والله محتار يا اخوان الله يرحم والديكم المساعده

[ساحل الليل]

السلام عليكم ورحمة الله وبركاته

والله يااخوان ما كتبت هذا الموضوع عشان الترزز وابين للناس اني املك كذا وكذا ... لكن والله يااخوان انا محتار افكر ماادري شسوي والله لولا الحيره ما كتبت هذا الموضوع .. يااخوان انا عندي 20 الف وماادري شسوي ادخل في مشروع او ادخلهم البورصه ,, ان فكرت البورصه فناس تقول تخسر فيهم .. والمشاريع ماادري اي مشروع ادخل اخاف ادخل في مشروع وتخسر الفلوس واصفى على الحديده ,, تكفون يا ناس بغيت ارائكم ونصايحكم الله يجزاكم الف خير .. والله يااخوان ان هذا الموضوع ما كتبته الا عشان اني متوهق ومو عشان شي ثاني والله ,, اخوكم ابو سعد ​

 

[بو سعـود]

دور لك مطعم بجمعيه

او حلويات بجمعيه

او مصبغه بموقع استراتيجي

وانت تدبل فلوسك بأذن الله

هذي المشاريع اللي مافيها خسارة

اما غيرها فاعتبر نفسك بتدفع من جيبك الى ان الله يرزقك

هذا رايي يمكن الاخوان يفيدونك اكثر مني

 

[الشـارخ]

.

.
.

أبو سعد من أستشار ما خاب دور لك محل مضمن وأخذه

مثال يعني ... محل أجاره 250 ومضمن 750 / 250 أيجار .. وصافي لجيبك 500 دينار

عشرين الف أعتقد تجيبلك المحل بس تاكد انه شغال والمضمن يوقع عقد معاك سنتين مثل مطعم / حلاق

أما البورصه ..لا تفكر فيها نهائي شوف قدامك بالمنتدي الاعضاء النشطين والمحترفين بالبورصه والمميزين كلهم أختفوا بسبب الخسائر

والله الموفق ابحث عن المحل وأدرسه وأستخير من عماره جديده وعقد مع المضمن

تحياتي​

 

[قطار الشرقي]

أخي الكريم
ما أنصحك أبدا تتوجه للمحلات ، لأن المحل لشخص مبتدئ بالتجارة يعني دمار حلاله
المحل يبي خلو وايجارات وديكورات وبضاعة وعمال ورواتب ، والمصيبة عندنا بالكويت مايعطونك فيز تجيب عمالة فنية تشغلها ، لا، يعطونك اقامتين او ثلاث ويقولون لك دور من الداخل... يعني راح تضطر انك تدور المتعوس وخايب الرجا يلعبون بحلالك ويصدعون راسك.

نصيحتي لك : فكر بالشي اللي تحبه وتفهم فيه ، حتى لو أرباحه قليلة ، لكن ابدأ بشي تحبه وتفهم فيه وتقدر تديره..
اذا تبي نصيحتي ادرس موضوع فواكه الصيف خصوصا الرقي والبطيخ
شغلتهم سهلة وارباحهم عالية ، بشرط انك تدرس الموضوع عدل ، يعني:
سعر تكلفة البضاعة من المنشأ/سعر النقل إلى الكويت/إجراءات إدخال البضاعة/سعرالبيع جملة في شبرة الخضرة/ أو البيع للجمعيات والأسواق المركزية بشرط انك تتحمل الدفع على التصريف ، أما اذا ماتقدر تتحمل البيع كاش بشبرة الخضار وايد اصرف وفلوسك كاش أول بأول...
اتعب بالأسئلة ولاتتوقع ان فيه من يعطيك مشاريع على طبق من ذهب وانت مرتاح.

وممكن انك تروح الصين وتستورد لوازم مدارس: ملابس/قرطاسية/اكسسوارات/هدايا...الخ بس بشرط انك تضمن بيعهم قبل لاتسافر وتتعب.
وعسى الله يوفقك.

 

[abu yousef]

أخي الكريم
ما أنصحك أبدا تتوجه للمحلات ، لأن المحل لشخص مبتدئ بالتجارة يعني دمار حلاله
المحل يبي خلو وايجارات وديكورات وبضاعة وعمال ورواتب ، والمصيبة عندنا بالكويت مايعطونك فيز تجيب عمالة فنية تشغلها ، لا، يعطونك اقامتين او ثلاث ويقولون لك دور من الداخل... يعني راح تضطر انك تدور المتعوس وخايب الرجا يلعبون بحلالك ويصدعون راسك.

نصيحتي لك : فكر بالشي اللي تحبه وتفهم فيه ، حتى لو أرباحه قليلة ، لكن ابدأ بشي تحبه وتفهم فيه وتقدر تديره..
اذا تبي نصيحتي ادرس موضوع فواكه الصيف خصوصا الرقي والبطيخ
شغلتهم سهلة وارباحهم عالية ، بشرط انك تدرس الموضوع عدل ، يعني:
سعر تكلفة البضاعة من المنشأ/سعر النقل إلى الكويت/إجراءات إدخال البضاعة/سعرالبيع جملة في شبرة الخضرة/ أو البيع للجمعيات والأسواق المركزية بشرط انك تتحمل الدفع على التصريف ، أما اذا ماتقدر تتحمل البيع كاش بشبرة الخضار وايد اصرف وفلوسك كاش أول بأول...
اتعب بالأسئلة ولاتتوقع ان فيه من يعطيك مشاريع على طبق من ذهب وانت مرتاح.

وممكن انك تروح الصين وتستورد لوازم مدارس: ملابس/قرطاسية/اكسسوارات/هدايا...الخ بس بشرط انك تضمن بيعهم قبل لاتسافر وتتعب.
وعسى الله يوفقك.

لا تقرب للرقى والله الايرانين ما يخلونك اسأل مجرب من يشوفونك جديد ومنزل بضاعه كسرو فيك وانا حصلت معاى والاجانب بسوق الخضره مافيا ........ روح الصين ابرك واحسن ​

 

[R-H]

السلام عليكم

سوي موقع على الانترنت بالمشروع الي يناسبك ونوع المشروع كمثال موقع رسائل قصيرة والآن ناس وشركات كتير صارت تستخدم الرسائل للاعلان بدل الجرايد وخلافه
ماحيكلفك شي فقط المهندس الي بيصمملك الموقع وحتحتاج مبلغ لشراء رصيد مع الشركة المزودة سواء شركة محلية او عالمية ويفضل عالمية ارخصلك، وشخص يسوقلك او انت ممكن تسوق لمشروعك بنفسك بعلاقاتك بالشركات او باصحاب اعمال ان وجدت
ماحتحتاج لا عمالة ولا اقامات ولا محلات ولا وجع راس وبتدير الشغل من البيت انت بنفسك طالما لديك انترنت وجهاز كمبيوتر إلا اذا ماتحب ممكن تخلي حد يديرلك اياه
مشروع حلو وخفيف وسهل والانترنت الآن صار هو الافضل والاسرع، وطبعا انت عندك الفكره الآن اما عن نوع المشروع فيك تختار الي يناسبك يعني مو شرط رسائل قصيرة

اسفة عالاطالة
شكرااا

 

[قديم في البورصه]

االبورصه نصيحه لاتدخلها شوفلك مشروع وادرسه عدل والله يوفقك ويوفقنا لما يحبه ويرضاه

 

[fawazzz]

لاتفتح اي مشروع حط فلوسك وديعة والسلام
لاتظن المشروع اكيد راح ينجح راح تواجه مشاكل وايد ويمكن تخسر كل ال 20 الف عالاجارات ورواتب العمال

 

[مساهم جديد2007]

up00000000000000000000000

 

[مشعل المحامي]

والله ياخوي شي ما تعرف فيه لا تدخل وتجازف هذا مبلغ بالنسبه لك شي مو سهل وفي مغامره

نصيحه اذا احد عرض عليك اي مشروع لا تتسرع وادرسه من جميع النواحي واستخير ما خاب من استخار

نصيحه من اخوك

 

[::فزاع::]

انا اقول اخوي لا تجاازف برااس مالك وخله وديعه افضلك

وايذ بخااطرك اشتغل بنصه المبلغ الي عندك بس...









.

 

[طلال المطيري_1]

والله يابو سعد انا رايي اذا كان ال20 الف هذي هي كل ماتملك فلاجازف فيها هذه حلالك وحلال عيالك ومافي مجال للمخاطره واذا كان لابد منها فبجزء من المبلغ بس نصيحه خل فلوسك بلبنك نفس ماهم احسن ترى الكاش غالي يابوسعد وابعد ابعد ابعد عن البورصه ولاتفكر فيها والله يوفقك انشالله

 

[bol-bol]

السلام عليكم الله يوفقك ان شاءالله استخير اخوي هذي نصيحه الي أقولك إياه وربي يسعدك ويعطيك الي في بالك

 

[بث مباشر]

انا مع الاخوان الطيبيين ألي قالولك حط فلوسك وديعه في البنك وخلك من البورصه والمحلات ألي ما تجيب ثمنها وموفق خير يا رب