بالنسبه لإنهيار السوق حالياً !!!

[w!CkEd]

السلام عليكم ورحمة الله وبركاته



بالنسبه يا جماعه لإنهيار السوق حالياً

ما هو السهم الذي تنصح في شرائه ؟؟


يا ريت كل واحد يحط سهم تثق فيه وينفع كَـ مدى طويل أو قصير أو للمضاربه.



إجاباتكم.

 

[shark_1]

اخوى سوقنا صار بو تكه وتكه ونص . اشتر اسهم حد ادنى واعرضها تكه وحده لا تطمع . ولاتشترى سهم وتروح البيت كاشخ فيه بيعه براس المال لان سوقنا منتهى انا شريت اسهم بالحد الادنى يوم الخميس بعت اغلبهم تكه وحده والبعض بعتهم براس المال بس استثمارات وطنيه صفقه وحده حذفهما اخر الوقت بال275 فلس علىّ مالحقت ابيعه

 

[Cigar_70]

والله حرام هالفلوس اتروح في بطن التجار وفي بطن شركات الوساطة

ع اساس انك مضارب ..اي مضاربة اي بطيخ تشتري سهم واتبيعه براس ماله حسبالك هذي المضاربة كله ببطن شركات الوساطة ليش هالعب بحلالك المكتب ماخذ منك بالشراء والبيع
لو اتحسب الفلوس الربح من المضاربة الفورية تطلع خسران يوميا اكثر من اللي ربحته ..


المضاربة الصحيحة هي تاخذ متوسط السعر بين صفقاتك واتقسمهم على 2 او 3 او 4
يطلع عنك متوسط سعر بمعنى اخر

شريت التمدين العقارية 10 الاق سهم 248 كسر وشريت وحده 255 نفس الكمية تجمعهم وتقسمهم على 2 وتشوف السهم بكم واتبيع (هذي المضاربة الفعلية )

يوميا اشوف بسوق الكسور مثال ع ذلك اسهم الصناعات الوطنية كسور 10 آلاف سهم باسعار زهيدة جدا 242 و244 و236 و238 فلس ليش اخوان ؟؟؟؟

اغلبهم صغار المستثمرين تلقاهم شارين السهم ع 280 ف اذا ماعندك فلوس من الاول ليش شاري علشان تربح 50 دينار لو تشيل العمولة تطلع ربحان 30 دينار

نزول المؤشر السعري من صغار المستثمرين تحذف بالحد الادنى وباجر لو صعد السهم قاعد اتحسف واتحلطم ...

يا اخوان الصبر زين ...اعرف شخص يقعد معانا بالبورصة عنده تقريبا مبلغ جريب 30الف دينار وما يلقط الا كسور شركتين او 3 شركات ولازم تكون من الاسهم القيادية ويقول اجمع فيهم من الادنى جم وحده واخشهم بعد ما يرتد السوق يبيعم باسعار الوحدات هذا الشغل الصح

يا جماعة الخير ادري طولتها بس لازم اتعرف شغله السوق يوم صاعد وعشرة نازل اذا الواحد منا نزل السهم عنده احذفه بالحدود الدنيا ما يصير عندك ولا فلس ..

وتقبلوا مني وجهة نظري

 

[NEW حاكم السوق]

عدل شغله يالسيجار ... هات أولعلك ....