السوق متغير ملاحظين هذا الشي

[عصويد]

ياجماعه صانع السوق حيل متغير عن السنوات الماضيه السوق فيه شي شنو انا ماني عارفه ,فيه بصانع السوق بخيل جدا فيه حتي الصفقات مشكوك فيها اسئلكم بالله احد ربح من الصعده الماضيه؟بالعربي الوضع خطير للمضارب

 

[Shadow123]

حاليآ الخوف مسيطر وعدم الثقه وان شاءالله اذا السيوله دشت السوق بقوه ابشر بالخير .

 

[alshamk]

عصويد انت قبل يومين ودعت المنتدى عندك الحين

 

[مليونير بعد سنه]

لا خوف ولا شي ياخوان الموضوع بصيط وسهل

هذا ضغط على الحكومه من اجل الدعم واذا ماحصل الدعم

يبون على الاقل فتح طريق السيوله اعاز من المركزي للبنوك


حتى المواطنين متضررين موقادرين يسون اعادة جدوله على قروض استهلاكيه

شلون وضع الشركات يعني

الشركات تبي اقراض وتبي اعادة جدوله وتبي توفير سيوله (متعثرة)

وتمنى لكم التوفيق

 

[rouzy]

يا الحبيب
اذا أردت راحة البال وتجنب الكثير من الخسائر

فأنصحك أن تكون (مستثمر) وليس (مضارب)

فاذا أصبحت مستثمرا.. فيمكنك تحمل ألاعيب وصدمات السوق.. عن طريق حمل السهم ليس لأشهر فقط .. بل لسنوات عديدة..

ولكن هذا السلوك مشروط بشرط هام وهو : أن يكون سهمك (تشغيلي وقيادي) وليس سهم خرطي...

عندئذ، يمكنك تحمل الرياح العاتية .. وتلعب لعبة الكبار.. وهو الصبر والنفس الطويل والثقة .... الى حين وصول السعر للسعر المنشود الذي أنت مقتنع به... ثم تبيعه بربح... وليس بخسارة...

وعسى الله يرزقنا جميعا.

 

[عندك سلف]

اهوا في صانع سوق الحين؟؟؟
أتوقع ما في صانع سوق!!!
صانع السوق الحقيقي هو احنا
صغار المتداولين
أما كبار المتداولين فتركوا السوق

 

[سرور]

اهوا في صانع سوق الحين؟؟؟
أتوقع ما في صانع سوق!!!
صانع السوق الحقيقي هو احنا
صغار المتداولين
أما كبار المتداولين فتركوا السوق

كلام جانب الصواب لأنني اجلس مع كبار المتداولين،،، ويقولون هالأسعار عمرنا ماراح نحصلها .. ولكن نقول عنهم انهم حذرين جدا

 

[NEW حاكم السوق]

كلام جانب الصواب لأنني اجلس مع كبار المتداولين،،، ويقولون هالأسعار عمرنا ماراح نحصلها .. ولكن نقول عنهم انهم حذرين جدا

يعني قاعدين بره! يناضرون ويراقبون ...!!!؟؟؟

 

[سرور]

يعني قاعدين بره! يناضرون ويراقبون ...!!!؟؟؟

يعني اوضح لك اكثر كانوا قي السابق يضع حوالي 30% من امواله في البورصة ولكن بعد الازمة يضع حوالي 10% فهو مثل ماقلت يتحين الفرصة فيراقب ويختار سهم ما يخر الماي ،،،، اما ان التاجر يترك البورصة مستحيل no way

 

[ابو نواف محترف]

ياجماعه صانع السوق حيل متغير عن السنوات الماضيه السوق فيه شي شنو انا ماني عارفه ,فيه بصانع السوق بخيل جدا فيه حتي الصفقات مشكوك فيها اسئلكم بالله احد ربح من الصعده الماضيه؟بالعربي الوضع خطير للمضارب

منت مظبوط قبل كم يوم تقول استودكم الله == واليوم كاتب عن سوق == مدري شنو وراك

 

[مجد 91]

ماقصرت الحكومة