سؤال لكل السواح مارايكم بالجروبات السياحية؟

mohamed q

عضو نشط
التسجيل
12 يناير 2009
المشاركات
322
السلام عليكم ورحمة الله
لى سؤال وأتمنى منكم الجواب الشافى بخصوص الجروبات السياحية؟
هل تفضل السفر بجروب أم تفضل السفر بشكل خاص ولماذاوماهى المميزات؟؟
 

jassem777

عضو نشط
التسجيل
10 مارس 2005
المشاركات
510
الإقامة
كويت العز
افضل شركتين تنظم قروبات

1- سفريات الرابيه

2- وسفريات السيد

طبعا لاتتوقع ان القروبات نفس اذا صرت انت بروحك تطلع بكيفك

وترجع بكيفك

القروبات التزام مع مجموعه وعندك برنامج تمشي عليه
 

mohamed q

عضو نشط
التسجيل
12 يناير 2009
المشاركات
322
شكرا لمرورك أعلم.... بارك الله فيك
 

بيت

عضو نشط
التسجيل
10 مارس 2010
المشاركات
137
اسوأ سفريات على الاطلاق سفريات السيد
نصيحة لا تروحون معاهم تتوهقون إسأل مجرب
 

GMC1

عضو نشط
التسجيل
9 يناير 2009
المشاركات
83
اذا تبي النصيحة,,
سافر بشكل خاص لانك ماراح اتكون ملتزم مع احد وراح اتكون حر نفسك وين ماتبي اتروح
اما اذا تبي اتروح مع قروبات وهذا الشئ لا انصح فيه فهو الالتزام مع القروب غير ان بعض المشاكل قد تصادفك مع القروب مثال المكتب اللي انت متفق معاه على الرحلة مع القروب انا احددلك الاماكن والمدة اللي راح تقعد فيهم + المواصلات اقولك انه الباص اللي راح تتنقلون فية درجه اولى وفية عزكم الله حمام ومكيف والى اخره من المواصفات الجميلة وبعدين تتفاجأ بان الباص هذا لا يتوفر فيه المواصفات اللي ذكرهه يعني مافي حمام ولا تكيف ولاهم يحزنون يعني باختصار تركب حنطور وايد ابرك هذا غبر انه يقولك ان السكن بالفندق انا لك غرفة فيها سريرين أو ثلاث وتتفاجأ بأن سرير واحد وخذ على هل امثلة وايد امور
الميزة الوحيده اللي في القروبات ان تكاليفها أرخص من انك اتروح لحالك
 

العاشق

عضو مميز
التسجيل
18 يناير 2009
المشاركات
14,324
الإقامة
هنا

اخي العزيز اذا انت والاهل اجتماعيين القروب احسن بواجد

اماان بعد الله ومعاك ناس تستانس معاهم خصوصا اذا معاك عيالك

ممكن يحصلون اولاد بعمارهم يلعبون معاهم

واهل الكويت والله ونعم اقل شيء تحصلك عائله من القروب تستانسون معاهم
وتعرف عليهم وبالنسبه للإلتزام بالقروب ترا مودقت كرت اهي ومجبور فيهم

اذا ماعجبوك او المكان اللي اتفقو عليه ماناسبك لاتروح وغير الوجهه انت

عادي انا والله حتا التنقل بين المناطق اللي انا حاجزه وخالص من الكويت اذا حسيت انه بعيد ولقيت وسيله اريح تناسبني وتناسب امكانياتي

احجزها وريح بالي وسويتها كذا مره يعني طريج بالباص سبع ساعات اطنش القروب واخذ طيران ساعه انت واصل

الالتزام مع القروب بالفنادق بس وتوزيع المناطق واعتقد هذا لو انك رايح بروحك راح تكون منسقه حجزه بالكويت

وانا اذكر مره فيه منطقه في ماليزيا حيل عجبتنا طلبنا من القايد (المرشد السياحي ) ان يمدد يوم فيها الحبيب قام يماطل دقينا على صاحب السفريات وماقصر

ولا بعد سوينا انقلاب عليه القايد عباله انه ولي امرنا بيمشينا على كيفه

طقيناه بالطوفه وخليناه يمشي ورانا غصب


يعني حتا القايد اذا طلع موتكانه انتم رجال تدبرون عمركم من غيره وتخلونه يولي

وهذي بعد سويناها بتركيا القايد طلع مقصه او حرامي مادري عنه المهم يحجزلنا

الباص للشخصه لو المسافه قريبه بمبلغ كبير

حصلنا باص ثاني بربع القيمه طلبنا منه ياخذه رفض الحبيب اتفقنا بينا نحجز الرخيص وان طنشه

الحبيب جانا وعتذر ودرا ان الناس مو واقفه عليه

وجاني قلتله ترا احنا مو جايين رحله مدرسيه بتمشينا على كيفك

انت واجبك انك تشاور الناس وتحاول توفق الاراء قدر المستطاع بس ماتمشيهم على هواك


زبده الحجي ايجابياتها اكثر روح قروب واذا ماعجبوك امش بروحك ;)
 

mohamed q

عضو نشط
التسجيل
12 يناير 2009
المشاركات
322
مشكور ياالغالى على هذا الشرح وبارك الله فيك وعساك على طووووووووول تروح وترد بالسلامة
 

Bo-SaNaD

عضو نشط
التسجيل
23 أغسطس 2007
المشاركات
413
الإقامة
الكويت
لا والله اخوي لا تروح ويا قروب نصيحه انا ولا مره رحت ويا قروب من البلاوي اللي اسمعها يبا خلك حر نفسك تقوم وقت ماتبي وتروح وين ماتبي بالله رحت ديره ماعجبتك او طلعت مو مثل ما انت متوقعها لو ويا قروب بتضطر تقعد او بتغير تذكرتك والمبلغ اللي انت دافعه ويا القروب بيروح عليك لكن لو كنت حر ماعجبتك الديره طقلك تذكره وروح وين ماتبي ناهيك عن مشاكل الناس اللي وياك مو الكل طبعا البعض ولي قامو يتعنفصون شلك فيهم اخوي جره بروحك

وعلى فكره احلى شي بالسفر انك تضيع اسئل مجرب روح ودج بروحك والله راح تطيح على اماكن مو طبيعيه والله يخلي الاي فون :))
 

mohamed q

عضو نشط
التسجيل
12 يناير 2009
المشاركات
322
مشكووووووووووووووووووورييييييييييييييين كثيرا على النصايح بارك اله فيكم ورحلة سعيدة لكم وللكل المسافرين
 
أعلى