مطلوب برج ناطحت سحاب

[RHODIUM]

والله انك بطل يا محمد 777 :d انك ضحكت اخوانك في المنتدى
الله يعطيك العافية ويطول بعمرك وتاخذ كل ما تتمناه ان شاء الله

 

[abo mesh3al]

هذي اول مره اضحك بهالطريقه الله يجزاك خير ..

 

[كاتب_متقاعد]

والله دمعت عينى من الضحك

روح الله يوفقك

 

[مهم للغاية]

السلام عليكم ورحمة الله وبركاته


قال الله تعالى: (( وَذَكِّرْ فَإِنَّ الذِّكْرَى تَنْفَعُ المُؤْمِنِينَ)). سورة الذاريات الأيه 55

اخي ألم تعلم ان الله يراقبك

قال الله تعالى: (( مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ )) سورة ق الآية 18


من باب التذكير يااخوان

اولا : قبل كل شي انا بتكلم بصفه عامه

ثانيا: اخي في الله والله اني لك من الناصحين احسن النيه بينك وبين ربك قبل ان تكتب الموضوع او تشارك في اي موضوع

قال الله تعالى(( لن تَنَالُوا البِرَّ حَتَّى تُنفِقُوا مِمَّا تُحِبُّونَ وَمَا تُنفِقُوا مِن شَيْءٍ فَإِنَّ اللَّهَ بِهِ عَلِيمٌ ))(92) آل عمران



ثالثا: لاتعتقد عندما تشارك او تكتب موضوع وتقول بينك وبين نفسك بلعب لعبتي (تكتب موضوع وتقول بلعب بنفسيتهم او انا ومجموعه او لحالي نشارك او اشارك بموضوع فلان وتقول ترا سعر السوق اقل من سعرك تكذب ونيه اساس ينزل من السعر اوعندي بيت وصلة السومه القيمه الفلانيه وهو اصلا محد سامه او ماوصل هذا السعر )


تكذب وتغش الناس وتاكل فلوس الحرام او حتى في نيتك


لاتعتقد راح تعيش تذكر

قال الله تعالى((كُلُّ مَنْ عَلَيْهَا فَانٍ * وَيَبْقَى وَجْهُ رَبِّكَ ذُو الْجَلالِ وَالإِكْرَامِ)) الرحمن26-27.


الهدف من ذالك في الموضوع كله يلقي الشيطان في روع ابن آدم كثيرًا من الشبهات ويأخذه نحو الحرام على خطوات بعد خطوات فمن خطوة الوسوسة إلى
خطوة التزيين إلى خطوة التسويغ وإلى خطوة إلف المعصية

انا اقول تمتع بحياتك بالحلال مااجملها ولكن عندما تتمتع بالحرام تذكر

قال الله تعالى(( يُفْلِحُونَ مَتَاعٌ فِي الدُّنْيَا ثُمَّ إِلَيْنَا مَرْجِعُهُمْ ثُمَّ نُذِيقُهُمُ الْعَذَابَ الشَّدِيدَ بِمَا كَانُوا يَكْفُرُونَ)) يونس 70

انتبه لاتكذب

قال الله تعالى (( الَّذِينَ يَفْتَرُونَ عَلَى اللّهِ الْكَذِبَ لاَ يُفْلِحُونَ)) سورة النحل 116


انتبه من الشبهات والمعاصي قبل أن يوقف وقتك وتندم


اللهم بلغت اللهم فأشهد
اللهم بلغت اللهم فأشهد
اللهم بلغت اللهم فأشهد

اخوي محمد
الاقتباس اللي فوق انت كاتبه مو انا

لا تنه عن فعل وتأتي بمثله ... عار عليك اذا فعلت عظيم

في مشاركاتك السابقة تطلب من الناس عدم الكذب .... وأنت الآن تطلب ناطحة غبار مادري سحاب وقبلها تبي شقة في باريس وقبلها غواصة وقبلها سيارة برمائية .... انصحك بعرض نفسك على طبيب نفساني

إلا اذا كانت مشاركاتك بغرض الدعابة والتخفيف على اخوانك واضحاكهم فهذا أمر آخر

 

[Ab Soud]

ما في اختيارات

 

[اشتراكي]

برج التحرير يمشي معاك؟؟

33 مليون دك مراجعه

احتمال الحكومه تبيع ومكور بعد

توني منزل السماعه منهم

بس عشان تكون على بينه ترى شهادة اوصافه منتهيه والمبنى مخالف*

 

[almellyarder]

سلام عليكم

محمد 777 ذكرتني بواحد فرك المصباح وطلع المارد وقاله : ابيك تبني لي جسر من الكويت الى أمريكا . فرد عليه المارد : يا أنسان اطلب مني شئ مو مستحيل فقال : زين طيح القروض على الكويتيين فرد المارد بسرعة : الجسر إلي تبيه رايح وراد وفيه ليتات وأشارات .

خليني أدورلك المارد يمكن يساعدك

 

[Cozmo]

كل ما اقرى الموضوع كل مره اضحك اكثر لووووول

 

[كويتي2]

يا جماعة عيب الريال يسأل عن حاجته ...
أخوي طلبك عندي مع مهبط .. بس ياليت تقولي الطيارة باب ولا بابين ؟
لأنه راح يفرق معاك في السعر .

 

[الفهلوي]

out​

 

[الاحمـد]

اخوي عندي ارض بالديره مرخصه 75 دور ممكن تبنيها حسب طلبك لان ماراح تلاقي بالسوق هالطلب لو حاب ارسلي رقمك برايفت

انت ارسله رقمك
للحين يدور ترا

 

[الاحمـد]

اخوي اذا شريتها تبدل مع طلب 98 وازيدك

لووووووووووووووووووووول

احلى رد

 

[الاحمـد]

أخوي ابعثلي رقمك عندنا طلبك ....

حتى انتي يا ام عبدالعزيز

 

[الاحمـد]

لا لا الريال نيته صافيه وانا مطلع رقمه ، وداق عليه

وضحك لما قلت له لقيت لك غواصه اخوي...

قال مسوينها دقه ربعه ، وقصده الضحك ، وادخال الفرح لرواد المنتدى

والله يا محمد مواضيعك موتتنا من الضحك

 

[مسـتـثـمـر]

فية نــاطــحــة ... بس تنطح علي الخفيف علي جميع الالوان مو مثل ثيران اسبانيا
شغل نظيف صب ايراني ... ومقاولها سوري الحمدلله ماباق حديد كثير من السقف

نسيت اقولك يوم بنوها ... نسوا يسوون فتحات درايش
والمهبط ماسووه بالسطح لانة موضه قديمة ... مسووين المطار يم المطبخ بالسرداب ​

 

[بوالعيس بيك]

السلام عليكم

ياشباب حرام عليكم الريال يبي ناطحة ضباب..ساعدوه لاتكسرون مجاديفه..

اخوي بومحمد عندي جاخور للبيع شرايك؟ وفيه كراج حق السياره.

 

[I T C]

اخوي اذا شريتها تبدل مع طلب 98 وازيدك

والله احسن رد وخليت دموعي اربع اربع الله يرحم والدينك دنيا واخره.

 

[الاحمـد]

يستاهل الرفع

ومــــــــــــــــــــــــــــازال الـــــــــــــــــبــــــــــــحــــث مـــــــــــتـــــــــواصـــــــــــــــل

 

[فيصل محمد]

والله شوف لك واسطة واشتر برج التحرير اللي بنوه ولااستفادو منه على الاقل تشغله

مااقول الا الله يذكر سعد الفرج بالخير لو لاحق عليك سوى طلبك جزء من مسرحيه بيثمنون الديره (حامي الديار)

 

[Maxima]

هههههههههههههه