اهل الجيبات تكفون نصيحتكم

الموضوع في 'اعلانات المركبات' بواسطة طارق المانع, بتاريخ ‏29 يونيو 2010.

حالة الموضوع:
مغلق
  1. طارق المانع

    طارق المانع عضو جديد

    التسجيل:
    ‏19 ابريل 2008
    المشاركات:
    20
    عدد الإعجابات:
    0
    السلام عليكم
    يااخوان تكفون طالب نصيحتكم وبميزان اعمالكم إن شاء الله ، والشاهد الله اني بدعيله (لا تخافون ماني داعي على احد) :)
    انا ناوي اخذلي جيب يكون استعمال خفيف من موديل 2007 إلى 2009 اهم شي يكون فيه هالمواصفات
    (مكيف ثلج - استعمال كد ومد - 3 كشنات _ سعر معقول)
    بشنو تنصحوني؟ السؤال عام وخصوصاً الاخوان اللي مجربين ياريت يحطون تجاربهم
     
  2. VXR2009

    VXR2009 عضو جديد

    التسجيل:
    ‏25 مايو 2009
    المشاركات:
    333
    عدد الإعجابات:
    0
    مكان الإقامة:
    الكويت
    خذلك لاندكروزر 2009او 2010 وانت تدعيلي فيه كل الي تبي وشيك متا ماحتجت تبيعه وانت واقف صج ان سعره غالي بس سعره فيه
     
  3. طارق المانع

    طارق المانع عضو جديد

    التسجيل:
    ‏19 ابريل 2008
    المشاركات:
    20
    عدد الإعجابات:
    0
    مشكور اخوي vxr2009 لكن طال عمرك انا ما رحت للمستعمل الا من الاسعار النار .. لاندكروزر طاق بالعلالي ابعدني عنه
     
  4. BO.MSHARY

    BO.MSHARY عضو جديد

    التسجيل:
    ‏5 يناير 2008
    المشاركات:
    225
    عدد الإعجابات:
    0
    دامك قلت كد ومد

    اكيد جيب ياباني

    واذا تبي جيب ياباني عندك هالجيبين ماعتقد في احد يختلف عليهم !!

    جيب تويوتا برادو 2007 - 2008 - 2009

    جيب نيسان باثفيندر من 2006 وانت رايح

    وعسى الله يوفقك وتحصل الموتر اللي يكد ويمد وياك :)
     
  5. مهم للغاية

    مهم للغاية عضو نشط

    التسجيل:
    ‏12 يوليو 2008
    المشاركات:
    594
    عدد الإعجابات:
    2
    مكان الإقامة:
    الكويت
    برادو ... من واقع تجربة .... مكيف ثلج + نشيط + 3 كشنات (فيه شوي ضيق) مو مثل اليوكن + دبل + سعره فيه + سعر معقول + قطع غيار بمتناول الجميع.
    اهم شي تاخذه نظيييييييييييييييييييييييييف

    موفق
     
  6. mtc3

    mtc3 عضو نشط

    التسجيل:
    ‏28 أغسطس 2008
    المشاركات:
    427
    عدد الإعجابات:
    0
    مكان الإقامة:
    كويتي
    النصايح الثمينه تكون بالليل , حتى يكون راعي النصيحه فارغ البال والفؤاد

    أخوي نصيحتي لك بما أنك تبي سياره من نوع جيب

    انصحك وانا راهي الفكر ولا متضايق ولا منزعج النصيحه هي

    جيب تيوووووووو يووووووو تـــــــــا بشكل عام ولا غيره

    ولك الخيارات من فئة اللآندكروووزر ...... وإلخ

    أو البرااادو بشرط يكون > 6 < سلندر

    ولا تندم تحياتي لك يامحتار
     
  7. خالد32

    خالد32 عضو نشط

    التسجيل:
    ‏15 أكتوبر 2009
    المشاركات:
    358
    عدد الإعجابات:
    0
    اخوي الفاضل عن تجربه قريبه خذيت لاندكروزر 2009 8 سلندر فل الموتر ماعليه كلام بس محترم زياده عن اللزوم يعني بالعربي لازم عندك سياره ثانيه للفرع والمشاوير القريبه لازم تحشمه الموتر مومال استعمال يومي ولايصلح اذا عندك اطفال راح تصدع اقعد يافلان ولاطق هذي يافلان دقمه واجد وماتم اسبوع وبعته بخساره وخذيت برادو بصراحه البرادو كامري جراندي على هيئة جيب سلس وريشه ومايصرف بانزين فوله 9 دنانير خزانين وانساه لي اللحين اسبوع استعمله ميه ميه موديل 2006 بس مثل ماذكرو الاخوان عيبه ضيق اذا انت راعي عايله بس اخذه وراح تدعيلي وملاحظه اخذته 6400 وجابلي 6500 يعني مايخسر كانت لي نية بيع ابي اكبر وهونت كل يوم تحترمه اكثر اخذه وانت مغمظ
     
  8. طلال المطيري_1

    طلال المطيري_1 عضو نشط

    التسجيل:
    ‏4 ابريل 2010
    المشاركات:
    458
    عدد الإعجابات:
    0
    وانا ر اي من راي الشباب غير لبرادو لاتفكر اخذه وريح بالك والله يوفقك وايسر امرك
     
  9. abu yousef

    abu yousef عضو جديد

    التسجيل:
    ‏22 مايو 2007
    المشاركات:
    548
    عدد الإعجابات:
    0
    البرادو وبس وما انصحك لاندكروزر ولو انها فئه وحده
     
  10. شنو السالفة

    شنو السالفة عضو جديد

    التسجيل:
    ‏21 فبراير 2010
    المشاركات:
    44
    عدد الإعجابات:
    0
    عمى عن تجربة جيب باجيرو مكينة 3800 فل اوبشن مكيف شهر 8 الظهر الساعة 2 اذا ما وخرتة عنك من برودتة ادع على وخرابات انسى انسى وخلة شغال وروح خلص معاملتك والاهل متكين على المكيف ولا حرارة ولا يحزنون والله انى لك من الناصحين وهم ثلاث كراسى اذا مو مصدق اجرة من الملا يومين ثلاث وشوف والله يوفقك يارب
     
  11. q81963

    q81963 عضو نشط

    التسجيل:
    ‏8 أغسطس 2008
    المشاركات:
    331
    عدد الإعجابات:
    0
    والله انصحك بالبرادو من واقع تجربه مكيف ثلج ونشيط بالشارع وبالبر وانسى الحراره
    وخذ من موديل الفين وسته وفوق طبعا خذ سته سلندر لان الاربعه ثقييل ومثل ماقالو الاخوان البرادو السته سلندر مثل الكامريي كد ومد ومكيف ثلج
     
  12. Rap Soul

    Rap Soul عضو جديد

    التسجيل:
    ‏2 سبتمبر 2007
    المشاركات:
    966
    عدد الإعجابات:
    0
    بسم الله الصلاة والسلام على رسول الله

    السلام عليكم ورحمة الله وبركاته

    عسى ربي يوفقني ويوفقك ياخوي واحصل السيارة اللي تسر خاطري وتحصل بالسيارة اللي تسر خاطرك

    اخوي بخصوص قول ( في ميزان اعمالك )

    شوف الرابط التالي
    http://ejabat.google.com/ejabat/thread?tid=5616ebd35bab058e

    والله تعالى اعلم

    في أمان الله
     
  13. jassem777

    jassem777 عضو جديد

    التسجيل:
    ‏10 مارس 2005
    المشاركات:
    510
    عدد الإعجابات:
    0
    مكان الإقامة:
    كويت العز
    نيسان سفاري او برادو اختارمنهم
     
  14. مسـتـثـمـر

    مسـتـثـمـر عضو جديد

    التسجيل:
    ‏23 أكتوبر 2009
    المشاركات:
    350
    عدد الإعجابات:
    0
    الله يجزاك خير

    بصراحة اول مره اعرفها

    جعل الله تنبيهك في موازيين حسناتك
     
  15. Se7T

    Se7T عضو جديد

    التسجيل:
    ‏25 يونيو 2009
    المشاركات:
    1,082
    عدد الإعجابات:
    0
    اخوي ثقافتنا كمجتمع خليجي مطيرين التيوتا واهو مايسوى لامركوب فيه خير ولا عزم ... اشتر وانيت هايلكس او ددسن بتلاقيهم نفس المواصفات ونفس المركوب ... تبي سوالف ربعنا اهنيه او تبي حسب المتصنيفات العالمية

    ربعنا اخذ تيوتا يعني تشتري عشان تبيع مو عشان ترتاح وتستعمل ... لا والتيوتا الحين عيوبة ماتترقع واحنا ماشين بتقاليد الشيبان

    نصيحة سيارة تستخدمها وترتاح ولما تركب بتكون راكب سيارة مو راكب بعير او صندوق طماط

    اخذلك يوكن مصنف عالميا السايرة الاولى بالعالم
    مركوب صح وموتر حلو مشاكلة قليله قطعه غيارة ممتازة مكيفة بارد وثلاث كراسي ورفاهيه وعزم وقوة وسعره في متناول الجميع

    واذا تبي تمشي حسب تقاليد الأموات خذلك طيوتا واشترة عشان تبيع مو عشان تستعمل وترتاح

    هذا بعد اذن الإخوان وبواقع تجربة تيوتا الالندكروزر واليوكن وجربتهم وضرب فيهم دروب والله التيوتا مايوسوى سعره بالذات للسفر يكسر الظهر ... اليوكن وعموم الأمريكي كشن الشفر ال79 يسوى كشن الاند موديل 2010 :)
    والبرادو حدث ولا حرج وزة بس على شكل جيب
     
  16. بث مباشر

    بث مباشر عضو نشط

    التسجيل:
    ‏14 مارس 2009
    المشاركات:
    556
    عدد الإعجابات:
    0
    انا من واقع تجربه جربت الامريكي والياباني ( شريت تاهو ٢٠٠٨ بسنته اهو ممتاز حق عائله بس عيبه كهربته تعبانه وكل ما تصلح شي يخرب شي ثاني والياباني شريت لاندكروزر ٢٠١٠ ٦ سلندر مركب حلو ومكيف ثلج ما شاء الله عليه كد ومد انت تبي سيارة مكيف بارد بالصيف ولا تفكر بالتصليح لا تفكر تاخذ غير تويوتا شوف اغلب الناس وين تروح للسيارات بس تويوتا فقط فقط فقط وموفق غير بالسيارة ألي بخاطرك
     
  17. sound blaster

    sound blaster عضو نشط

    التسجيل:
    ‏13 ابريل 2007
    المشاركات:
    1,004
    عدد الإعجابات:
    3
    مكان الإقامة:
    الكويت
    أبعد عن الباجيرو غير آمن ويقلب بسرعه ..وقبل فتره متوفي واحد من الربع الله يرحمه بهل موتر

    افضل خيارين .. تاهو أو برادو

    وبالتوفيق
     
  18. مهم للغاية

    مهم للغاية عضو نشط

    التسجيل:
    ‏12 يوليو 2008
    المشاركات:
    594
    عدد الإعجابات:
    2
    مكان الإقامة:
    الكويت
    المثل يقول ... يدل على الأصايل ...أثمانها ....

    شوف شنو السيارة اللي تحتفظ بقيمتها عند اعادة البيع .... وما تخسر فيها ....واسئل نفسك ... ليش هالناس يحبون هالسيارة ؟؟ هل هم اغبياء ؟ ما يفتهمون ؟ والا عشان هالسيارة كد ومد وخراباتها قليلة ؟؟ انت وزن الامر براسك وتعرف

    مو تسمع كلام واحد عاكس السير ويقولك الناس كلهم غلط وما يعرفون شي ..... بس اهوا الصح ....
    عسى الله يوفقك
     
  19. Se7T

    Se7T عضو جديد

    التسجيل:
    ‏25 يونيو 2009
    المشاركات:
    1,082
    عدد الإعجابات:
    0
    وانا اضم صوتي للأخ مهم للغاية
    شوف المراكز العالمية والمؤسسات المختصه في مجال تقييم السيارات
    لاتاخذ المعلومة من اشخاص لايفقهون ابسط امور حياتهم اليومية
    وان شاءالله بتهتدي للشيئ الزين بعيد عن سوالف الدواوين وشاي الضحى ... ابحث في قوقل وراح تشوف العجب
     
  20. Se7T

    Se7T عضو جديد

    التسجيل:
    ‏25 يونيو 2009
    المشاركات:
    1,082
    عدد الإعجابات:
    0
    وى سحب السيارات تعود للأسواق
    تويوتا تسحب 1300 سيارة من الإمارات بسبب أعطال تصنيعية
    تكبير الخط
    7/2/2010 الآن - وكالات 1:05:47 PM


    أعلنت شركة تويوتا موتور، كبرى شركات صناعة السيارات في اليابان، عن عزمها استدعاء نحو 90 ألف سيارة في اليابان نتيجة لخلل في المحرك، فيما ذكر الوكيل المعتمد لتويوتا في الإمارات العربية المتحدة عن عزمه سحب 1300 سيارة بسبب أعطال تصنيعية.


    جاء إعلان سحب الشركة في اليابان خلال تصريح لشبكة CNN الخميس، لتعود بذلك الشركة إلى عمليات استدعاء السيارات التي نفذتها في وقت سابق، وتم على إثرها استدعاء ملايين السيارات من مختلف الطرز، نتيجة لخلل في مبدلات السرعة وناقل الحركة، الأمر الذي تسبب في تراجع مركز الشركة عالمياً وكذلك مبيعاتها.

    وفي الإمارات، اتفقت وزارة الاقتصاد مع شركة 'الفطيم'، الوكيل المعتمد لسيارات تويوتا،على إتمام الشركة لسحب 1300 سيارة من طراز 'ليكزس ال اس 460' من أسواق الدولة بسبب أعطال تصنيعية خلال شهرين وتوفير سيارات بديلة للمستهلكين، بحسب الدكتور هاشم النعيمي مدير إدارة حماية المستهلك في وزارة الاقتصاد.

    وأوضح النعيمى في تصريح لصحيفة 'الاتحاد' الإماراتية، التي تصدر في أبوظبي، أن 'الفطيم' أكدت أنها ستقوم بعملية سحب هذه السيارات خلال الأيام المقبلة بشكل تدريجي خلال فترة لا تتجاوز الشهرين حيث ستقوم بإصلاحها وإرجاعها للمستهلكين.

    وأوضح النعيمي ان من حق المستهلكين الحصول على سيارة بديلة من شركة الفطيم لحين إصلاح السيارات وإرجاعها مرة أخرى لأصحابها.

    وكانت صحيفة 'نيكاي' الاقتصادية الصادرة أمس قد أكدت أن شركة تويوتا اليابانية لصناعة السيارات قررت استدعاء عشرات الآلاف من سياراتها طراز 'لكزس إل.إس 460' في أنحاء العالم بسبب خلل وذلك بهدف إصلاح الخلل.

    وأوضحت الصحيفة أن الخلل يكمن في توقف محرك السيارة وعدم القدرة على تشغيله من جديد بدون سبب واضح.

    وكانت صحيفة 'الوطن' السعودية قد ذكرت أن تويوتا قد تسحب حوالي 270 ألف سيارة من طرازاتها الفارهة، من بينها 180 ألف سيارة بيعت في الخارج بسبب مخاوف تتعلق بتوقف المحرك.

    ونقلت الصحيفة عن متحدثة باسم تويوتا أن قرار الشركة يتعلق بسبعة طرازات من سيارات 'لكزس' الفارهة وطراز واحد من سيارات 'كراون' المزودة بمحركات سعة 4.6 و3.6 لترات.

    وقالت المتحدثة إن بعض تلك السيارات قد تكون بها مشكلة في حركة الصمام داخل المحركات بما يسبب صوتا غير عادي أو توقف تلك المحركات، وأنها قد تتوقف أثناء سير المركبة، وفي أسوأ السيناريوهات عدم القدرة على إعادة تشغيلها، مضيفة أن الشركة تلقت تقارير عن حوادث مرتبطة بتلك المشكلة.

    http://www.alaan.cc/pagedetails.asp?nid=55075&cid=46

    هذي ليكزس :) باقي الكراكيب شلون !
    صراحة الساير محظوظ بزباينة العشرة ماتهون عليهم فوق ماهو حراقهم ومستقلهم شغالين مدح الشركة اعترفت مافي مدح سي ان ان هم موقادرين السيارة الاولى مشكلة القرد بعين امه غزال
     
حالة الموضوع:
مغلق