الشاليه الوحيد بالكويت مع حمام سباحه برايفت

الموضوع في 'اعلانات العقار' بواسطة السهم الامريكي, بتاريخ ‏4 يوليو 2010.

  1. السهم الامريكي

    السهم الامريكي عضو نشط

    التسجيل:
    ‏5 أكتوبر 2004
    المشاركات:
    4,134
    عدد الإعجابات:
    17
    مكان الإقامة:
    طبعا الكويت
    العرض لمدة اسبوع

    شاليه بمنتجع صحارى الكويت على طريق الدائري السادس والمنتجع 5 نجوم وقمة للي يدور الخصوصية والاسترخاء وسعر الليلة 225 تقريبا لشاليه مكون من غرفتين وحده ماستر ومطبخ تحصيري يطل على حوض السباحه الخاص فيك يعني الحوض لك ولعيالك طول اليوم ولا احد يقدر يطل عليك والعرض اللي عندي الشاليه موجود للويكاند من تاريخ 29-07-2010

    اليوم بسعر 130

    وهذا موقعهم


     
  2. BU ALI

    BU ALI عضو نشط

    التسجيل:
    ‏14 مايو 2008
    المشاركات:
    688
    عدد الإعجابات:
    2
    السلام عليكم :

    ممكن رقمك للأستفسار .
     
  3. السهم الامريكي

    السهم الامريكي عضو نشط

    التسجيل:
    ‏5 أكتوبر 2004
    المشاركات:
    4,134
    عدد الإعجابات:
    17
    مكان الإقامة:
    طبعا الكويت
    تم الرد
     
  4. السهم الامريكي

    السهم الامريكي عضو نشط

    التسجيل:
    ‏5 أكتوبر 2004
    المشاركات:
    4,134
    عدد الإعجابات:
    17
    مكان الإقامة:
    طبعا الكويت
    لا اله الا الله
     
  5. بث مباشر

    بث مباشر عضو نشط

    التسجيل:
    ‏14 مارس 2009
    المشاركات:
    556
    عدد الإعجابات:
    0
    ممكن رقم علي الخاص ابي استفسر بس عن السعر والتاريخ وشكرا
     
  6. السهم الامريكي

    السهم الامريكي عضو نشط

    التسجيل:
    ‏5 أكتوبر 2004
    المشاركات:
    4,134
    عدد الإعجابات:
    17
    مكان الإقامة:
    طبعا الكويت
    شباب العرض موجود لحد هاليومين وبس وللتوضيح اكثر الحجز للويك اند 3 ليالي من يوم الخميس للاحد والسعر نهائي 400 دينار
     
  7. OVER-THE-TOP

    OVER-THE-TOP عضو جديد

    التسجيل:
    ‏20 نوفمبر 2006
    المشاركات:
    1,706
    عدد الإعجابات:
    0
    مكان الإقامة:
    kuwait
    الصراحه عرض خيالي والله

    بس انا حاجز هالويك اند في بانيان تري البحرين فلا مع حمام سباحه وجاكوزي برايفت ولا جان وانا مغمض خذيته ؛)

    الله يرزقك ويهني اللي بيشتريه
     
  8. saud101

    saud101 عضو نشط

    التسجيل:
    ‏12 يوليو 2008
    المشاركات:
    233
    عدد الإعجابات:
    26
    رقمك علي الخاص
     
  9. الشرقاوي

    الشرقاوي عضو نشط

    التسجيل:
    ‏11 ديسمبر 2004
    المشاركات:
    693
    عدد الإعجابات:
    39
    والله حرام هالاسعار الخياليه
    انا ساكن بفندق درجه اولى بالنمسا مو زلامسي بس احلى منها غرفتين وفيه كل الخدمات مع افطار وغداء وعشاء ويطل على شلالات وغابات لاتراها الا بالافلام بسعر 120 دينار لخمس اشخاص
    بجو خيالي
    وبالكويت شاليه بجو فرن ومغبر الليله اكثر من 250 دك ماتقدر حتى تقعد بالبلكونه من الحر والغبار
    لا وفي بعد شقق قمه في التظافه والجمال تتكون من غرفتين ومطبخ وبلكونه تطل على جنه من جنان الله على الارض وبسعر 25 دينار بالليله
    المفروض الشاليه بالكويت مايزيد سعر الليله عن خمس دنانير
     
  10. السهم الامريكي

    السهم الامريكي عضو نشط

    التسجيل:
    ‏5 أكتوبر 2004
    المشاركات:
    4,134
    عدد الإعجابات:
    17
    مكان الإقامة:
    طبعا الكويت
    حياك الله يالغالي ويا رب تستانس هناك ضعف وناستك على عرضي هذا واتمنى تعطيني تفاصيل الحجز بالبحرين للنظر بتجربته بالمستقبل القريب وشاكرلك
    تم
    انا معاك 100% يالغالي واذا بنتكلم بهالطريقة معناها ما لازم نعيش بديرتنا ولازم كل الناس بالصيف بره الكويت والمنطق يقول غير جذي وبعدين بخصوص الفندق اللي يطل على جنة من جنان الله بغيت اعرف اشلون رحتله على ظهر المارد ولا بتذكرة لك ولك شخص بعايلتك وهذا غير مصروفات السفر اللي ما تخلص واللي ماتدري من وين تطلع وكلامي هذا مو تبرير عن انه اسعار الشاليهات بالكويت معقوله لا حشى بل بالعكس ومثل ما قلت تعتبر الاسعار مبالغ فيها بس شنسوي ما بيدنا شي ولا راح تنزل هالاسعار بيوم من الايام طالما فيه ناس تحجز وللعلم فقط تره هالشاليه اللي انا عارضه يعتبر لقطه بالسعر اللي حاطه لانه بيوم من الايام كان سعره بحدود ال400 دينار وسامحني عالاطاله بس هذه الحقيقة وشكرا
     
  11. نص عليمي

    نص عليمي عضو نشط

    التسجيل:
    ‏17 ديسمبر 2006
    المشاركات:
    293
    عدد الإعجابات:
    52



    لما قلت الليلة 225 دينار


    خيالي راح بعيد

    وقلت أكيد هذا الشاليه

    يطل على :





    [​IMG]




    أو على :



    [​IMG]



    أو على :



    [​IMG]




    أو على :




    [​IMG]





    أو على :




    [​IMG]





    أو على :




    [​IMG]









    وبعدين حسيت اني عشت في عالم ثاني ....

    بس لا زال مبلغ ال 250 دينار في بالي ....

    وقلت يمكن الجو بالكويت متغير

    لهذا السبب سعره غالي ....

    وقمت من فراشي الوثير

    وفتحت الدريشة

    علشان اشوف الجو

    متغير وإلا لا ؟!




    واول ما فتحت الدريشة شفت هالمنظر الطبيعي الخلاب:










    [​IMG]


    أكلمكم وأنا ألحين بالمستوصف حاط كمام






    250 على شنو بالضبط ؟؟؟؟؟؟؟؟؟؟؟؟
     
  12. السهم الامريكي

    السهم الامريكي عضو نشط

    التسجيل:
    ‏5 أكتوبر 2004
    المشاركات:
    4,134
    عدد الإعجابات:
    17
    مكان الإقامة:
    طبعا الكويت
    سلامتك من التنق وتعليق رهيب صراحة بس انا استغرب من شغلة كلنا عايشينها ونعرفها يعني كلنا كويتيين وعارفين انه بالصيف كلنا ككويتيين عايشين تحت رحمة القطع المبرمج واحنا نفسنا قاعدين نبني بهالفتره محطات كهرباء لدول ثانية ونفس الشي احنا نفسنا عندنا شركات تعرض منتجاتها بسعر اعلى من اسعارهم بره الكويت مع العلم انه البيع بره الديرة تكلف الشركة وايد اكثر من بيعها لمنتجها داخل الديرة واحنا نفسنا عندنا اعلى ايرادات من انتاج النفط ولله الحمد وبنفس الوقت عندنا اتعس واهم وزارتين بكل دولة التربية والصحة واحنا نفسنا اسعار مكالماتنا الاغلى بالعالم مقارنة مع دول فقيرة لدرجة ما نتصورها واحنا نفسنا اسعار سيارتنا بالكويت اغلى من اسعارها بره الكويت على بعد كيلو مترات بسيطة واحنا واحنا واحنا ..................

    بالتالي لا تستغرب لمن تكون الاسعار خيالية وفوق الخيالية بعد واذا بتشوف حتى الخيران اسعارهم مبالغ فيها وعلى ولاشي وبالنهاية تراني انسان على قد حالي ومستواي يمكن اقل من مستواك والحمدلله على كل حال وتراني مو صاحب هالمنتجع ولو كنت صاحبه كان فيه احتمالية اني اسوي اجتماع واغيرلكم بالاسعار وتراني من الاخر ماخذه على اسم واحد من اهلي بالبترول الوطنية وسعري نفسه اللي عارضه الحين لكم يعني حتى بهذه ما فكرت استغل احد ولله الحمد وسبب البيع اني اجرت الاسبوع اللي فات واليهال شبعوا تقريبا مع انه ما كان له داعي اني اقصلك القصة كامله بس ما يمنع تكون الامور اكثر شفافية عشان تتضح الامور اكثر وتراني بالنهاية مؤيد لك تماما بالمبالغة بالاسعار بديرتنا بس هالشي مو يديد وانا اشوف عرض الشاليه هذا يعتبر مغري فيما لو حسبتها على اي شاليه بنفس المواصفات بديرة ثانيه ناهيك عن تكاليف بتطلعلك من كل صوب واسف عالاطالة
     
  13. alkhamis

    alkhamis عضو جديد

    التسجيل:
    ‏13 سبتمبر 2007
    المشاركات:
    72
    عدد الإعجابات:
    0

    اموفق خيـــــر يالغالي عسى الله اباركلك وتستانس
    على جم حجزت الليلة
    من فترة امسوين علية عرض سفريات جمعية مشرف 100د.ك الليلة
     
  14. alkhamis

    alkhamis عضو جديد

    التسجيل:
    ‏13 سبتمبر 2007
    المشاركات:
    72
    عدد الإعجابات:
    0
    بالعكس السعر جداً مناسب من230د.ك الى 130د.ك

    بـالتوفيـــــق اخــــوي
     
  15. السهم الامريكي

    السهم الامريكي عضو نشط

    التسجيل:
    ‏5 أكتوبر 2004
    المشاركات:
    4,134
    عدد الإعجابات:
    17
    مكان الإقامة:
    طبعا الكويت
    اجمعين يالغالي وفعلا مثل ما قلت العرض مغري في حال قارناه مع الاسعار بالكويت والسعر مبالغ فيه في حال قارناه بالمنتجعات اللي صوب شلالات نياجرا
     
  16. OVER-THE-TOP

    OVER-THE-TOP عضو جديد

    التسجيل:
    ‏20 نوفمبر 2006
    المشاركات:
    1,706
    عدد الإعجابات:
    0
    مكان الإقامة:
    kuwait
    يعطيكم العافيه يا شباب

    الموضوع خذا اكبر من حجمه الريال يبي يبيع شي قيمته ٢٢٠ او ٢٤٠ دينار وماكو حجز ب١٣٣ تقريبا

    ايي واحد يقوله غالي ومايطل على بحيره زلم سي ولا انتر لاكن ولا جنيف شنو هالكلام انا مالي شغل انقهرت ؛)

    ميزه هالشاليه انه في حمام سباحه خاص فيك تسبح الياهال والبنات وامهم في مكان خاص فيك

    عندي احسلي من اشوف منظر شلالات نياقرا واهلي ما يقدرون ينقعون اريولهم فيه

    ( الناس احتياجاتا تختلف يا عالم)

    ماعليه اخوي السهم الامريكي بس مارقدرت امسك نفسي ؛)*
     
  17. السهم الامريكي

    السهم الامريكي عضو نشط

    التسجيل:
    ‏5 أكتوبر 2004
    المشاركات:
    4,134
    عدد الإعجابات:
    17
    مكان الإقامة:
    طبعا الكويت
    شنو هالكلام بالعكس والله انا مو من النوع اللي ببيع شي معين وخايف الناس تطلع عيوبه لا والله حشى وانا دايما اقول النقاش مفتوح بهالجزئية عشان ما يكون في الموضوع تلاعب لا سمح الله وانا مرات استخدم هالحق عشان التوضيح لي ولغيري من الشباب بس يمكن مو باسلوب استهزاءي وان شاءالله صاحبنا اللي شارك ما كان له هالقصد وانا مستعد للاجابة على اي استفسار لانه من حق اي عضو يبي يدفع مقابل شي يستفيد منه وانا مؤيد لفكرة انه البضاعه المعروضه تتعرض لكم هائل من الاسأله عشان زواياها تكون واضحه للمشتري وهالشي صحي ويكشف اي عضو يفكر انه يمشي بضاعته على باقي الاعضاء ولانها فعلا صارت وانا واحد من الناس وايد استفدت من هالسالفه واكثر من مره كنت ناوي خلاص اشتري وباخر لحظه يقوم واحد من االاعضاء بتوضيح نقطه مهمه انه هالبضاعه موجوده بالسوق مثلا وبسعر ارخص وهالشي حلو عشان ما يكون فيها اي تلاعب


    وبعدين يا خوي over-the-top لا تنقهر ولاشي والناس اطباع ولازم اتوقع كلشي وبعدين تره مالك خصم اكثر من المعروض :d:d:d

    على راسي وتشرفت بمعرفتك
     
  18. السهم الامريكي

    السهم الامريكي عضو نشط

    التسجيل:
    ‏5 أكتوبر 2004
    المشاركات:
    4,134
    عدد الإعجابات:
    17
    مكان الإقامة:
    طبعا الكويت
    تم البيع

    ارجوا من ادارة المنتدى اغلاق الموضوع وشكرا
     
  19. q8ty_azgarty

    q8ty_azgarty عضو جديد

    التسجيل:
    ‏17 أغسطس 2009
    المشاركات:
    437
    عدد الإعجابات:
    0



    اي والله يا اخوان رحم الله والديكم انا وياكم ابكل كلمه قلتوها كفيتو ووفيتو الجو ارطوبه وحر وغبار ونار وشرار علي شنو هالاسعار مادري هال200 دينار اروح فيها البحرين يمكن نفس الجو بس اسم اني طلعت من الديره ويغيرت جو
     
  20. السهم الامريكي

    السهم الامريكي عضو نشط

    التسجيل:
    ‏5 أكتوبر 2004
    المشاركات:
    4,134
    عدد الإعجابات:
    17
    مكان الإقامة:
    طبعا الكويت
    أنا أؤيد كلامك ميه بالميه بس يبقى فيه شي اسمه الناس أذواق وفيه اللي يحب يروح اوروبا للبراد وتلقى بنفس الوقت ناس تستمتع اكثر بتايلند وماليزيا مع الرطوبه العالية اللي عندهم وفيه اللي يشتري نوكيا ب9 دنانير واللي يشتري فيرتو ب9000 دينار والهدف واحد المكالمة وانا سبق وذكرت انه المبلغ مبالغ فيه جدا وانا عرضت نص سعرهم وللعلم عشان يكون تأكيد لكلامي انا حاجز من اكثر من شهر وهذا التاريخ الوحيد اللي حصلته لانه فل ومافيه لرمضان حجوزات وهالناس اللي حاجزه للعلم مو بالعرض اللي عندي يعني حاجزه على 250 للليله تقريبا وهذا ناهيك عن انه وايد ناس ما تقدر تسافر وتشتري تذاكر لست اشخاص وسكن للعدد نفسه لانه راح يطلع عليهدبلات ويمكن ما يكون عنده مجال يسافر لظروف معينة وشكرا