مارئيكم ان نضيع اجازة السوق مع برنامج ثري دي استوديو ماكس

[alattar]

اشكرك اخوي الطارق على كلامك الطيب وان شاء الله اكون عند حسن ظنكم

========================

الشامري والأخ طارق وبومحمد اذا يحب يشاركنا انا اليوم باليل راح ابلش في عمل والفكره هي عمل عريش وداخل العريش دلة قوه معتقه واجب ضيافتكم وهو اول عمل طبعا العمل راح ياخذ وقت ما اتصور اقل من 6 ساعات ولكن انا راح اعمله وحط الصوره وحط المعطيات للعمل لكم وراح تسوونا بنصف ساعه اذا الله شاء


تحياتي

 

[alattar]

هلا بومطلق

اخوي طارق عزيزي انا تكلمت مع اخونا بومطل في التلفون وقتله ان يتبع دروس الي في منتدى بوبدر واي استفسار او صعوبه ممكن تواجهكم انا موجود وبالخدمه

انا عندي عمل من جد ماخذ كل وقتي هذي الفتره فسامحوني اذا قصرت معاكم ولكن هذا وعد مني انا راح نبلش في امور الدروس في وقت اخر


وحب اني اوريكم اي مستجدات في العمل الجديد

هذي الصوره يابومطلق

طبعا المشهد راح يكون متحرك والحين هذا العمل هو بأوله بدون اي تفاصيل ولا اناره ولا شي لحد الأن انا توني مبلش فيه

فياريت اي شخص عنده اي انتقاد او نصيحه فنيه للعمل لايتأخر ان يدلي بها


طبعا اكرر العمل لحد الان ما اكتمل انا الي سويته لي الحين اهو الممر فقط
لاغير

تحياتي

 

[alattar]

وهذا الممر من الجانب الأخر

 

[alattar]

وما انسى حبيبنا بومحمد ياريت اسمع رايه في العمل

يهمني راي هذا الرجل العزيز على قلبي

 

[al7bebe]

اليابان انتجت جرافيك عن طريق المنظار مرتبط بجهاز الكمبيوتر

اخوي العطار انا شفت برنامج في التلفاز محطه الامارات البزنس ان اليابان اخترعوا برنامج متطور عن الجرافيك بشأن تصامين داخليه للمنزل
حيث احد المصممين للمنزل يستخدم المنظار المتربط في جهاز الكمبيوتر ويتكلم بكلمه مثل كلمه باب ويظهر له باب امامه وهو لابس هذا المنظار ثم يقول لون الباب ويتغير لون الباب والخ.

 

[alattar]

هلا والله عزيزي al7bebe

عزيزي البرامج على افا من يشيل

في برامج لتصاميم المنازل والأثاث وسهل جدا ماعليك الا انك تحط السرير والكنب والكراسي في اي مكان تحب في البيت وهذا البرامج انصح اي شخص يحب ان يأثث بيته قبل لايدفع دم قلبه يشتريه وياثث ويشوف هل الشكل مناسب ولا لا

البرامج اسمه ثري دي هوم

====================

عزيزي في شيء اسمه (بلقن ) وهي المقابس تستخدم داخل برامج ثري دي استوديوماكس

نماذج جاهزه وبأمكانك تغيير المعطيات داخلها

يعني تبي بابا تقدر تحط المقبس للبيبان وماعليك الا انك تضغط على اي بابا تبيه وتحدد العرض والطول فقط وهو يسوي لك

======================

ولكن انا ما احب استخدمه ابد الفيرجن الجديد من 6 الى 8 البلقن اغلبها مع البرامج مثبته

اهي مفيده للمحترف تختصر له الوقت

انا ما احب استخدمه لغرض واحد وهو وصولي للأحترافيه

هذي المقابس اتخليك كسول

انا احب اكون النجار .... الصباغ ...... راعي ادوات الصحيه ...... البناي
الكهربائي ..... المهندس داخل برنامج ثري دي استوديو ماكس

وحلمي ان اصل الى الأحترافيه

البرامج الي انت ذكرتها لايمكن تعطيك الواقعيه انا يهمني ان يكون العمل واقعي

مثلا الممر الي انا حطيته ما عجبني وراح يكون هناك تعديلات قويه وان شاء الله راح احط العمل بعد الانتهاء منه الي مو عاجبني بالممر هو ان المشهد نظامي اكثر من اللزوم لابد ان يكون في ديريتي حتى يبين انه قديم


واشكرك عزيز وياريت اذا عرفت اسم البرامج تحطه

 

[al7bebe]

اخوي العطار هذا توه مخترعينه وما اعرف اسمه بس شفته في التلفزيون

بعدين العطار اذا تبي تشتري اي شيء يتعلق في البناء او التأثيث نصيحه روح الصين.
انا على وشك تشطيب القسيمه وابي اروح الصين اشتري الاثاث هناك.
عندي اصدقاء راحوا هناك واشتروا اثاث بسعر رخيص جدا مع ان الاثاث قيم جدا وسعره في الكويت اضعاف اضعاف السعر.

 

[الشامري]

بعدين العطار اذا تبي تشتري اي شيء يتعلق في البناء او التأثيث نصيحه روح الصين.
انا على وشك تشطيب القسيمه وابي اروح الصين اشتري الاثاث هناك.
عندي اصدقاء راحوا هناك واشتروا اثاث بسعر رخيص جدا مع ان الاثاث قيم جدا وسعره في الكويت اضعاف اضعاف السعر.

منزل مبارك يا رب

وأزيد على كلامك ..... إذا بغيت أثاث أو مشغولات خشبية للبيت .... روح الهند ..... تلاقي العجايب

________________

بالنسبة للممر .... الممر حلو وجميل
بس مثل ما قلت نظامي جدا .... وبعدين منو البناي هذا اللي سواه ؟
ما شاء الله الطوفه ولا زلغ فيها ..... ولا صبغ مقشر ..... ولا شخابيط يهال .... ولا حتى بريعصي ( أجلكم الله )

شغلك مظبوط يا بو حمْود .... بس أظن لون الـ skin لازم يصير مايل للبيج أكثر ..... مو أحسن ؟

 

[al7bebe]

الله يبارك في عمرك اخوي الشامري

الصراحه الهند ما ادري عنها اول مره اسمع فيها وراح اشوفها عن طريق بحث القوقل.

 

[alattar]

هلا والله بالحبيب

بالنسبه لصين اشوف الكويتيين هبو هبا فيها انا عندي من عائلتنا خمسه راحو الصين واثثو من اهناك تأثيث البيت كله مع الشبابيك بعد طلع عليهم 2000 دينار الله يدوم الرخص

====================

بومطلق اشكرك عزيز على الملاحظات بالنسبه skin كلامك سليم وراح احاول اعدله والله يعيني

اشكرك يالفنان

تحياتي

 

[al7bebe]

والله صاج العطار

سمعت انا هذا الحجي من اصقائي عن تكلفه شراء الاثاث بس ماكنت مصدق، الظاهر اني عزمت رحله السندباد