اسعار قسايم جابر الاحمد a5

[المبرمج]

السلام عليكم ورحمة الله

يعطيكم العافيه اخواني الكرام :

اتمنى من الاخوان اللي عندهم خبرة عن اسعار قسايم جابر الاحمد قطاع a5 يفيدني :
الموضوع انه عندي قسيمه بطن وظهر مبنية على الاسود باستثناء الادور الاخير :: يعني سرداب وارضي حاليا واقف : جاني مشتري : مع العلم انه واجهة القسيمه على شارع فرعي وقرب الخدمات , اتمنى من الاخوة الكرام اذا احد يقدر يساعدني في سومة القسيمه بحيث ما اظلم الشاري ولا اظلم نفسي ,, شكرا مقدما
السلام عليكم ورحمة الله​

 

[يوسفاني]

بيع أو بدل أذا بيع أشلون الطريقه و أذا بدل كم طلب الشاري

 

[المبرمج]

هلا اخوي : بالنسبة للقسيمة طبعا بيع , بس انا ما عندي فكرة عن سعر البيع وكذلك الشاري.

 

[kuwaitey]

مساك الله بالخير اخوى ..

انا صار لى فتره ادور فى جابر الاحمد فى اى قطاع مو مهم ..

بفيدك بلى اعرفه

سد كانت معروضه مقابل بدل 98 بـــ35 وانا تأخرت يوم واحد وراحت

سد فى قطاع بى بنفس السعر

بطن وظهر مالقيت اقل من 55 الى 60 الف فى القطاعين اى وبى

والبيع سعره غير اكيد وينحسب السعر على حسب البيت وجم باقى بنسليف

انت تقدر تحسب بنفسك والله يوفقك ويرزقك فى بيعه طيبه

انا الحمدالله خلصت وربى وفقنى فى القيروان ولا ماخلي ارضك بس نصيب الحمدالله عليه

 

[قلم حر]

ما اعتقد انه البيع مسموح بجابر

بس البدل مسموح

وعموما سعر البدل يتوقف على الطرف الاخر اي سنه طلبه​

 

[دايــم]

كم باقي بالتسليف

 

[المبرمج]

بارك الله فيكم , بالنسبة للبنك باقي 40 الف ,, حاط من جيبي مايقارب 10 الاف .