ماهو افضل بنك للودائع

[حنطفيس]

سلام عليكم

عندي مبلغ وماني راعي بورصة ولا صاحب تجارة وحاب احط وديعه في بنك اسلامي .... ممكن احد ينصحني شنو الافضل بيت التمويل ولا بنك بوبيان والافضل الشهريه ولا السنوية واسم الوديعه ... واكون شاكر

وجزاكم الله خير

وسلامتكم

 

[مجد 91]

راح اعطيك البنك ورقم حسابي ـ اعطيك نسبة على الأرباح 0،0006

 

[مقاييس]

سلام عليكم

عندي مبلغ وماني راعي بورصة ولا صاحب تجارة وحاب احط وديعه في بنك اسلامي .... ممكن احد ينصحني شنو الافضل بيت التمويل ولا بنك بوبيان والافضل الشهريه ولا السنوية واسم الوديعه ... واكون شاكر

وجزاكم الله خير

وسلامتكم

عن تجربة بيت التمويل وقطع

 

[سيف راكس]

بيت التمويل ونام .... نصيحه

 

[abanos]

بيت التمويل وزعو هل سنه فقط الزكاة

عطو ارباح 2.7 بالميه

اتذكر مره واحد قالي انه بنوك ايران تعطي 17 بالميه

نصيحه اشتر فيهم اسهم افضلك بوايد او تجاره صغيره على قد حالك

الوديعه ما منها فايده الي بيعطونك اياه بتردهم كزكاة

 

[المسالم الأول]

بيت التمويل ويكفي انه اسلامي وانشاء الله يكون كل مدخول لك منه حلال بأذن الله بالتوفيق

 

[فنان999]

الأمان والإطمئنان اذا رصيدك اقل من 25000 الف
اذا اكثر اشترلك شقه واجرها تطلع ارباح احسن من الوديعه

 

[الباحث الشرعي]

بنك قطر الوطني الاسلامي يعطي 4.25% سنويا و هو الافضل على مستوى الخليج
هناك بنوك تقليديه مثل بنك hsbc يعطي 4.75% سنويا بالريال القطري
بالنسبه للبنوك الكويتية
برقان 2.875%
الخليج 2.65%
التجاري 2.75%
الوطني 1.75%
بنك المشرق الاماراتي يعطي 5% على اساس سنوي
هذه لمحه سريعه لفوائد البنوك لكن ما اعتقد تصلح حقك كونك تبحث عن بنك اسلامي

 

[ابو نواف محترف]

بنك قطر الوطني الاسلامي يعطي 4.25% سنويا و هو الافضل على مستوى الخليج
هناك بنوك تقليديه مثل بنك hsbc يعطي 4.75% سنويا بالريال القطري
بالنسبه للبنوك الكويتية
برقان 2.875%
الخليج 2.65%
التجاري 2.75%
الوطني 1.75%
بنك المشرق الاماراتي يعطي 5% على اساس سنوي
هذه لمحه سريعه لفوائد البنوك لكن ما اعتقد تصلح حقك كونك تبحث عن بنك اسلامي

اخي الكريم اسمك الشرعي وتحط بنوك ربويه المفروض ما تجيب طاريهم ===

وبعدين بيت التمويل الكويتي هو لافضل لانه الوديعه مضمونه من بنك المركزي ==

بنك القطري ولاماراتي مو مضمونه يمكن تنزل الله واعلم

 

[كيدي كاو]

انا بعرف بيت التمويل اشلون اسلامي صاحبي شاري عماره وتاخر في الاقساط عليهم لعدم وجود ماجرين وبعدها قالو له يا تسوي على المبلغ اللى طايف تورق يا نحولك القانونيه يعني قضيه اشلون بيعه في بيعتين يصير هذا في الاسلام الله عطاكم عقل فكرو لا تقول قطها براس عالم واطلع سالم

 

[حنطفيس]

للرفع ... ويا جماعة ابي واحد يفيدني بأسم الوديعه

 

[ليث متواضع]

بيت التمويل الكويتي الأمان والأطمئنان

 

[بلاحدود]

بنك الخليج.. بنك ربــوي..
وعليهم حركـــات أتحفظ عليها.. ومواقف حدثت معي شخصيا..

عندهم صناديق عقارية استثمارية معدومة المخاطر (على حد كلامهم)..

يعطون 5.27% على أساس سنوي وشروطهم:
ـ المبلغ لا يقل عن 25 الف دينار
ـ لا يتم سحب المبلغ قبل مضي 6 اشهر على الايداع
ـ التوزيعات شهرية

اللي يعرف بهالصناديق يفيدنا.. لأن هناك أمور كثيرة بين السطور وأمور لا تتضح إلا بعد فترة من التعامل معهم.. وأشياء كثيرة ما يعرفها إلا المجربين لهذه الأداة الاستثمارية..

اللي عنده خبرة بهالصناديق يفيدنا..
وهل هي شرعية؟ خاصة أنها تتعامل بالعقار فقط

 

[حنطفيس]

خلاص سكرو الموضوع ....

ما استفدت شي كل واحد داش يقول الامان والاطمئنان ويمشي !!!!!