ما هي المدة الزمنية لاستلام قرض ال 70 الف من بنك التسليف ؟

[Math-Man]

السلام عليكم ،

قدمت الاوراق المطلوبة لقرض 70 الف لشراء منزل لبنك التسليف ، وعطوني موعد بعد شهر

زين شنو الاجراءات القادمة ؟ وكم راح اطول المعاملة . ما علش اخوكم غشيم في هالموضوع

سؤال ثاني ، اذا شريت بيت فوق ال 200 الف ، عادي او تسقط عني ال 70 ؟

وشكرا جزيلا

 

[eezeee2]

وعليكم السلام
هلا اخوي اذا جاء موعدك راح يدزك الفرع للرئيسي وراح توقع انت وهلك وبعدين راح يعطونك موعد اسبوع بالكثير وتلقى الشيكك في فرعك بنك التسليف وراح يعطونك 8500 دينار

 

[ghanim89]

المعاملة ما اعرف عنها شي
بس اذا بشتري بيت عادي
يعطونك 70 الف قرض والباقي انت تدفعه

 

[يوسفاني]

توقع أنت بس المرا مالها شغل ما يتسجل البيت بأسمها الا في حالت رغبتك في ذالك

 

[الحريه وطن]

ياجماعه اللي بيفتح ملف بالتسليف طلباتهم تعجيزيه تفر علي اغلب الوزارات هل هناك مكاتب تخليص معاملات ؟

 

[Math-Man]

انا عطيتهم كل اوراق فتح الملف ، قالولي مرنا بعد شهر ...

زين وبعدين ، فيها شهرين جدام والا خلاص من يفتحون الملف تصير الامور سهالات ؟

شكلهم مغصوبين ودافعين من جيوبهم

 

[بو يحيى]

المدة من 30-40 يوم واذا تبي تشتري اهلك مالهم شغل البيت لك الا اذا رغبت باضافتهم .

بعد استكمال الملف اسبوع للاجتماع والاقرار باستحقاقك السبعين
وبعدين اسبوع لخروج مهندس والتاكيد بان البيت يستحق السبعين
وبعدهاباسبوع الموافقة على السبعين وطلب كتاب الغاء بدل الايجار من الرعاية السكنية
وبعدين اسبوع لرفع المعاملة الى بنك التسليف الرئيسي لتوقيع التعهد بتحويل السبعين الى البائع
وبعدها باسبوع او عشر ايام الموعد النهائي للتوقيع في التسجيل العقاري

وسلامتكم

 

[Math-Man]

المدة من 30-40 يوم واذا تبي تشتري اهلك مالهم شغل البيت لك الا اذا رغبت باضافتهم .

بعد استكمال الملف اسبوع للاجتماع والاقرار باستحقاقك السبعين
وبعدين اسبوع لخروج مهندس والتاكيد بان البيت يستحق السبعين
وبعدهاباسبوع الموافقة على السبعين وطلب كتاب الغاء بدل الايجار من الرعاية السكنية
وبعدين اسبوع لرفع المعاملة الى بنك التسليف الرئيسي لتوقيع التعهد بتحويل السبعين الى البائع
وبعدها باسبوع او عشر ايام الموعد النهائي للتوقيع في التسجيل العقاري

وسلامتكم

مشكور على الاجابة التفصيلية

الله يعينا ، شكلها مطولة السالفة