى الدلالوه برفع اسعار الاراضي اكثر فأكثر...حتى نشوفهم بقناة العربيه والجزيره مصابين بفايروس مرض ارتفاع الاسعار

معاك100%

 

[بو عمر77]

مواضيعك ومشاركاتك قيمة أخي الكريم ( خالد العليان ) ، جزاك الله خير وإن شاء الله في ميزان حسناتك ، والله يرزق الجميع ويكـفينا شر الحاسدين .

 

[خالد العليان]

مواضيعك ومشاركاتك قيمة أخي الكريم ( خالد العليان ) ، جزاك الله خير وإن شاء الله في ميزان حسناتك ، والله يرزق الجميع ويكـفينا شر الحاسدين .

على راسي...بوعمر77
اخوي انت راعي الاوله...حملة خلوها تبور...ادت اللي عليها..وكفت ووفت..
ياأخي...جهة رسمية مثل الهيئة العامة لشؤون الاسكان...قالت بالحرف الواحد:ارتفاع العقار في الكويت وصل الى 200% وان الموطنين اصبح لديهم عزووووفا من الشراء...الامر الذي تسبب بارتفاع نسبة المنتظرين للطلب الحكومي الاسكاني...
يعني بعد الاعتراف هذا اروح واشتري...
وبعدين عندي صديقة من ايام الجامعة تشتغل بمنصب بالاسكان ...رحت اسلم عليها من فترة وقلتلها انصحيني...قالت هالكلام والله علي شهيد قالت:ياخالد حرام عليك الدولة قاعدة تعطيك بيت تقريبا ببلاش...والاراضي على 600متر...وقسط شهري بدون فوائد مايتعدى 100دينار...شلي جابرك توهق عمرك وتقعد تقاسط طول عمرك انت والمدام...وقالتلي انا اللي شغالة بالاسكان متفقة مع زوجي ننطر بيت الحكومة...
و فعلا احنا الكويتين غريبين...الدولة موفرة العلاج ببلاش ونروح نشترك بالتامين الصحي...وانا واحد من الناس..وموفرة المدارس ببلاش وندخل عيالنا مدارس خاصة..والدولة موفرة التعليم الجامعي ببلاش ونروح نكمل الدراسة في بريطانيا او فرنسا وندفع الاف مؤلفة..
وهم الدولة موفرة لنا سكن بسعر معقول...نروح نشتري على حسابنا بمبالغ خيالية...ليييييييييش؟؟؟؟؟
شكرا بوعمر

 

[engineer76]

والله يا خوي خالد
اذا شاركنا قلت الجماعه فاضيين وماعندهم شغله غير النت
واذا الكلام كان ضد اراءك اتهمتنا انننا جماعات منضمه تهدف
الى ارتفاع اسعار العقار
لكن اللي ايده بالماي مومثل اللي ايده بالنار
زميلتك المحترمه انصحتك وجزاها الله خير
لكن يبقى السؤال هل الكلام اللي تفضلة فيه الزميله صحيح ام خطاء؟
الاسكان والتعليم والصحه مجانا....................................صح 100%
بالنسبه للأسكان الدولة ملزومه توفرلك سكن مناسب لك ولأسرتك بالمجان
لكن مدة الانتضار والمكان اي المنطقة هذا غير معلوم
بالنسبة للتعليم الله يستر على عيالنا المدارس متفشي فيها ضاهرة الغش
التسيب في الادارة عدم الالتزام بالمناهج واللي ابلا من هذا الواسطة , يعني بنت المراسلة اللي بيدها كشف حضور وغياب المدرسات طالعة الاولى على المدرسة
بالنسبة للصحة .........لا تعليق
بالرجوع الى موضوع السكن المجاني , اقعد 11 سنة انتظار وبعدين يقوللك طالبينك الاسكان بمنطقة صباح الاحمد اللي راح تستلم على المخطط وبعد 2 سنه تستلم رسمي وتقعد 3 سنين تبني وبعد 2 سنة على ما توصل الخدمات يعني يبيلك اجمالي 20 سنة بعد الزواج على ماتحصل سكن لا وبمنطقة بعيدة ومقطوعة , يعني ولدك عمرة حوالي 18 سنة لا ويمكن متزوج بعد .
هذا حجي اخوي خالد
مع اطيب التمنيات

 

[المهندس حسين]

الفرص تمر مر السحاب والحصيف من يقتنصها

وسلامتكم

 

[الحريه وطن]

انتم عايشين بالكويت ولا برا

يبا الاراضي ماراح ترخص والعقار كذلك

تنتظر طلب 30 سنه علي مايحوشك البيت ولا ورثتك وتقولون الارضي بترخص وعزوف عن الشراء
ياجماعه مدام هذي حكومتنا لاتنميه ولا شي
اذا الكهرباء ماحلوها من 5 سنوات قطع مبرمج تبونهم يوفرون لكم بيوت
الطلبات شقحت ال90 الف

ادري الحقيقه مره لكنها افضل من الاحلام

 

[خالد العليان]

لاحول ولاقوة الا بالله العلي العظيم...
ياجماعة في مواضيع تخليك تحتار...ودك تعرف شنو يبون يوصلون له..ماتعرف؟

 

[خالد العليان]

الفرص تمر مر السحاب والحصيف من يقتنصها

وسلامتكم

مهندسنا كلامك صح مية بالمية...
بس في آية كريمة تقول
(ولا تلقوا بأيديكم إلى التهلكة...)

ولازم الواحد يفرق بين الفرصة وبين التهلكة...والمغامرة في بعض الاحيان قد تتحول الى كارثة..لذلك فان التريث وعدم الاستعجال قد ينقذ الحياة احيانا...
شكرا

 

[SA7AB]

يستاهل الرفع

 

[مشعل الطاهر]

بيت التمويل هوالسبب يرفع اسعار السكني بشكل مصطنع
لان نظام الاجاره اللذي يطبقه بيت التمويل وهو عباره عن تاجير مبالغ ماليه بفائده اخر السنه للتجاره بالسكن الخاص ساعد مجاميع عقاريه علي المضاربه في السكن الخاص ورفع اسعارها بشكل كبير ومصطنع وهذا النظام كان للقطاع العقاري الاستثماري والتجاري ولايجوز تطبيقه علي السكني لانه يساعد علي المضاربه بالعقارلان السكن كرامه الانسان...
ان بيت التمويل سبب رئيسي بصعود الاسعار بشكل كبير

 

[خالد العليان]

يستاهل الرفع

على راسي يالحبيب...sa7ab