استفسار قانوني

[المجتهد 2]

السلام عليكم


صار معاي حادث والي داعمني هو الغلطان بالتقرير الفني وللحين لم يصدر حكم المحكمة الي داعمني تأمينه شامل وانا تأميني ضد الغير الحاصل شركة تأمين الي داعمني تبي تعوضني وكاتبه في تقرير ان الخساره الي وقعت على سيارتي خساره كليه

1- على اي اساس يتم التقييم؟تقييم قيمة السيارة
2- واذا لم اتفق معاهم على مبلغ التعويض ماهو الحل؟

 

[مشعل المحامي]

اول شي حمد الله على سلامتك

تقيم السياره حسب سعرها بالسوق مع خصم قيمة تكاليف الاصلاح المتوقعه


واذا تم الاتفاق على قيمة التعويض

تسوي معاملة تحويل عاديه بالمرور تحول السياره لشركه التامين وتاخذ الشيك

 

[فريح الكوح]

السلام عليكم :

مثل ما تفضل الاستاذ مشعل ، قيمة السيارة جديدة مخصوم منها نسبة استهلاك عن كل سنة .

 

[rahaly]

روح بيت التمويل لانه جهة معتمدة
اطلب شهادة بقيمة سيارة نفس الموديل والاوصاف

هذا المفروض يكون تعويضك

انصحك اذا عرضوا عليك مبلغ مقارب حتى لو اقل شوية تخلص معاهم
اذا عرضوا رقم بعيد عن قيمة السيارة - مالك الا المحكمة

عادة التأمين يعرضون اقل بكثير من قيمة السوق ويقولون لك المحاكم راح تاخذ منك سنين واحنا نخلصك بسرعة

ولا يقصون عليك ويقولولك استهلاك قطع وهالكلام - لان المحاكم حسمت هذا النزاع
قولهم انا ما قلتله يدعمني عشان تخصمون علي استهلاك وهالكلام الفاضي

والله اعلم