نتحدى الدلالوه والتجار واصحاب الشأن برفع اسعار العقار

التسجيل
2 يونيو 2010
المشاركات
102
بسم الله الرحمن الرحيم

بعد ما شفنا بأن الاسعار ارتفعت وكل مالها تزيد. أوجه تحدي جديد ومن العيار الثقيل لكل من بالكويت برفع الاسعار اكثر فأكثر من الوضع الحالي. وبدال لا يقولون السوم 200 خل يقولون السوم مليون والسوام انا يا جماعه وتراني ماني بشاري ان صملتوا فيني.

يا جماعه اللي يقولك تنطر الحكومه يعطونك بيت بعد عشرين سنه هذا انسان عديم احساس ودجال وعقله فيه هشاشة عظام (لا تسألوني شلون او كيف) البيت بالكثير 10 سنين طالع لك وعلى سبيل المثال صباح الاحمد الناس اللي 2002 ياخذون فيها يعني 8 سنين وقول بناء سنتين يعني عشر سنين انت ساكن بمنطقه 90% ناس مثلك ومن عمرك ساكنين وياك وفيها كل الخدمات وان طولت خدماتها بتاخذ سنه سنتين مو عشر سنين.. يعني قازره. واللي يقولك دفعة 93 صارلهم 17 سنه..قول لهم محد طقه على ايده وقاله طوف المناطق اللي طلعت عباله بيصير دوره بعبدالله السالم الطابق الثاني الحبيب..لو ماخذ بيته وساكن مع الناس اللي سكنوا وترك التكبر جان مرتاح وعايش ولا حط نفسه بهالمشكله

واللي يقولك بيعطونك بمنطقه بعيده. شدعوه الكويت كبيره الحين..المسافه بين ابعد منطقه بالكويت ما تتجاوز ساعه بالسياره.ساعه بالسياره وبيت مبني على ذوقك وتخطيطك بمبلغ لا يتجاوز 120 الف دينار ومن ضمن هالمبلغ 70 ملوت الحكومه الله يعطيهم الف عافيه. او تدفع 100 الف زياده على شان يصير المشوار 10 دقايق؟ مع ان عمره ما راح يكون مشوارك 10 دقايق. القرار بيدكم وانا اتخذت قراري ولله الحمد بالصبر ولاني شاري لا بيت ولا ارض حتى لو تطيح 50% من قيمتهم يعني بمختصر العباره سواء بالاسعار الحاليه او بمليون...ماني شاري و اتمنى زيادة الاسعار اكثر فأكثر. على شان بيوتهم ما تنباع ولا اراضيهم ولا نبيهم يجون ويناشبونا بمناطقنا الجديده اللي بتطلع بإذن الله ويصيرون جيران لنا.

مايفك اللحام الا الحديد....إرفعوا الاسعار اعلى و اعلى:) و اقسم بالله اني اتحداهم برفع الاسعار لان محد راح يشتري بالاسعار الحاليه الا فئه تنعد على الاصابع وماتفرق معاهم 200 الف او 400...فصارت السالفه عاديه ليش مايرفعون اسعارهم بعد؟ ومنها يرتاحون من اللي ماعنده لا يناشبهم بالمنتديات ومنها يرتاحون مع الزباين السبيشال:)

اخر هالكلام بيطلعلي واحد يقولي منو انت اللي اتحط راسك براسهم واتحداهم. ما ادري يعني الحين شخصيتي بتفرق على هالتحدي؟
 

Duke wahid

عضو نشط
التسجيل
12 فبراير 2010
المشاركات
214
والله لو عندي بيت حكومة بالقرين لا أعرضة بنص مليون

عندي 180 الف وصارلي مدة أدور قسيمة جديدة ومقادر أشتري

ان بعد معاك

بيت سكراب بالقرين 140 الف ليش غلطانين لازم يصير ربع مليون

أعلى وأعلى خل 10% من الشعب الكويتي اللي قادر يشتري

يصيرون 1% وسلملي على 90 الف طلب أسكاني
 

A_A

موقوف
التسجيل
10 يناير 2010
المشاركات
93
انا أعرف 4 طلباتهم الإسكانيه من 1987 - 1991
كلهم ماخذوا بيوت حتى الآن

بس بدل إيجاراتهم أقل واحد فيهم دكتور بالجامعه و بدل ايجاره 500 دينار :)
هذا ما يبي
و بعضهم الآن عارضين طلباتهم , لو بكيفه يبدل طلبه مع طلب 2007 أو 2008 لو بكيفه
ما يبي بيت , يبي بدل الإيجار 500 دينار , و بعد كم سنه يبدل طلبه بطلب جديد و ياخذ فيه 20 الى 35 ألف و يستمر ببدل إيجار 500 دينار و هكذا
و واحد بوزاره ثانيه بدل ايجاره 1500 دينار

بس تلقاه شاري بيت بإسم أخوه أو واحد ثاني و ساكن فيه و مستمر الحبيب ببدل الإيجار يعني ما عنده بيت مسكين يكسر الخاطر يعطونه بدل ايجار

هذيل ناس ما يبون بيوت
هذيل ناس ودهم هالمشكله ما تنتهي و تستمر عمرهم كله


الله يرزقهم .......
 
التسجيل
2 يونيو 2010
المشاركات
102
اللي يتأخر طلبه اهو اللي يقول مابي المنطقه الفلانيه ومابي المنطقه العلانيه. على باله بالمستقبل بيشيلون قصر بيان ويعطونه اهو و ربعه اللي قالوا ما نبي.
ولا زلت اتحدى الدلالوه......واتحدى المناديب والكتاكيت والدمبكجيه وكل من له صله في رفع العقار...اتحداكم برفع الاسعار :)
 
التسجيل
2 يونيو 2010
المشاركات
102
والله لو عندي بيت حكومة بالقرين لا أعرضة بنص مليون

عندي 180 الف وصارلي مدة أدور قسيمة جديدة ومقادر أشتري

ان بعد معاك

بيت سكراب بالقرين 140 الف ليش غلطانين لازم يصير ربع مليون

أعلى وأعلى خل 10% من الشعب الكويتي اللي قادر يشتري

يصيرون 1% وسلملي على 90 الف طلب أسكاني

مدينة الحرير في بدايتها يعني خلال هالخمس سنوات راح توفر 250 الف وحده سكنيه يعني تغطي العشر سنوات اللي طافت والعشر سنوات القادمه... واعتقد ان مستقبل الكويت راح يكون شمالي ولا عزاء لمناطق الجنوب لانهم طايحين بين البترول والمصانع وشمال الكويت ماكو هالشغلات والجو احسن و يقولك ربييييييع وامطار
 

خالد العليان

عضو نشط
التسجيل
23 مارس 2010
المشاركات
530
ابرك الساعات...ابشرك الناس ماخذه بنصيحتك...
الهيئة العامة للرعايةالسكنية اعترفت وقالت ان سبب زيادة الطلبات لاكثر من 90 الف سببه الزيادة الجنونية لاسعار العقار...الناس بطلت تشتري العقار واتجهت لخيار الانتظار...
شكرا على الموضوع الطيب..
 

zidantheking

عضو نشط
التسجيل
24 سبتمبر 2008
المشاركات
984
انا أعرف 4 طلباتهم الإسكانيه من 1987 - 1991
كلهم ماخذوا بيوت حتى الآن

بس بدل إيجاراتهم أقل واحد فيهم دكتور بالجامعه و بدل ايجاره 500 دينار :)
هذا ما يبي
و بعضهم الآن عارضين طلباتهم , لو بكيفه يبدل طلبه مع طلب 2007 أو 2008 لو بكيفه
ما يبي بيت , يبي بدل الإيجار 500 دينار , و بعد كم سنه يبدل طلبه بطلب جديد و ياخذ فيه 20 الى 35 ألف و يستمر ببدل إيجار 500 دينار و هكذا
و واحد بوزاره ثانيه بدل ايجاره 1500 دينار

بس تلقاه شاري بيت بإسم أخوه أو واحد ثاني و ساكن فيه و مستمر الحبيب ببدل الإيجار يعني ما عنده بيت مسكين يكسر الخاطر يعطونه بدل ايجار

هذيل ناس ما يبون بيوت
هذيل ناس ودهم هالمشكله ما تنتهي و تستمر عمرهم كله


الله يرزقهم .......

انا معاك بس ابيك تقولي لو انت كنت مكانهم و مرتاح نفسية و ماديا

و غيرك مو مرتاج تفكر بنفسك و عيالك و لا اب واحد الحمدلله و شكر تعتبره دون ؟؟؟

و اذا بتسألني ليش تعتبره دون لانه مكانته مو مثل مكانتك

للاسف هذا تفكير 75% من اصحاب المناصب

الله كريم
 

nokia*nokia

عضو نشط
التسجيل
3 نوفمبر 2007
المشاركات
1,061
ابرك الساعات...ابشرك الناس ماخذه بنصيحتك...
الهيئة العامة للرعايةالسكنية اعترفت وقالت ان سبب زيادة الطلبات لاكثر من 90 الف سببه الزيادة الجنونية لاسعار العقار...الناس بطلت تشتري العقار واتجهت لخيار الانتظار...
شكرا على الموضوع الطيب..


الله بالخير أخوي خالد العليان

بالنسبه لـ (( أبشرك الناس بتاخذ النصيحه )) فهذا شي أكيد أننا سوف نأخذ
النصيحه والسبب لا توجد سيوله عندنا والأسباب الأعباء الماليه ولايوجد أي بديل .

أما (( الهيئة العامة للرعاية السكنية اعترفت وقالت أن سبب زيادت الطلبات لأكثر
من 90 ألف سببه الزيادة الجنونية لأسعار العقار ))
فمن الشيئ الأكيد أن الهيئة
لن تعترف بتقاعسها بأعمالها وعدم تنفيذ المشاريع بالشكل المطلوب وهو السبب
الرئيسي بتضخم هذه الأعداد من عشرات الآلاف من الطلبات ، فلو يتم إنجاز
5 مشاريع إسكانية كل 3 سنوات لتم حل مشكلة التضخم بأعداد الطلبات .

فالهيئة الإسكانية + بلدية الكويت + وزارة النفط = متفقين على رأي واحد
وهو (( عدم الإتفاق ))

الله يكون بعونا جميعا ويوفقنا بما يحب ويرضى
 
التسجيل
2 يونيو 2010
المشاركات
102
ولا يزال التحدي قائماً الى يومنا هذا....ولا عزاء لمشاركة الكتاكيت والمنادييب
 

خالد العليان

عضو نشط
التسجيل
23 مارس 2010
المشاركات
530



الله بالخير أخوي خالد العليان

بالنسبه لـ (( أبشرك الناس بتاخذ النصيحه )) فهذا شي أكيد أننا سوف نأخذ
النصيحه والسبب لا توجد سيوله عندنا والأسباب الأعباء الماليه ولايوجد أي بديل .

أما (( الهيئة العامة للرعاية السكنية اعترفت وقالت أن سبب زيادت الطلبات لأكثر
من 90 ألف سببه الزيادة الجنونية لأسعار العقار ))
فمن الشيئ الأكيد أن الهيئة
لن تعترف بتقاعسها بأعمالها وعدم تنفيذ المشاريع بالشكل المطلوب وهو السبب
الرئيسي بتضخم هذه الأعداد من عشرات الآلاف من الطلبات ، فلو يتم إنجاز
5 مشاريع إسكانية كل 3 سنوات لتم حل مشكلة التضخم بأعداد الطلبات .

فالهيئة الإسكانية + بلدية الكويت + وزارة النفط = متفقين على رأي واحد
وهو (( عدم الإتفاق ))

الله يكون بعونا جميعا ويوفقنا بما يحب ويرضى

الله يكون بالعون يانوكيا...المياه الراكدة تحركت وعجلة التنمية باذن الله قامت تدور...احنا لما نطرح تصورنا للواقع الاسكاني...ماقاعد نتكلم بس على اوضاعنا ...واوضاع الجيل الحالي...احنا قاعد نفكر بعيالنا...اذا ماتعبنا الحين وحاولنا بكل الطرق اصلاح مايمكن اصلاحه...فان عيالنا ماراح يلقون حتى شقة يسكونونها...
الحل الاضمن والانسب...اننا نتبنى القوانين وتصير نبراس لنا ولغيرنا..عشان نضمن مستقبلنا ومستقبل عيالنا..
شكرا
 
أعلى