اللي عنده رأس مال وماعنده مشروع يتفضل بدون مقابل

الموضوع في 'الوظائف والأعمال التجاريه' بواسطة فهد97788, بتاريخ ‏5 يوليو 2010.

  1. فهد97788

    فهد97788 عضو نشط

    التسجيل:
    ‏12 أغسطس 2007
    المشاركات:
    307
    عدد الإعجابات:
    0
    قيمة هذا الموضوع دعوه صادقه فقـــط .

    أخواني من باب حب لأخيك ماتحب لنفسك

    بقول مشروع دخلت فيه ولله الحمد شفت فايدته والخير من وراه

    وهو مشروع ( شراء وتأجير تناكر المياه )

    طبعاً كل مشروع مدخوله على حسب رأس ماله

    وانا بتكلم عن ابسط رأس مال وهو من 6000 إلى 7000 دينار

    وللعلم انا بدات فيه برأس مال ( صفر ) دينار

    لأني شريت أول تنكر على الراتب فقط .. يعني اقساط والحين الحمدلله

    ماعلي ولا دينار لأي شركه او بنك او شخص ( والفضل لله سبحانه )





    طريقة المشروع /


    تشتري تنكر ماء بالسعر المحدد بالأعلى وبعد ماتشتري التنكر لك طريقين

    1 / تدخل التنكر أي شركه وعلى حسب علاقاتك ويجيك شهري على حسب العقد بس أقل عقد مو أقل من 600 شهري طبعا تخصم منها راتب السايق والديزل يصفي معاك تقريبا 300 دينار .. وأغلب المشاريع يتنهى الدوام العصر وإذا صاحب التنكر شاطر يشغله بعد العصر يومياً وأقل شي يجيب يومياً 10 دنانير يعني بالشهر من دوام العصر يطلع معاك 300 دينار
    يعني تعوض اللي خصمته لسايق والديزل ويصير الصافي معاك 600 شهري




    والطريقه الثانيه

    2 / أنك بعد ماتشتري التنكر تأجر على سائق هندي ولا اي جنسيه ولحفظ حقك تكتب ورقه بينك وبين المستأجر أنه يكون كفيل بالخرابات والحوادث لاسمح الله ومخالفات المرور ويتأجر منك التنكر مابين 180 دينار إلى 220 دينار .. وانت تكون نايم بالبيت مالك شغل بأي شي

    ولو تفكر بأن رأس المال تقريبا 6000 دينار والمدخول الشهري تقريبا 200 دينار شي حلو .. والمهم جدا أن التنكر قيمة موجوده ولو فكرت تبيعه تأكد بأنه راح يجيب نفس السعر ولا يجيب اكثر يعني مثل الشيك بالضبط تصرفه متى ماتبي .




    فيه طريقه ثالثه لكل هذي تصلح للكويتيين لأنهم مايعرفون بالشغله حيل ولا يحبون العبال والمجابل وهي ...

    أنك تشتري التنكر وتحوله على البنك طبعا ماتدفع ولا دينار وتاجر التنكر على سائق بـ 200 دينار .. واللي يجيب شهريا من الاجار تسدد القسط وخلال 3 سنوات تقريبه يكون التنكر محرر من الاقساط ولو تبيعه تأكد بانه مو أقل من 6000 دينار .. يعني هنيه لاتعبت جسديا ولا عقلياً ونايم في بيتكم وبعد 3 سنوات عندك 6000 دينار ولو تقيسها على سيارتين يصير عندك كل 3 سنوات 12 ألف دينار ...




    طبعاً فيه اخوان راح يسألون عن بعض الأمور وانا إن شاء الله راح اجيب عليكم باللي اعرفه وعسى الله يوفقنا وإياكم بالمال الحلال

    وعسى الله يغنينا لحلاله عن حرامه




    اخواني لاتنسونا من صالح دعائكم لوالدي ولي ولذوي

    اخوكم
    / فهـــد
     
  2. نايف-

    نايف- عضو جديد

    التسجيل:
    ‏22 فبراير 2009
    المشاركات:
    171
    عدد الإعجابات:
    0
    الله يوفقك يارب....
     
  3. AL-AMIR

    AL-AMIR عضو جديد

    التسجيل:
    ‏19 فبراير 2008
    المشاركات:
    413
    عدد الإعجابات:
    1
    مشرووع طيب ، فكرت فيه ايام الغنم بس ما جازتلي الفكره أبد أبد
    الأسباب ما من اسباب صليت الاستخااارة وما ارتحت لها ولعلها خيره

    بارك الله فيك ، والله يووفقك يالغااالي ، وفي ميزان اعمااالك
     
  4. فهد97788

    فهد97788 عضو نشط

    التسجيل:
    ‏12 أغسطس 2007
    المشاركات:
    307
    عدد الإعجابات:
    0

    جزاك الله خير

    وبارك الله فيك
     
  5. فهد97788

    فهد97788 عضو نشط

    التسجيل:
    ‏12 أغسطس 2007
    المشاركات:
    307
    عدد الإعجابات:
    0
    الله لايهيينك اخوي الامير وبارك الله فيك

    وعسى الله يرزقك من حيث لاتحتسب

    شاكر لك مرورك الطيب
     
  6. الاحمـد

    الاحمـد عضو نشط

    التسجيل:
    ‏16 يونيو 2008
    المشاركات:
    1,425
    عدد الإعجابات:
    2
    تسلم يا فهد
    وجزاك الله الف خير
    في ثواب والديك ان شاء الله
     
  7. ys2006

    ys2006 عضو جديد

    التسجيل:
    ‏12 أغسطس 2008
    المشاركات:
    7
    عدد الإعجابات:
    0
    السلام عليكم كيف الحال اخوي فهد
    الغالي شنو اسماء الشركات اللي تأجر منك التناكر ؟؟
    وين احصل السواق حق التنكر وعلى كفاله منو ؟؟
     
  8. .:. عطر .:.

    .:. عطر .:. عضو جديد

    التسجيل:
    ‏1 مارس 2009
    المشاركات:
    317
    عدد الإعجابات:
    0
    مكان الإقامة:
    الـنـ الـعـ الكويت ـالي ـجـم
    الله يوفقك و يكثر من امثالك

    اعتقد ينطبق على كل المعدات الثقيلة مو بس التنكر ولا ؟
     
  9. بو سعـود

    بو سعـود عضو جديد

    التسجيل:
    ‏13 أكتوبر 2009
    المشاركات:
    68
    عدد الإعجابات:
    0
    الله يجزاك خير ويرحم والديك

    المشكله وين الشركه او وين الهندي اللي يوقع لك على ورقه بخصوص الديزل والخرابات

    لو اللقى هالشركه او الهندي من باجر اخذ تنكر

    فكرت فيها من زمان بس ما سعيت

    والله يوفقنا وياك
     
  10. اسامي

    اسامي عضو نشط

    التسجيل:
    ‏19 يوليو 2008
    المشاركات:
    404
    عدد الإعجابات:
    0
    الله يوفقك

    ممكن انواع التناكر و الموديلات و بماذا تنصح

    شكرا
     
  11. Balloons Shop

    Balloons Shop عضو جديد

    التسجيل:
    ‏11 سبتمبر 2009
    المشاركات:
    1,377
    عدد الإعجابات:
    2
    مكان الإقامة:
    أسواق القرين
    الله يوفقك
    وعسى الله يرزقك من واسع ابوابه
     
  12. فهد97788

    فهد97788 عضو نشط

    التسجيل:
    ‏12 أغسطس 2007
    المشاركات:
    307
    عدد الإعجابات:
    0
    بارك فيك الله اخوي الاحمد

    والله يتقبل دعواتك الطيبه

    وعساك من أهل الجنه
     
  13. فهد97788

    فهد97788 عضو نشط

    التسجيل:
    ‏12 أغسطس 2007
    المشاركات:
    307
    عدد الإعجابات:
    0

    حياك الله واسمحلي اطول بالرد عليك علشان ابين لك بعض الامور ..

    الشركات اللي تأجر كثيره وهي مجرد تاخذ مناقصات من الدوله وبعدها

    هي تطلب السيارات ومنها على سبيل المثال .

    شركة الخرافي

    وشركة المتحده

    وشركة الحقول الخضراء

    وشركة القرين

    وغيرها كثير


    اسواق التناكر فيه منهم بالحراج وفيه منهم مكاتب بالشيوخ اللي بالشويخ نظاف جدا لأنها توصل من المانيا دايركت بس السعر اغلى من السوق بشوي بس اللي عنده فلوس ياخذ من المكاتب افضل لأنه بعد حفظ الله الخربات تكون معدومه او قليله جدا ..

    والمكان الثالث من الجرايد الإعلانيه ..


    بقولك انا شلون بديت والأمر لايخلو من الطرافه لكن الإراده تحقق الأهداف

    انا كنت كأي شاب كويتي طبعا همي اكشخ وسياره جديده وفراره بالأسواق ( بس بدون قلة ادب ههههه )

    المهم شفت الناس تشتغل قلت خلني اجرب وقعدت يمكن 4 شهور ادور سيارات من الجرايد الإعلانيه وماكانت عندي فكره ابدااااااااا

    لكن استشرت ناس عندهم خبره وبعد فحص كم سياره توكلت على الله واخذت سياره بـ 6400 دينار كانت السياره محوله على البنك وخالصه

    المهم اخذت السياره وكان معاها عقد جاهز وهذا توفيق من الله بعدها شوي شوي صرت اشتغل وعرفت كل الشركات والعلاقات والامر بحمد الله صار زين


    والله ياخوي ودي كل شاب كويتي يشتغل غير الوظيفه لأني اشوف العماله من سوريين وهنود وغيرهم يشتغلون ويبنون عمارات بديارهم والكويتي حالته اقساط بدون فايده ..

    والله يرزق الجميع كويتي ولا غيره
     
  14. فهد97788

    فهد97788 عضو نشط

    التسجيل:
    ‏12 أغسطس 2007
    المشاركات:
    307
    عدد الإعجابات:
    0

    كلامك صحيح لكن هذا للي عنده رأس مال قوي

    وانا ضربت مثال على التنكر لأنه ارخص معده ومدخوله نفس مدخول اي معده أخرى ,, ولو تبي تشتري كرين ولا نساف مو أقل من 13 الف

    وبقيمة الـ13 الف تشتري تنكرين اثنين ويكون المدخول افضل من السياره الوحده ..


    وحياك الله
     
  15. فهد97788

    فهد97788 عضو نشط

    التسجيل:
    ‏12 أغسطس 2007
    المشاركات:
    307
    عدد الإعجابات:
    0

    حياك الله اخوي ابوسعود

    وين الهندي اقولك .. كثير وكلهم يبون الشغل ولو يكون الهندي على اسمك افضل بكثير ومن ناحية التوقيع هذا اصلا كل سائق معده كبيره يعرف هالشيء يعني مايخاف والامر طبيعي جدا وهذا حفظ لحقك وانا طبقة هالأمر والورقه كانت من صديق محامي والامر مايكلف ولا دينار يعني

    وبالنسبه لشركه انا ذكرت بأحد الردود اسامي الشركات يعني نفرض ماعندك اي علاقات تدخلك بالشركات ..

    تروح لشركه وتسأل عندكم شغل لسيارات الفلانيه تحدد سياراتك ويقولك اكتب عرض اسعار وروح ولو سعرك زين نتصل فيك وهذا الامر عادي وتأكد بأن الشخص لو حط الله بين عيونه وخافه واتقاه وناوي الشغل الحلال والله ان ربي مايتركه

    بعدين ملاحظه / الدينار اللي يجيك من الشغل اللي مثل هذا له سبحان الله لذه غير ارباح البورصه وغيره والكلام من واقع تجربه


    وحياك الله
     
  16. فهد97788

    فهد97788 عضو نشط

    التسجيل:
    ‏12 أغسطس 2007
    المشاركات:
    307
    عدد الإعجابات:
    0

    حياك الله اخوي سامي

    انواع التناكر الأفضل والدرجه الأولى مورسيدس نوعه ( افطس )

    بس لأنه غالي فأنصح الشخص الحديث بالشغل ياخذ مورسيدس نوع ( lb )

    لأنه تقريباً نصف سعر الافطس واخف وزن واسرع بالمكده والشغل بس من

    ناحية القوه والمتانه الافطس طبعا اقوى

    والموديلات والله انا اول مابديت بديت بتنكر قديم شوي كان موديل 1986 بس الحمدلله كان نظيف جدا بس الحين انصح بموديل من 90 إلى 92 لأنهم مو غالين حيل ومرغوبات بالشعل بس احرص تكون الماكينه ( 8 ) رؤوس علشان مايحتر بالصيف وانت تشوف الحر عندنا وللعلم ال8 رؤوس قليل بالسوق


    واي سؤال انا بالخدمه بس لاتنسانا من دعائك
     
  17. فهد97788

    فهد97788 عضو نشط

    التسجيل:
    ‏12 أغسطس 2007
    المشاركات:
    307
    عدد الإعجابات:
    0

    الله يجزاك خير

    وعسى والديك بالجنه
     
  18. fawazzz

    fawazzz عضو نشط

    التسجيل:
    ‏4 أكتوبر 2005
    المشاركات:
    300
    عدد الإعجابات:
    0
    جزاك الله خير اخونا فهد على هالنصايح والله لايحرمنا من نصايحك
    موضوعك حلو مثلك
    الله يوفقك
     
  19. بو ريما الكويتي

    بو ريما الكويتي عضو جديد

    التسجيل:
    ‏22 فبراير 2010
    المشاركات:
    106
    عدد الإعجابات:
    0
    الله يرزقك من حيث لاتحتسب ويزيدك خير فوق الخير الي جاك ويبارك باهلك .
     
  20. فهد97788

    فهد97788 عضو نشط

    التسجيل:
    ‏12 أغسطس 2007
    المشاركات:
    307
    عدد الإعجابات:
    0

    الله يبارك فيك حبيبي

    وانت الأحلى