التصحيح سيكون في !!!!!!!

[قلنا لكم]

التصحيح سيكون في بداية شهر 4
وسيكون والله اعلم فخ للمستثمرين الصغار
الكل متوقع ان اعلانات الربع الاول على الابواب
ومتوقعين اعلانات ممتازه كما يذكر بالصحف حاليا
لكن اتوقع انه تصير لعبه في هذه الفتره
الكل راح يتوقع صعود لكن توقع غير المتوقع
هذا دائما تتبعه المحافظ الكبار
يخالفونكم التوقعات
وعلى فكره موعد طرح اسهم شركة ناقلات الغاز القطريه بمنتصف شهر 4
ويحق للاجانب الدخول فيها بالبورصه القطريه

 

[الراقي]

أنشالله ماكو مشكلة اذا نزلو الاسهم تحولنا من مضاربين الى مستثمرين وقاعدين على قلوبهم وماراح نخليهم ياكلون الكيك بروحهم وبعد مو مستثمر عادي مستثمر شايب يعني مافي بيع بخسارة حتى بعد 10 سنوات والكويت توها تتنفس والمشوار في بدايت الطريق

 

[البواردي]

انا لا اعتقد

السلام عليكم
يا جماعه انا ما اعتقد ان راح يصير تصحيح لان المور طبيعيه والسوق في فلوس الحمد لله والعقود والمناقصات كثيره والارباح عال العال
والفلوس كثرتها بالسوق لان تم رفع الفوائد ومن هالشي اهل العقارات صارت عندهم البورصه احسن واسرع بالدخل وثاني شي نزول سوق العقار وانا اكلمكم من منطلق ما اراه من بيع وشراء ونزول اسعار العقارات
فهذا شي طبيعي لا وبالعكس انا اتوقع صعود اكثر من هالصعود لان الكويت الحين مقبله على طفره اقتصاديه والشغل فيها ما شاء الله تبارك الرحمن زايد بشكل ما تتصورونه ولا تنسون ان في شركات اجنبيه بتخل البلد وراح تشتري وتبيع مع الشركات المحليه وهذا يطمن اكثر والحمد لله .
واذا خايفين من التداول فهذا شي اكثر من الطبيعي وكلكم عايشينه بعد لان في شركات قاعده تربح واحنا بالسوق قاعدين نطلب وفي ناس توهم يدخلون السوق وانا ودي ان الكل يصعد فوق للمقاصه ويسألهم كم واحد فتحو حسابات عندهم خلال هالشهر والشهر السابق ( فبراير) وهذا شي يطمن بعد .
وقبل كم يوم كنت بالسوق وبالصدفه تلاقيت مع جارنا وهالجار كان وزير للتجاره سابقاً واهو خريج اقتصاد وعلوم سياسيه جامعة بيروت وسألته عن السوق واحوال السوق وقال السوق يطمن وهالشي حلو لان الناس بدت تشتغل عدل وقالي ووجهلي كلام في كثير من التفاؤل واهو الحين اشترى اسهم صغيره وما بالعين شي ويوم قلتله عمي ترى هذول صغار ومالهم حس بالسوق قالي شوفهم خلال هالسنه ولا تبيعهم ( يعني الرجال متعمد جاي السوق عشان يشتري اسهم صغيره ) ... هذا حلاله واهو حر فيه والله يرزقه وترى عنده اسهم ثانيه وراني الكشف ماله ما شاء الله شركات كبيره وكميات ضخمه تبارك الرحمن ..... ومن هالشي انا زاد تفاؤلي بالسوق ومستحيل اقعد اطالع واشوف الطيور تطير بارزاقها والسيه الخوف من تصحيح ولا اي شي ثاني بالعكس لازم الواحد يجمد قلبه ويدخل السوق بدون خوف ولازم يقتنع الرزق


والرزق على الله
واسف على الاطاله

 

[بوعنتر]

تقريبا من لعام شهر 5 بين كل فتره وفتره اسمع تصحيح وتطلع عناوين تخريعيه بالمنتدى كرو وفرو هناك تصحيح والتصحيح قادم لا محاله وانتبهو واحترسو وتيقنو وديرو بالكم ...ولم يحصل اي تصحيح منذ ابريل الماضي الا بعض الضغط فى الفتره الاخيره قبل عقد المخازن ....نعم هناك تصحيح السوق صاعد 1000 نقطه شنو المشكله لو صار تصحيح 200 او 300 او حتى 500 نقطه طالما اختيارك للسهم صح وحدد نقطه الدخول والخروج ...اذا انت مستثمر لازم تختار نقطه ممتازه للدخول وسعر جيد وتأسيسي مثلا البنك الوطني الحين بمرحله تأسيس اذا صار تصحيح بتنزل 20 فلس او بالكثير 60 فلس وهي نسبه بسيطه جدا ...
اما اذا انت مضارب فالخساره عاديه ووارده كما الربح وارد ....التصحيح مدمر للناس اللى بس تسمع البورصه طالعه تدخل البورصه ومايدري اهو مضارب ولا مستثمر ومن يدش اطيح على مخه ويسب ويلعن بالبورصه وباللى دخله البورصه :d