ابي ابني قسيمة

[ahmadq8]

شباب لا تقصرون معاي ابي ابني قسيمتي وما افهم شي بالبنيان شنو تنصحوني وبعد انا سمعت فيه مكتب يقدم دورات شلون تبني قسيمتك بفلوس القرض

 

[قلنا لكم]

شوف اخوي
لايقصون عليك ويقولون البناء غالي
البناء يعتمد على نوعية المواد اللي بتحطها
ودائما بالكويت عندنا الاسعار تقريبا ثابته
بناء عادي ( مافيه اي نوع من الكماليات * تكيف مركزي * سيراميك جميع البيت * تلبيس سيجما ولا ميزاييك * يعني بكل بساطه بناء عادي جدا ) سعر المتر المربع مابين 60 الى 70 دينار

بناء ديلوكس ( نفس العادي بس تختلف نوعية المواد تكون افضل شوي ) المتر المربع مابين 75 الى 80

سوبر ديلوكس ( يعتبر بناء ممتاز من حيث الكماليات ) المتر المربع مابين 90 الى 100

الفخم مره وحده من 120 الى 140 المتر المربع
المتر المربع يكون مسطح البناء وليس مساحة الارض
دائما بالكويت في عندنا ارتداد من يمين ويسار البيت والامام
تقريبا كل جهه بحدود مترين
لو القسيمه 400 متر
يصير عرض واجهة البيت 16 متر
والعمق طبعا مع الملحق راح يكون 18
16 * 18 = 288 مسطح الدور الارضي
والاول يقل عن الارضي بقليل يعني بحدود 260
والثاني مثل الاول 260
اذا البناء فقط دورين 288 + 260 = 548 قول مع بيت الدرج 630
بناء عادي 630 * 70 = 44100
بناء ديلوكس 630 * 80 = 50400
بناء سوبر ديلوكس 630 * 100 =63000
بناء فخم 630 * 140 = 88200

طبعا ضيف على المبلغ الاجمالي زياده بحدود 5000 الالف لزوم التغيرات او الاخطاء

 

[S500]

معلومات ممكن تكون بسيطه لبعض العالم بس الشهاده لله مهمه جدا للي ما يعرف شي بالبنيان

مشكورين وجزاكم الله خير

 

[ahmadq8]

جزاك الله خير طال عمرك يعني انا اذا بنيت دورين بس ( بنيان عادي ) قرض التسليف كافي
وثاني شي فيه واحد اسمه الاستاذ عمل دورة كيف تبني بيتك من يقدر يعرف اي مكتب او رقم تلفونه ناس دوش عنده دوره وبنو بيوتهم من غير مشاكل
ومشكورين طال عمركم

 

[قلنا لكم]

الاستاذ ونعم فيه
بس ماتحتاج دوره وانا اخوك
حبيبي شوف لك اي شركه عن طريقالربع او الاهل وثقه
وخله يبني لك القسيمه على المفتاح يعنيمالك شغل انت بسعليك تروح وتطالع شنو يصير
واعتقد انه راح يكون مثل ماقلت دورين تقريبا 50 الف

 

[ahmadq8]

فيه احد عنده معلومات يفيدنا فيها حق البنيان لا تبخلون في اي شي علينا

 

[Bo jana]

فيه احد عنده معلومات يفيدنا فيها حق البنيان لا تبخلون في اي شي علينا

مساء الخير ،،،
انصحك بمراجعة مكاتب هندسية استشارية . واذا حصلت بيت جديد وجاهز وبنيانه نظيف فهذا افضل بدل عوار الراس ... وبالتوفيق

 

[انطلق2]

ها أخوي أحمد

بشر شنو صار على بيتك؟؟

 

[ناصر250]

شكرا

 

[jemee]

الله يعينك انا صار لي سنتين ابني وللحين ما خلصت

اهم شيئ تشوف مقاول يخاف الله

الله يوفقك

 

[مضارب عقاري]

فية دورات في جامعة الكويت قسم خدمة المجتمع فيه دورات حلوه ورخيصه

لا والتدريب من مهندسين كويتيين ذو خبرة في السوق وينصحونك حسب ميزانيتك