امدور الزينات
عضو نشط
- التسجيل
- 8 مارس 2005
- المشاركات
- 389
ياجماعة انا شايف ادارة البورصة الموقرة هي المسئول الاول عن المهازل اللي تصير بالسوق يوم حد اعلي ويوم حد ادني وماينعرف السبب ليش لانة مافية اي شفافية عن الاسباب اللي ترفع السهم او تنزلة ولو كانت ادارة البورصة تبي تمنع المهزلة اللي تصير بالسوق تري عندها صلاحيات بس يمكن واللة اعلم عاجبهم ان المستثمرين وخاصة صغار المستثمرين انهم يخسرون ليش لانهم فجاءة وبدون مبررات ينزل السهم حد ادني ولا بعد تقول اللي قاعد يعرض بالحد الادني مومصدق علي اللة وصل للسعر هذا وينة يوم يطلبونة باسعار اعلي من الحد الادني ليش ماكان يعطيهم لانة متعمد انه يغير السعر حتي يبيع الناس باسعار هو يبيها ولو كانت ادارة البورصة حريصة علي اموال المستثمرين كان اوقفت كل شركة يثبت ان النزول عليها اكثر من مرة هو نزول مصطنع و حاسبت اللي يثبت انة هو او الحبايب اللي يشتغلون لحسابة واللي هم شغالين بالنزول لخسارة الناس حساب عسير ليرتدع غيرهم من اللي يحبون هذا الربح المبني علي خسارة الناس وحتي تكون البورصة موقع اقتصادي سليم يضهر الجانب الاقتصادي للبلد مو للي يدمرون اقتصادالبلد بالعمليات الوهمية من حيث ارتفاعات اكثر من مرة اومرتين حد اعلي وبعدين يهدون السهم حتي يرجع لسعرة القديم او يظهرون الاشاعات علي ان هذي الشركة خسرانة وهم يلمون كثر مايقدرون باسهمها اوان هذي الشركة ربحانة وهم قاعدين يرفعون سعر السهم ويحاولون يصرفون كثر مايقدرون من اسهمها باعلي سعر يقدرون يوصلون لة ليش لان الشركة بالاساس خسرانة ولازم ادارة البورصة تكون هي القاضي والحكم في هذا الموضوع وتتاكد من صحة الاخبار وتتاكد من الاسباب اللي اثرت علي اسهم هذي الشركة اوتلك سواء نزول اوصعود وتعلم المستثمرين فية اول باول مو بعد ماتطير الطيور بارزاقة فهذيك الساعة ماينفع الخبر البايت وانا اقول الي الادارة الموقرة ان من امن العقاب اساء الادب ففعلو العقوبات ضد جميع المخالفين من اللي يلعبون باموال الناس وانا متاكد انكم تقدرون بنسبة 100% وتحياتي للجميع.
