لاتستغرب انت في دولة الكويت

[ابو الوليد خالد]

السلام عليكم ورحمة الله وبركاته :

من باب الدعابة وتغير الاجواء المشحونة

قررت انزل بعض الامور الغريبة التي تحصل مدعمة بالصور

ملاحظه مهمه

ارجوا من الاخوة عدم التعليق حتي يتسنى لنا وضع اكبر عدد من المواضيع بدون تجريح

ويمكن المشاركة بوضع موضوع ملفت مع صور

وارجوا من جميع الاخوان تقبل المواضيع بصدر رحب مع احترامي لكل من يحب الكويت وشعبها الموضوع الاول :


مذيع يصير عضو مجلس امة وومذيع يصير وزير ماكو شي غريب بس الغريب عضو مجلس امة يصير مذيع

 

[Winchester SX3]

للأسف بقولك ردي هو عنوان الموضوع!!

 

[ابو الوليد خالد]

بنك بنك بنك

بنك ربوي يتحول اسلامي مو غريبة
بس بنك اسلامي يشتريه بنك ربوي ؟؟

 

[khalid592]

موضوعك روعه

 

[ريح المسك]

لا تعجـبن إن ابتليـــت بمثلهم ,,,, أو يعتريك من الزمـان ذهولُ



فلربما ساد الأمــور رويــبضٌ ,,,, ولربما سـاد الكــرام ذليلُ



ولربما افتخر الجبـان بطعنـــه ,,,, ظهرَ الشجاعِ وسيفُه مسـلولُ



اصبر على ظلم الظلوم وحقــده ,,,, فلشمسِ أيـام الطغـاة أفولُ



هاهم إذا ما صارت الدنيــا لهم ,,,, بكت الديارُ وصوتهن عويـلُ

 

[ابو الوليد خالد]

متابعة

ان ترا الناس في المسجد ليس غريب
لكن الغريب ان ترا الامام على المسرح

 

[ابو الوليد خالد]

مواقف المطار

اذا ركنت سيارتك بمواقف مطار الكويت تدفع اول ساعة 200 فلس مو مشكلة

لكن الساعة الثانية تدفع 400 فلس والثالثة 400 فلس يعني لو تقعد بالمطار ساعتين وخمس دقايق تدفع دينار .

اظاهر ماشين على المثل كل تاخيرة وفيها خيرة

 

[سيف راكس]

نفس العنوان كل شي يصير

 

[ابو عبدالله 7]

شكرا

 

[ابو الوليد خالد]

متابعة

امراة اجنبية زارت الكويت فلما رجعت قالوا لها ماذا وجدتي قالت اي مكان تذهب اليه تشم رائحة المجاري .


والله الواحد يتضايق وهو يكتب هذا الكلام بس هذا الي حاصل والله يستر علينا وعلى بلدنا

 

[الحـــوت]

امراة اجنبية زارت الكويت فلما رجعت قالوا لها ماذا وجدتي قالت اي مكان تذهب اليه تشم رائحة المجاري .


والله الواحد يتضايق وهو يكتب هذا الكلام بس هذا الي حاصل والله يستر علينا وعلى بلدنا

هههههههه
ماعليه اخوي ضحكتني لأنه بصراحه صارت وياي زاروني ناس من دوله من الدول ويوم رديت زرتهم وسولف معاهم قالوا لاتواخذنا يافلان ديرتكم ريحتها مجاري والبحر يوم تسبحنا فيه حاشتنا حكه مع ظهور بثور حمره صغيره .
والمشكله ريحت المجاري تدش مع المكيف ولو شنو سويت
هههههه

 

[ابو الوليد خالد]

كهرباء

استغرب ازمة كهرباء ومطلعين هالمشاريع العملاقة يعني شلون راح يمدونها بالكهربا .

يمكن جايبين ماطور كبيــــــــــــــــــــــــــــــــر حق هالمشاريع

 

[aloood10]

ابتسم انت في الكويت ..

 

[sound blaster]

لا تعجـبن إن ابتليـــت بمثلهم ,,,, أو يعتريك من الزمـان ذهولُ



فلربما ساد الأمــور رويــبضٌ ,,,, ولربما سـاد الكــرام ذليلُ



ولربما افتخر الجبـان بطعنـــه ,,,, ظهرَ الشجاعِ وسيفُه مسـلولُ



اصبر على ظلم الظلوم وحقــده ,,,, فلشمسِ أيـام الطغـاة أفولُ



هاهم إذا ما صارت الدنيــا لهم ,,,, بكت الديارُ وصوتهن عويـلُ

صح لسانك..!

 

[ابو الوليد خالد]

البورصة

الصورة الاولى تمثل حال البورصة ايام العز .
الصورة الثانية بعد ان اكلت اموال المساهمين .
الصورة الثالثة حال المواطن بعد هبوط البورصة .

 

[ikdla]

عنيف يا ابو خالد
بصراحه جدا عجبني موضوعك والتناقضات كثيرة عندنا بالبلد والسبب الفساد الاداري والمالي.

مافي بلد فالعالم يشيع فيه الفساد الا وسخط وغضب رب العالمين عليه وزاد المصائب فيه.

يا اخي عن شنو نتكلم ؟
ما ذكرت عن شنو نسكت لانه لا يوجد شئ في البلد يسكت عنه فالبلد كلها مفسده من فوق لتحت.

تتكلم عن الوزراء ؟ فهم الطبقة الكبرى بالمفسده,
اعضاء المجلس, يذكروني باللي يلعب مع ربعه جنجفه بغرض تكملة العدد فقط وان فاز "خير وبركه" يفوز بشيك طبعا

عن الشعب فالحال في تدهور والحين البنات يلحقونا والعياذ بالله.

عن الدراسه ؟ شوف نص الشعب الكويتي يدرس برة والسبب ؟ تدرس محاسبة يعطونك مواد عن الجولوجيا وعلم الارض.

عن السيارات والتجارة فالاحتكار والنهب عينك عينك.

عن الاكل والشرب, شوف حليب الكي دي دي بجم واطلع من حدود الكويت لاول استراحه بالسعوديه تلاقيه بنص السعر "علما بان ممنوع تجيبه معاك"

شنو تبي نقول وشنو تبي نسكت عنه ؟
في كل شي عندنا تناقض عن الحال الطبيعي لحياة البشر.


اللهم اصلح امرنا وامر ولاة امورنا, اللهم اغفر لنا وارحمنا وعافنا وعفو عنا وجميع المسلمين والمسلمات الاحياء منهم والاموات,
اللهم آمين.

 

[اليوفي الثاني]

هههههههه
ماعليه اخوي ضحكتني لأنه بصراحه صارت وياي زاروني ناس من دوله من الدول ويوم رديت زرتهم وسولف معاهم قالوا لاتواخذنا يافلان ديرتكم ريحتها مجاري والبحر يوم تسبحنا فيه حاشتنا حكه مع ظهور بثور حمره صغيره .
والمشكله ريحت المجاري تدش مع المكيف ولو شنو سويت
هههههه

تبيها على خرابها :d

 

[ابو الوليد خالد]

تابع

عضو مجلس بلدي يصير وزير ووزير يصير عضو مجلس بلدي

والشغلة الثانية وحدة تنزل انتخابات تسقط تعينها الدولة يعني الشعب مايبها والدولة تبيها . .. . . . . ابخص وماحطيت صورهم السبب معروف

 

[ابو الوليد خالد]

تابع

يطلع من امن الدولة يصير وزير ويطلع من امن الدولة يصير عضو مجلس بلدي طيب مو في شي اسمة شهادة حسن سير وسلوك . سلملي على السلوك