بالتأكيد لكل سهم له صانع سوق طبعا ما عدى الاسهم الدايخه الي يتم استغلالها للعب بالمؤشر العام
وعلى المحلل ان يبني جني ارباحه او يوصي لجني الارباح لاقرب مقاومه مهمه للسهم لان يعتبر مضاربه وليس استثمار هذي نقطه
النقطه الي ابيك تجاوب عليها على اي اساس الاخوه المحللين يضعون شارتهم وتوصياتهم على سهم معين وباليوم الثاني السهم يرتد هل هالشي من خلال توصيه من صانع سووق ؟ او بواسطة تحليل
على قولتك صانع السوق يعتمد على التحليل اذا هنا نقدر انقوول ان التحليل اقوى من الدينار لان كشف تفكير صانع السوق واعطى دخول مع صانع السوق والاهم بهالشي على صغار المستثمرين ان يكتفي بالربح القليل ويبتعد عن الطمع حتى لايتعلق ويصير اسير صانع السوق
وتحياتي لكم ونتمنى الكل يربح والاهم ياكوزومو اذا كنت تعتمد على صانع سوق ويعرف انك تعطي توصياتك للعامه فبهالحاله يا انا ان يتم استغلالك حتى يقع الكثير بالمصيده
او ان صانع السوق يخسر محفظته على اساس مساعدة صغار المستثمرين وهالشي استبعده
تصدق يا اخوي اسد
لو اقولك حتى الاسهم الدايخه الي تفضلت في ذكرها تلعب دور ضخم في رفع او اطاحة المؤشر ؟؟؟ والامثله كثيره عندنا الحمد لله لووول
ااما بالنسبه للسؤال
منو الي يدخل على السهم بناء على التحليل ؟ هل هم صغار المستثمرين الي يرفعون السهم ؟ مستحيل طبعا
فخلنا نكون واقعيين المحافظ وصناع السوق هيا الي تدخل
والمحافظ مداره اساسا من قبل صناع السوق
فعليه صانع السوق لمه يشوف تحليل يقول السهم الفلاني عليه دعم او مقاومه اكيد راح يدخل ويدعم
او اذا صار ذكي اكثر صانع السوق
ينطره يكسر الدعم وينزل ويخليه صانع السوق من غير دعم وينزل وينزل وينزل لي مستوى شنيع وتالي يدخل بعد ما يشوف المحللين يقولون انه السهم لازم يرتد من السعر الفلاني
هني يرد الفلم
يشيل صانع السوق ويسوي حركات بالسهم ممكن يرفعه يومين حد اعلى علشان يأكد فلم الارتداد
وتالي يصرف على الصغار بالعاااالي
وهذا انت قلتها ( صانع السوق ) يعتمد على التحليل
لكن انا اليوم اتكلم عن صغار المستثمرين هل استفادوا من التحليل ؟ ام صانع السوق الي استفاد
اما عن صناع السوق والمصيده الي تفضلت في ذكرها الحمد لله اهمه على درايه بكل شي لكن انا متحكم في جزئيه كبيره من الامور الي تخلي موقفي اقوى ولله الحمد
فماكو مصايد ان شاء الله لصغار المستثمرين
وماكو صانع سوق خسران
هذي استحاله
لانه ماكو صانع سوق يطق صانع سوق
الا الكبار يطقون بعض هذا شي ثاني هههههههه