مصيبة كارثه.....

[ريح المسك]

لاياضحايا سوق الاسهم حضرو عند ( ........)
=انخو (.......) نخوت صويب المعركه تال النهار
قولو يابو ناصر ترى ثلثين من شعبـك هلـك
=بعد انهيار السوق منهارين اشـد الانهيـار
رحنا سمك في بحر لو مافيه بحر بلاسمـك
=ولارزاقنا ميعاد في حلوق الهوامير الكبـار
نبا نصيد وفي النهايـه كلنـا صيـدت شبـك
=هذا الدمار الشامل الي مايقارن بـه دمـار
رحنا وطي رحنا طعام جحوش مـالا نمتلـك
=بلوى مصيبه كارثه توخـذ بعيـن الأعتبـار
أحدن وقف وأحدن برك مثل البعير اليا بـرك
=وحدن فرك وحدن يسحب فروته حول المطار
والي ضحك تراه يضحك لاشعوري لوضحك
=تلقاه بعد ايام يكـت بالقلـم فـوق الجـدار
معاد ندري وش حصل لكن شـرن مشتـرك
=يحول اليسرا يمين يحـول اليمنـى يسـار
واللون الأحمر نكرهه كرهن قوي مافيـه شـك
=يصيبنا هستيريـا وحبـاط لشفنـا اللون الحمـر
اندور اللون الخضر حتي علي جنوب التنـك
=انجمع الجرجير والكراث من سوق الخضار
حتي ليا شفنا الطماط نحس بشي من الضنـك
=يازين لون الفلفل الأخضر ويازين الخيـار
وان كان مانحلت قضيتنا بعد هـا المعتـرك
=200 في 100 دعاوينا انهيارن في انهيـار