شركة مجموعة المستثمرون القابضه ( مستثمرون ) ....... 1

[بوووحمد]

الرسم المرفق يبين أن حركة السهم اليوم كانت طيبه بالنسبه للكميه لكن لم تكن حسب المطلوب وهو الإغلاق على سعر 25 فما فوق, وإن شاء الله الخير بالطريق.

هذا والله تعالى أعلم.

 

[العمبوناصر]

الشركة السعر الكمية الوقت
المستثمرون 24.5 160,000 12:29:59
المستثمرون 25 80,000 12:29:59
المستثمرون 24.5 1,040,000 12:29:58
المستثمرون 25 80,000 12:29:58
المستثمرون 24.5 800,000 12:29:53
المستثمرون 24.5 1,200,000 12:29:51
المستثمرون 24 1,840,000 12:29:45
ودي افهم اللي قاعد يصير, شي غريب؟؟؟؟

 

[mustafa2005]

الشركة السعر الكمية الوقت
المستثمرون 24.5 160,000 12:29:59
المستثمرون 25 80,000 12:29:59
المستثمرون 24.5 1,040,000 12:29:58
المستثمرون 25 80,000 12:29:58
المستثمرون 24.5 800,000 12:29:53
المستثمرون 24.5 1,200,000 12:29:51
المستثمرون 24 1,840,000 12:29:45
ودي افهم اللي قاعد يصير, شي غريب؟؟؟؟

ولا غريب ولا شي

تعودنا على سوق الحراميه

الأغرب

وين ادارة السوق على التلاعب في اقفالات الأسهم

 

[ولد الغريب]

ارتفاع في كميت التداول شنو تدل عليه فيدونه الله يجزاكم خير

 

[شركان شركون]

ااعتقد انه صانع السوق يماشي السوق
لاحظوا يوم مايصعد السوق تصعد
ويوم ماينزل السوق تنزل معاه


صانع سوووووق السهم شاطر وعلى راسي

 

[عبدالعزيز رشد]

السلام عليكم ورحمة الله وبركاتة........والله اشتقت لكم وجيت اسلم عليكم

و انا بايع هذا السهم من اول يوم رجع فية للتداول وطحت في اسهم الصناعات الوطنية ونزلت نزول موطبيعي ، قبست عليهم لاني من ربعكم المستثمرون الظاهر انتم كلكم قبابيس البورصة متجمعين في المستثمرون

اضحك معكم لاتزعلون ......

بس قلت لكم معروف ولازم افزع لكم اخر فزعة يمكن تصيب الهدف

عاجل الي/ د .عبدالعزيز البدر وصاحبة وذراعة الايمن السلام عليكم ورحمة الله وبركاتة
خذ هذا الراي ياعبد العزيز اترك باقي الاعضاء يتصرفون او بيـــــــع الارض الزراعية التي في مصر وهي الان سعرها تقريبا 22 مليون دينار

وبيع مشاريعكم التي في السوادان والتي لااعلم ماهي بالضبط ولاكن بيعها في اي سعر وتخلص منها

واسهمكم التي شارينها في الشركات سوا داخل او خارج الكويت بيعها

وهنا تكون جمعت مبلغ لاباس بة ، واشتري فيهم 50 عمارة في الكويت ولا غير الكويت لان مردودها افضل دولة في العالم من ناحية الايجار الشهري

ولا تنسي انتم شركة عقارية ولكم خبرة اكثر مني ياد. عبد العزيز في هذية الامور

و ليس لك حل الا الذي قلت لك ، وانقاض الشركة يااخي يا د. عبد العزيز

وانا اقسم بالله بايع اسهمي من اول يوم لاني اعرف انك لاترد علي اصاحبك الاعضاء الذين يطالبون في التدخل في امور الشركة وانت راكب راسك ،، صاير مثل ابو جهل الذي اخذتة العزة في الاثم .....

لاتزعل مني ياد . عبدالعزيز هذية هي الحقيقة تصرف والا تنحي واترك الاعضاء يتصرفون......ولا تنسي تشتري 50 عمارة في الكويت فقط لا غيرها علي الاقل يقولون عندها 50 عمارة والله خوش شركة ،، والناس تقوم تدعيلك عقب ماكانت تسبك .......
اشقلت الحين في الراي .....تبي نجيك المكتب نحب راسك

علشان تبيع

وسلام عليكم ورحمة الله

تحياتي لكم ......

 

[ستيف]

عبد العزيز بعت انت بخساره وطحت بسهم ربوي وخسرت فيه

انا لو منك ابيع بط بسوق الحمام احسن لي

ابشرك صانع السوق اليوم بصفر ويقوم متأخر وبيرفع السهم فوق فوق

جمع جمع مابقى الا يبيع لنفسه شوي ويطيح حنجه من كثر التجميع علباله يجمع فقع الاخو

شكله ياكل نمل علباله سمسم

اقول لصانع السوق موت حره مافيه بيع ولا اشوف السوق لمدة شهر بسافر

 

[alsanad]

الله يستر من السهم

 

[alsanad]

تشتري وتبيع تشتري وتبيع

عبالك السوق مثل قبل ياطيبك اذا دخلت 2 بالاسبوع

لاعب عمرك

 

[مليون دينار]

بصراحه السهم يخوف

يذكرني في ابراج وغلف انفست في ايامهم الاخيره تداول عالي وحذف بالملايين

ونلاحظ المستثمرون الحذف عادي بالملايين

ابراج ضاعت بسبب الدوليه للاجارة

وغلف ضاعت بسبب الاهليه

والمستثمرون راح تضيع بسبب جراند والمجموعة الدوليه

السهم هذا اصلا منتحر وقاعدين يصرفون اكبر كميه عليكم قبل الاقفال حذف 5 مليون سهم ولامس الحد الادني

لاحظو جراند الفلس كل يوم ينعرض بالملايين مو لاقين واحد يشتري سهم واحد

 

[TAHOE]

السهم هذا اصلا منتحر وقاعدين يصرفون اكبر كميه عليكم قبل الاقفال حذف 5 مليون سهم ولامس الحد الادني

لاحظو جراند الفلس كل يوم ينعرض بالملايين مو لاقين واحد يشتري سهم واحد

​

 

[fuhrer]

فعلا شكله تصريف
اخرتها شكلنا راح نبيع اسهمنا بعشر فلوس
هذا اذا لقينه شراي بعد
ماسك نفسي طول هالمده ما دعيت عليهم لكن شكلي بفلها مع الشباب وبطيحله دعاوي لين اشوف المتسببين بجـ......

 

[بدجت]

الله يكون بعون الناس واحد من الربع الي ماخذه بال 700 والثاني ماخذه 380 والحين معروض بالعشرينات ومافيه شراي الله يالدنيا سعر بطل البيبسي فيه 5 أسهم من غراند

 

[هده خله يتحدي]

الله يكون بعون الناس

 

[اخوكمم]

ياجماعه اللي يشوق الكميه المتداوله , ولا يراقب السوق , يقول الحق اشتري والا مالحق , شنو هالكميات اللي تنباع في المتدبسون , عفوا المستثمرون ! ,
المساله مو هالشركه وبس , شوفوا القروب كله اي شركه فيهم فالحه , علي الاقل الشركات الاخري فيها صعود ونزول , اما هذي قووووووووع علي طول الخط , علي الله المستعان ,تحياتي.

 

[اخوكمم]

الله يكون بعون الناس واحد من الربع الي ماخذه بال 700 والثاني ماخذه 380 والحين معروض بالعشرينات ومافيه شراي الله يالدنيا سعر بطل البيبسي فيه 5 أسهم من غراند

لما اخذ السهم 700 السهم مانزل بيوم وليله الي العشرينات , لا بد انه مر في محطات كثيره , وهناك نسبة خساره يجب ان يضعها الواحد منا , مثل يقول اطلع اذا خسرت 5% او 7% الي اخره , اما ان يخسر كل فلوسه وعلي مدي شهور ويقول انا خسران ,
ياجماعه فعلوا ايقاف الخساره , لاتخلون فلوسكم كلها تروح وانت تشوف , تحياتي .

 

[عالي بأخلاقي]

صبحكم الله بالخير

فالكم طيب ان شاءالله تفاؤلو بالخيرررررررررررررررررر ياشباب ابعدو عنكم التحلطم واليأس


لايأس مع الحيااااااااااااااااااااااه

فالكم الربع الوفير والبيع بدبل السعر هذاا باذن الله عن قريب

 

[mohieddin]

والله لو أضمن أنه هالشركه مافيها إفلاس بالطريق أو إيقاف جديد
ولكن مجلس إدارة هالشركه مو كفو

 

[m7amad79]

الشكوى لله... الشكوى لله

 

[xTrader]

كل المجاميع صارت سيم سيم مو بس المستثمرون السوق كله مهزوز