رساله الى الحكومه

[abo-hadi]

بالاصاله عن نفسي ونيابة عن اخواني الخسرانيين اوجه رساله الي الحكومه العزيزه واقول لهم يا حكومتنا العزيزة هل تنتظرون مشكله اخرى غير مشكلة القروض تصيب المواطنيين المساكيين بالشلل التام ومن بعدة الموت الزؤام ... اين 47 مليار ؟ و اين المركز المالي والاقتصادي ؟ واين الفائض في الميزانيه ؟ واين اموال صفقة زين ؟واين الصتاديق الكويتية التى تدعم البعيد والقريب حتى ما توقفلة . واين واين واين اين نحن ذاهبون الى اي قاع ياترى والى متى سنظل صامدين وحكومتنا . والله ادري انهم عارفين. وشايفين. ودارين. ومطنشين .واذن من طين واذن من عجين. والحمد لله رب العالمين

 

[مضارب بورصوي]

قالوها من زمان يبون طبقتين

 

[هاربر2]

لا عاد امصخت السالفه لازم تدخل حكومي سريع

 

[البخيت]

يبه العيب بالشعب مو بالحكومه

عمري ما سمعت بشعب يكره بعض كثر الكويت

طالبو باسقاط القروض الي مو ماخذين قروض قالو ضلم شمعنا طيحون عنهم واحنا لا

الدواوين شالوها الي مو حاط دوانيه قال زين يسون غثونا العالم بالتعديات

حتى ازدواجيه الجنسيه قالو ليش يترزق بدولتين ليش الله يوسع له بالرزق ما يصير

الصقر مره بلقاء ساله المذيع عن اسقاط الفوائد قال ما يصير ويعتبر هدر للمال العام
وشنو ذنب الي ما اخذ قرض

وبعد السؤال بدقيقه ساله عن البورصه وقال الحكومه لازم تدخل وتجدول قروض الشركات

جدوله قروض المواطن تعتبر هدر للمال العام
جدوله قروض الشركات مصلحه للشعب العام ههههههههههه

انزين شنو ذنب الي ماعنده شركه البورصه

 

[جمبازي]

لا عاد امصخت السالفه لازم تدخل حكومي سريع

ليش تتدخل الحكومه ؟؟؟


ماكو عداله ..والى ماعنده اسهم ..او ماله شى بالبورصه ؟؟شنو ذنبه ؟

الشركات نازله بسبب القروض الى ماخذتها وتوسعت بدون دراسه ..لازم تتحمل النتيجه حالها حال المواطن البسيط الى اخذ قرض .


الدنيا دواره ...سبحان الله


ويمكرون ويمكر الله والله خير الماكرين

 

[هاربر2]

الاقتصاد هو البلد مافي اقتصاد يعني مافي بلد افهم يا فهيم